النسخة الكاملة التسجيل
::{ مجالس قبيلة هذيل }:: موقع يهتم بتراث القبيلة ومفاخرها
مـجـلـس شــاعـر هـذيــل>من اعذب محاورات عبدالله المسعودي رحمه الله
عـازف هذيل 10:32 PM 05-18-2009
هذه محاوره نادره جدا بين الشاعرين

عبدالله المسعودي رحمه الله والشاعر رداد المسعودي

بصراحه الشاعر رداد المسعودي كان ندا قويا لأسطورة المحاورات عبدالله المسعودي


عبدالله المسعودي :
مرحبا من هجوسن همها ماقتلها
يوم بعض القلوب تموت من غير هم
المعاني يجون أصحابها عند اهلها
احد يعرف واحد مايعرف العشر كم

رداد المسعودي :
البقا يالمغني والمثايل فتلها
من بكى ما ضحك والدمع منصوف دم
الجمايل تطوي حبلها في جملها
وان طحنتوا طحنا حب لو كان صم

عبدالله المسعودي :
رجل ابو زيد غاطس ساقها في وحلها
وانت لا قالوا ابو زيد قلت ونعم
بطن جيعان لو تعطيه يمناك اكلها
اي شي يرد الجوع لو كان سم

رداد المسعودي :
نفسك اللي تضايق شانها من عملها
لو تمنى تجي لي عم ماصرت عم
كل جابه يبا ياتيك مني بدلها
حيث تمشي مشينا والقضا والقدم

عبدالله المسعودي :
الذبيحه تمهلص شحمها مع عبلها
وانت تاكل ولا تطعم لزادك طعم
ليت راع المطيه قبل تسري عقلها
قبل ينطف عبسها عند باب الحرم

رداد المسعودي :
كيف هذي الديار تحوزها عن جبلها
لو تزلزل عليه من السما ما انهزم
الذبيحه تقاد لسيدن ما قبلها
وانت وشبك تخم الدرب بالمشي خم

عبدالله المسعودي :
شيل يدك الكريمه يااصبح الوجه شلها
وش هذي البخبخه والفخفخه والكرم
انت نازل على الديره وغيرك نزلها
كل ماصار في خشمك عرام انعرم

رداد المسعودي :
قد زرعنا ونجنا تمرها من نخلها
لو تبا دين لا حلف لك بربي قسم
انزوى حدها واصحابها في فللها
طيع شوري ليا سولفت لك قول تم

عبدالله المسعودي :
لو بارودة الحارس يولع فتلها
ماتحوم السوارف عند قدر اللحم
مابصلي ورا شيخ يمينه شملها
امترغ فالمراغه وابتهل واحتزم

رداد المسعودي :
صبح بكره يبين ريالها من هللها
ماش عين تشوف الدرب وآذان صم
كم نفسن مريضه زادها ما قتلها
والشياطين ماتقرب رجال القلم


وهذا تصميمي لان اي شي يعجبني اقوم بعمل تصميم له


نقرتين لعرض الصورة في صفحة مستقلة
إضافة رد
مطرفي الدلم 10:42 PM 05-18-2009
الله يرحم اسطورة المحاورة ويشفي رداد المسعودي ورداد من كبار الشعراء في وقته وند قوي لهم لكن للإعلام دور في تحجيم بعض الشعراء العاديين وإخفاء شعراء متميزين وأقوياء .

لاهنت وبيض الله وجهك .

إضافة رد
عز الرفيق 11:14 PM 05-18-2009
رداد المسعودي

اسطورة محاوره بنفسه

و لو يعود رداد للمحاوره لأعاد لها ثقتها بنفسها


رحم الله عبد الله المسعودي


و اطال الله عمر رداد المسعودي


و كل الشكر يا عازف هذيل


نقل مميز
إضافة رد
أبو المثلّم 11:25 PM 05-18-2009
المشاركة الأصلية كتبت بواسطة عز الرفيق:
رداد المسعودي

اسطورة محاوره بنفسه

و لو يعود رداد للمحاوره لأعاد لها ثقتها بنفسها


رحم الله عبد الله المسعودي


و اطال الله عمر رداد المسعودي


و كل الشكر يا عازف هذيل


نقل مميز
صدقت والله
إضافة رد
ابو محمد الخالدي 01:58 AM 05-19-2009
رحم الله الشاعر عبدالله المسعودي

يعطيك العافية ياعازف هذيل


تحياتي لك

إضافة رد
االخالدي 11:50 AM 05-19-2009
رحم الله الشاعر عبدالله المسعودي
إضافة رد
أبو حمدان 08:41 PM 05-19-2009
رحم الله عبدالله المسعودي رحمة واسعة
واطال الله عمر شاعرنا رداد المسعودي
معرفتي برداد المسعودي قديمة جداً وكان زميل عمل
قبل أن يتقاعد
شافاه الله وعافاه فهو يعاني من عدة مراض
إضافة رد
أبو المثلّم 07:03 PM 05-30-2009
يثبت الموضوع مع الشكر لعازف هذيل
إضافة رد
أبو رديد 04:41 PM 07-02-2009
ألف شكر ياعازف هذيل

مجهودك واضح ورائع

الله يقويك ويمتعك بالصحة والعافية


رحمة الله على عبدالله
وشفا الله رداد ومتعه بالصحة والعافية
إضافة رد
صافي الروح 08:42 PM 07-03-2009
رحم الله الشاعر الهرم/عبدالله المسعودي وألبس الشاعرالهرم/ رداد المسعودي ثوب الصحة والعافية
إضافة رد
فارس الحجاز 11:42 PM 08-09-2009
شكراً ..
محاورة قوية
إضافة رد
أبو ملاذ 11:16 AM 04-09-2010


للمحاوره بين شاعرين من نفس القبيله طابع خاص

فعلا المحاوره هذه روعه وجميله في كل ابيااتها وقداطلعت عليها قبل كذا

بكتاب/ شاعر هذيل
تأليف /ابوتاكي المسعودي



رحم الله عبدالله رحمة واسعه واطال في عمر رداد




عازف هذيل عسفت الابداع حتى سار طوعا لك تتنقل به في صفحات المنتدى كيف تشااء

شكرا لك








سي يو
إضافة رد
خوي المطاليق 07:34 AM 10-16-2010
بطن جيعان لو تعطيه يمناك اكلها
اي شي يرد الجوع لو كان سم

الله يرحمك يا عبدالله المسعودي

وكل الشكراً على هذه المحاوره الرائعه
إضافة رد
بشت المسعودي 10:16 AM 03-03-2012
المشاركة الأصلية كتبت بواسطة خوي المطاليق:
بطن جيعان لو تعطيه يمناك اكلها
اي شي يرد الجوع لو كان سم

الله يرحمك يا عبدالله المسعودي

وكل الشكراً على هذه المحاوره الرائعه

100%100
إضافة رد
إضافة رد Up