النسخة الكاملة التسجيل
::{ مجالس قبيلة هذيل }:: موقع يهتم بتراث القبيلة ومفاخرها
مجلس المحاورات ( القلطة)>محاورة بيني وبين الشاعر العرابي
حسين النجيبي 12:45 AM 12-28-2015
العرابي :

يا مرحبا ياالنجيــــبي جتك ردية جــــــديدة ///// ولفتها من عميق القلب ماهي من لساني
ودي اسولف معك مادام جيت إبلا وعيدة ////// والعشر في حسبة العراف ما ترجع ثماني

النجيبي :

ولك البقى يالعميل اللي ترحب بالوكيـــــدة ///// اللي يقدم سمينة ما جزاه إلا الســـماني
هات السوالف بعد غنيت يا راعي النشيدة //// العود الأخضر يبس من بعد حفات الزماني

العرابي :

أنا قريت الجرايد ما تركت ولا جريــدة ///// ولا لقيت إلك اسم فيها مسجل يا فلاني
ترى المعاني عن اللي مايميزها بعيدة ///// أبعد من الشمس يارجال وسهيل اليماني

النجيبي :

أعطيتك اسمي وعنواني وسلمتك قصيدة //// وليا الخبر بالجريدة مثل هيل وزعـــفراني
ابيار ما تسقي الضميان وابيارٍ عديـــــدة //// لكن وقتي عن المطلوب يا الصاحب حداني

العرابي :

بغيت اشجعك واوصلك في مركز تريده //// لكن شفتك تردد بين خوف وبين أمـــــــــــــاني
العد ما هو مسرب للقلوب اللي بليـــدة ////// والشعر مثل الثمر مجناه من روس الأغصاني

النجيبي :

مادام شجعتني فأنت من الناس الرشيدة //// بان الخطا عند طابعها بترتيب المعــــــاني
بالله قــولــوا لابن عبار لا يقــــفل بريده //// السوق فيه الذهب واللي طراهم ما طراني

العرابي :

لا تظلم الناس حتى تدرس العرف وتجيده //// لا تحسبنك ملــكته بعد لجيت العـــــــناني
وذهبك أظنه نحاس املحمينه في حديــدة ////// ما يدخل البنك ولا له مع العملة ضماني

النجيبي :

أنا تراني أسد كيف الأسد تقــــدر تصـيده //// مني تخاف الذياب وتندرق في الزيحفـــــاني
ربعي هذيل النشاما تثني الروس العنيدة ///// ان كان عندك بعير اجرب فأنا عندي حصاني
إضافة رد
بن عادي 11:03 PM 01-05-2016
ياسلام ياسلام

صح لسانك يالنجيبي
إضافة رد
امنيه 05:16 PM 11-20-2016
بارك الله فييييييييييييييييييكم
إضافة رد
إضافة رد Up