النسخة الكاملة التسجيل
::{ مجالس قبيلة هذيل }:: موقع يهتم بتراث القبيلة ومفاخرها
مجلس الشعر الشعبي>مساجله شعريه ✋
صالح الكعبي 03:53 AM 08-07-2019
مساجله شعريه بين الشاعرين :
الشاعر: عابد الصاعدي الحربي
والشاعر : بدر الكعبي الهذلي


ياهذيل لو نمدح من الصبح لليل
ماينذكر من فعلكم قدر ملي

تاريخكم محمي عن الحط والشيل
ماهو سوالف ليل حشو وتسلي

يكفي شرف لقيل قبيلة هذيل
صحبة نبي عليه اسلم واصلي

وان جاء نهار الحرب ركابة الخيل
ومنهم على الحد الجنوبي مظلي

هذا عموم وخص من يوفي الكيل
مصلح وابو حاتم نباهم معلي

نجمين وسط هذيل كالجدي وسهيل
يوم النجوم إلها ظهور ومطلي

اهل الكرم والطيب والبن والهيل
واهل مجالس ضيفهم مايملي

خويهم يرفا عن النقص والنيل
وهرج القفا ماله مكان ومحلي

قلته وانا الحربي معدى عن الميل
دايم على روس النوايف اطلي

عابد الصاعدي الحربي
ابو مشاري
..................................................

يامرحبا باللي يسوق التماثيل
العين تقرأ والظماير تهلي

رحباً بقانون الرجال المشاكيل
اللي بفطرة وارثينه جبلي

اتوارثوه اهذيل جيلاً بعد جيل
ولا عليكم زود ياحرب في اللي

قلته ونا ماني مدور تحاويل
مقداركم عن الجميع متجلي

والقدر والله في صدور الرجاجيل
اكبر من اللي في الصحون امتملي

وانتم هل الكرمات واهل المعاميل
واهل المواقف في نهار التخلي

يوم ان عسرات الليالي مداويل
والحكم لله والدير تستحلي

اخذتموها بالسيوف المصاقيل
امن المدينه لين ساحل حولي

ولكل قوماً فخر وافخر ليا قيل
بإني هذيلي منسبي مستقلي

حنا حربنا مع طيور الابابيل
جيش ابرهه يوم القبايل تولي

والنا مع فتوحات الاسلام تمثيل
في الاندلس والسند والهند كُلي

اسيوفنا وسط المتاحف مشاليل
منها بفعل اصحابها تستدلي




بدر الكعبي الهذلي
ابوتركي
- [ ]
إضافة رد
أبو رديد 05:39 PM 08-07-2019
صحت ألسن الشعراء
وصح نقلك يابوخلود
إضافة رد
صالح الكعبي 06:19 AM 08-08-2019
المشاركة الأصلية كتبت بواسطة أبو رديد:
صحت ألسن الشعراء
وصح نقلك يابوخلود
صح بدنك يالغالي لاعدمناك

تقديري ،،،،،،
إضافة رد
إضافة رد Up