النسخة الكاملة التسجيل
::{ مجالس قبيلة هذيل }:: موقع يهتم بتراث القبيلة ومفاخرها
مجلس موروث هذيل الأدبي>الجمل والترمبيل
هذلي والفخر لي 01:30 PM 02-17-2007
من ذاكرة الوالد حفظه الله

اقدم لكم هذه المجالسيه

للشاعر حاسن المطرفي رحمه الله

ويبدو انه يمثل خصمين لدودين من خلال شعره

هما الجمل والترمبيل( السياره)

اليكم المجالسي




قال الهذيلي يوم هجرس وغنى
من هاجسن فيه الخبر ساع دنا
امسى مريح من الفكر وارجهنا
يالله ريح خاطره لا تعنيه

وارد من حالي هوى شف بالي
والمعرفه والطيبه راسمالي
اشوفها اطيب من مواشي حلالي
اليا كسبت العز والفرض اصليه

هذي هجور الناس تبغى الدعاوي
ثلثين يقدى الدرب والثلث غاوي
ازرى المساوي بينهم لا يساوي
والحق يصعب والخطا تجتهد فيه

وان جيت تعمل بينهم بالنصيحه
ما سمعوك الا الهروج القبيحه
لا وا وجودي يالوجيه المليحه
اللي تعرف العلم والحق تعطيه

من بغضهم صار الحسد في ديارهم
وصغارهم ماتستمع في كبارهم
واعذل على فكري يفاوت شارهم
والكل منهم صاحبه مايدانيه

بعده سمعنا بالجمل والترمبيل
رضيوا لهم قاضي وحطو معاديل
والكل منهم قال انا صادق القيل
كلن على الثاني يفيض دعاويه

قال الجمل يالقاضي اللي رضيناك
في دعوتي جيتك وفي دعوته جاك
نبا الامانه والمعاديل بيداك
والكل منا قنعه لين ترضيه

قال الترمبيل ادعي من لساني
على الجمال الساحلي واليماني
اللي يحط لها الحقب والبطاني
وخطامه اللي فوق خشمه واذانيه

قال الجمل حنا الوجيه المسافير
واما انت شغل المطرقه والمسامير
مع كل وادي لك نهاق وتصفير
مره تصيد الدرب ومرار تخطيه

قال الترمبيل انت مجنون صاحي
ابا جمال البر توحي صياحي
حتى تموج مع الدروب البراحي
وانا حساسي كل واحد يجليه

قال الجمل مالك معزه ومقدار
حيث ان ما خلقك خلاق الاعمار
ان كان ما شبو على ........ النار
النار في ........ والاخرى تمشيك

قال الترمبيل انت بين حسودي
حيث ان مايركب علاك السعودي
احملتني ياشين ابيح سدودي
واللي بصدري للخلايق مبديه

قال الجمل وين انت ياراقد النوم
يوم السعودي بالقنا عامها عوم
بالجيش الاشقر قض قومن على قوم
قرت موازينه وبانت مواريه

قال حكمت ياهل المعرفه والمثايل
ان الشكاله للجمال الاصايل
تاطى على صم الحصى فالقوايل
خويها في دربها ماتخليه

واما الترمبيل ماهو تجاره
مافيه مكسب فيه دايم خساره
ان كان ماله نمرة واستماره
لازم على السواق يرجع لراعيه

إضافة رد
سلطان السويهري 09:40 PM 02-17-2007
مجالسي ولا أروع يا بو بسام

الحقيقة باذل جهد طيب في القسم

لك مني أرق التحايا


وتمت طباعه والاحتفاظ بنسخة من المجالسي
إضافة رد
فـتى هذيل 10:23 PM 02-17-2007
بيض الله وجهك ياأبو بسام ووجهك أبوك.
إضافة رد
قناص الساحل 12:02 AM 02-18-2007
مشكور اخوي هذلي على الجهد الطيب



هناك بعض الابيات لم تذكر


قال: الترمبيل اسمعوا في الدعيه

بعد وردت الحق والمرضويه

كن الجمل بالحيل ضايق عليه

يبغى المساوى لاكن مانى مساويه


قال: الجمل لاشكر لك يالهديمه

وين انت عنا في السنين القديمه

يوم الحرايب قايمه مستقيمه

لاعاش صناعك ولاعلم مساويك


والقصيدة عندي كامله من اولها لاخرها حتي الحكم فيها

واذا تطلبونها تراني حاضر

إضافة رد
ابو سعد 01:50 AM 02-18-2007
الف الف الف شكر لك اخوي هذلي و الفخر لي



مجالسيه رائعه لشاعر كبير رحمه الله










تحياتي ,,,
إضافة رد
فارس الدهما 12:44 PM 02-18-2007
الله يعطيك العافيه يابوبسام على هذا النقل المميز
إضافة رد
محمد الحتيرشي الهذلي 01:44 PM 03-02-2007
محاورة جميلة ويعطيك العافية
إضافة رد
إضافة رد Up