العودة   ::{ مجالس قبيلة هذيل }:: موقع يهتم بتراث القبيلة ومفاخرها > المجالس الخاصـــة > مـجـلـس شــاعـر هـذيــل
 

مـجـلـس شــاعـر هـذيــل كل ما أُثر عن أسطورة الشعر عبدالله المسعودي رحمه الله

إضافة رد
 
 
أدوات الموضوع انواع عرض الموضوع
 
قديم 05-21-2020, 02:59 PM   رقم المشاركة : 1
معلومات العضو

 
الصورة الرمزية admin2023
 

 

 
إحصائية العضو






اخر مواضيعي
 

admin2023 غير متواجد حالياً


افتراضي ياهلال التمني لك يجيب الهوان..

محاوره جمعت كل من الشاعر عبدالله المسعودي الهذلي والشاعر جارالله السواط العتيبي والشاعر هلال السيالي العتيبي يرحمهم الله جميعاً

السواط
...... .................... من قديم الزمان
مرحبا في حلال اهل الوفا واللزوم
الليالي لها غدرات والضلع لان
ياصقور على ريح الغنايم تحوم
المسعودي
يالعتيبي تراك امسيت في دار امان
البقا والتحيه وش معك من علوم
ان فقدنا فلان انتم فقدتو فلان
نهبت اهدومكم ياناهبين الهدوم
السواط
يالهذيلي تكلم يافصيح اللسان
شمس ابو زيد من وقته عليها غيوم
البعير اليماني مالقاله مكان
طاح ياهل العقل بالحمل عيا يقوم
المسعودي
ما مشينا هذاك الدرب من غير شان
انت غلقت حجك والعرب فالقدوم
حضر المبخره للمستكى واللبان
لين عينك تنّظر للقمر والنجوم
السواط
دارته لين عشري ما تعود ثمان
جا سهم منك واوجعتك بعشرة سهوم
من حضر مبخره للناس سره يبان
البحر يتعب السباح ياللي تعوم
المسعودي
ان نظرك الطبيب اللي يعرف الاوان
ليت والياك خليت المداوي يقوم
كل ماقلت هذي قلت هذي وكان
وين ديرة جهينه عن جبال البقوم
السواط
لورفيقك معك بالرمح ولا سنان
ارطنو والخلايق قبلكم يرطنون
السيالي
انت تاكل وتشرب وسط شهر رمضان
والله اني لضدك غصب حتى تصوم
المسعودي
انت لاقمت مسحت الوبر بالدهان
لين طلعت راسك عند ذرح السموم
ماعليه ليا مني صلبت البطان
فاقتي فاقتي والله غفور رحوم
السيالي
عندنا لك عزيمه من مكان لمكان
قدرها فالمضيق وصحنها فالجموم
السواط
يالرضيع الجويهل طحت فالبهلوان
خشمك اندق ما دقيت ذيك الخشوم
المسعودي
روح ليم متوعك ثم يادان دان
وانت مانته من الخير الكثير محروم
يا سواط انت عظمك فيه بعض الليان
وان نويت الشجاعه صدت لك طير بوم
السيالي
من يقدم سمينه ينجزي بالسمان
لقتسمنا نعرف قسومنا فاللحوم
السواط
فيك اشاره بدت لاتحسب الجرح حان
انت مديون والعربان تقضي الديون
المسعودي
ياهلال التمني لك يجيب الهوان
ما انت ياهلال قاطع مسك من قرن ثوم
لانذم الغياب ومن حضر مايهان
نعم يالربعه اللي ما وراكم رخوم
السيالي
الغنى والفقر فتنه وفيها امتحان
رحمة الله قريب والدهر مايدوم
السواط
التمني يحقق والهدف دوب زان
اصبرو ياقويين الفعل والسلوم
المسعودي
الدهر والفقر ماردكم يوم كان
لين شفت الدفاع اللي يصيد الهجوم
دامت ان المكينه من سخيف الحسان
يخلق الله بعد مهله ثلاثين يوم
السيالي
كل واحد من الطلاب عنده بيان
والنتيجه بعد منها تزين الرقوم
السواط
الدهر والفقر تحسبه انسن وجان
لو يجي بعث والا نشر عينك تنوم






التوقيع

كل ماراح واحد راح الاخر طريقه

والشمالي عليه لباس ماهو لباسه

انته ولعة في بشتك وشبت حريقه

وانته راعي وطن والدار تعرف عساسه


عبدالله المطرفي

آخر تعديل بن عادي يوم 05-21-2020 في 03:10 PM.
رد مع اقتباس
قديم 05-28-2020, 03:42 PM   رقم المشاركة : 2
معلومات العضو
سعود المسعودي

 
الصورة الرمزية أبو رديد
 

 

 
إحصائية العضو






اخر مواضيعي
 

أبو رديد غير متواجد حالياً


افتراضي رد: ياهلال التمني لك يجيب الهوان..

سلمت ودمت ابو عبيد
شكرًا لجهودك المتواصلة والمشرفة






رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
51 بطوله من قدك ياهلال مبرررررروك ياهلال صدى الماضي المجلس العام 5 04-16-2011 12:21 PM
وهم التمني.... هامة العرب مجلس النثر والخواطر 4 06-17-2010 01:09 AM
هذا ماتمنيته ياهلال الرحال الهذلي المجلس العام 12 12-26-2009 05:10 PM
المسعودي(ياهلال التمني)صوتية النباتيييييي مـجـلـس شــاعـر هـذيــل 16 06-28-2008 09:42 PM
ياهلال صعيب الندوي مجلس الشعر الشعبي 11 04-23-2007 04:00 PM


الساعة الآن 11:11 PM


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
الحقوق محفوظة لشبكة هذيل