النسخة الكاملة التسجيل
::{ مجالس قبيلة هذيل }:: موقع يهتم بتراث القبيلة ومفاخرها
مجلس المحاورات ( القلطة)>محاوره بين الشاعر نايف بن شعيل الدعدي & الشاعر محمد بن سالم المسعودي👍
بن عادي 11:40 AM 04-29-2015
نايف شعيل

وطينا الحره القصيا وحصلنا بنى مسعود
تحت ظل الحصاه اللي غريبه ماهى في الحره

ولايمكن يجيهم شي وانا في البلد موجود
عسى الجنه تفك ابوابها لمحمد الدره

محمد سالم

وطاك السيل تال الليل ياللي جيت تبغا الفود..
لكن هون على روحك ترا العربان مستره..
انا ما اقول فيك اقصور لا ناقص ولابك زود..
سوات الناس واللي شاف ما يحتاج للجره..

نايف شعيل
سيول ادياركم سالت عليكم والعباد شهود
وانا سالم من السيات ياعاقل ذوى مره

انا مااقول غير انك كما البندق بلا بارود
ورجلا من بنى مسعود خيره ماكفى شره

محمد سالم

بني مسعود حامين الحمى يوم الليالي سود
وانا ما اشره على اللي ماش لاسره ولا ضره.
ومثلك مثل هاك اللي بلا صفره ولا عبرود
لكن ثوبك مع شمط اللحا ياصاحبي زره

نايف شعيل

ياحامين الحمى وش لون مارديتم النمرود
عيون القوم من صفق الكفوف تسير محمره

ابو كرشه كبيره ياكل الكتفه مع العجرود
ولايقنع ولو في اليوم ياكلها مية مره


محمد سالم

عيونك ماتشوف وكبدك الحمراء راعها الدود
لكن الخبت اعيش وموت به والكبد محتره
انا مثل الجمل مالد في هبدتك يالمفرود
واشوفك يالجبال الشامخه عندي كما الذره..


نايف شعيل
تبا تهرب عن الواقع وريع الخانسه مقعود
عليك سيور بقعا من صلاة العصر مفتره

ياثلب القوم حملك من حصا فوق الظهر مشدود
وقلبك دمه اسود يحسب الحلوه كما المره

محمد سالم

شقحنا الاوله والثانيه ترا النقاء مجرود
ولو تزعل دعد صرتك تال الليل منصره
انا قلبي سليم وقلب نايف ياعرب ملهود
علشان الخوي في عمق بالمطلوب ما مره..
إضافة رد
العود القماري 11:52 AM 04-29-2015
محاوره ممتازه جدا


فتل ونقض البيت من البيت

اعجبتني كثيرا


توثيق ممتاز لاهنت
إضافة رد
الباب 12:08 PM 04-29-2015
محاورة فتل ونقض

صحت السنت الشعراء مبدعين ومتمكنيين
إضافة رد
إضافة رد Up