النسخة الكاملة التسجيل
::{ مجالس قبيلة هذيل }:: موقع يهتم بتراث القبيلة ومفاخرها
1 2 
مجلس الشعر الشعبي>مشاركتي في حفل فارس الصحراء (صالح دخيل الله المطرفي)
ابو وسام السعيدي 09:24 PM 02-04-2012


يالله يامجري مع الروح الانفاس= ياعالمٍ باللي حوته السراجيف
عليك متوكل ولابقطع الياس= يارازق طيورٍ لاهلها مناكيف
لادق في راسي من الشعر هوجاس= يالله طلبتك ياوسيع المحاريف
بفعلٍ يجملني وعلمٍ ونوماس= يرجح على سعر الذهب بالمصاريف
فعلٍ جميلٍ يبعد الهم والباس= يرقى سنود ويعتلي للمشاريف
مادام جاء الميقاف مافيه مجلاس= مع ربعي آقف لاحتمت حموة الصيف
اقول قول الحق ماني ببلاس= وأنظم كلامٍ مبتعدبي عن الزيف
جبت القلم ثم جبت انا معه الاطراس= بأكتب عن اللي للعرب دارهم ريف
سلم الوفاء مني من الراس للراس=ترحيبةٍ تنصى كبار العواريف
يامرحبا بضيوفنا عد نسناس= وعداد مابين النشاما معاريف
وعداد ماأخضرت على البيد الايباس= وعداد ماركبوا المهار المزاعيف
وعداد ماتنبت على الارض الاغراس= وعداد ماتنشى المزون المقانيف
وعداد ماخط القلم فوق قرطاس= حضوركم في حفلنا اليوم تشريف
على الكرم والبن يحمس بمحماس= وعلى السمان اللي شحمها مراديف
وسلام ياربعٍ لهم بالشرف ساس= كسابة الطالة حماة المواقيف
ربعي هذيل ولايبي العلم درّاس= تاريخهم واضح ومشهود ومنيف
اهل القنا والسيف والرمح والطاس= واهل الحميه فالملا فعلهم شيف
واهل الثلاث البيض من خلقة الناس= يحمونها بحد السيوف المراهيف
لاجاء نهارٍ فيه دقن الاجراس= ربعي هذيل مفرقين المواليف
هم عسكر البارود وان ثار مقباس= تكسر جيوش القوم من شيٍ يخيف
درع الحجاز اليا غدى الريق يبّاس= وجاء للثميدي ظل مثل العواصيف
منهم آلاد المطرفي عرب الاجناس= ماهم بحاجه ياعرب لأي تعريف
أهل المعرفة يوم للحق نبراس= تأتي حججهم ترجف الخصم ترجيف
اللي ليا ركبوا على قب الافراس= تحمى الضعن وتغيث منهم ملاهيف
والا الكرم فيهم بلا عد وقياس= يعطون مهما كلفتهم تكاليف
يكفي فخرهم صاحبي تاج الارواس= اللي رقى بالعز رؤوس الأطانيف
سيرتك ياصالح كما الدر والماس= ماهي بمخزوناً ويحفظ بالأرشيف
صالح على درب الردى ماأبد داس= يقطف من حسان المراجل مقاطيف
يسقي عدوه وان زعل علقم الكاس= والا خويه ماتجيه التخاليف
لديار الأردن راح للمجد عساس= بالفعل ماهو بالحيل والسواليف
خذله مع اصحاب التجاريب مرواس= علمٍ ينومس بين الأجواد ويضيف
يضيف مجد هذيل في ذيك الأرماس= وينقل حضارتنا على الشمّخ النيف
للعز ميرادٍ وللجوخ لبّاس= شرواك ياللي تكرم الجار والضيف
عساك تبطي حي ياطير قرناس= والله يجيرك من جميع الصواديف
مبروك لك اعداد نبضات الأحساس= وعداد مادارت فناجيله الكيف
والله لو أكتب ثمانين كراس = مايكفي اللي فالضلوع المهاديف
لاشك عندي جملةٍ بين الأقواس= (تسلم ويسلم من ذخركم وأنا سيف)


شعر / سيف السعيدي( ابو وسام)
إضافة رد
رايد الياسي 09:36 PM 02-04-2012
حياك الله يا سيف وحي ماجيت به

صح لسانك وبيض الله وجهك يا بو وسام

جزلة من جزل

تحياتي

إضافة رد
عابد الهذلي 11:26 PM 02-04-2012

بيض الله وجهكـ يابو وسام

وصح إلسانك مدد بلا عدد

( تسلم ويسلم من ذخركم وانا سيف )

وتسلم حتى أنته يا سيف


أبيض وجه طال عمركـ

إضافة رد
أبو رديد 11:28 PM 02-04-2012
صح لسانك يابو وسام

وبيض الله وجهك
إضافة رد
عصام الهذلي 01:06 AM 02-05-2012
صح السآآنك وبيض الله وجهك ...كآن القاء رائع وقصيده جزله من شاعر مميز واتمنى لك دوام التوفيق لاهنت ابن العم
إضافة رد
شباب 01:14 PM 02-05-2012
صح لسانك وبارك الله فيك ياابووسام السعيدي
إضافة رد
عقيلي من هذيل 02:46 PM 02-05-2012
صـ لسانك ـح يا سيف

استمتعت وسررت بسماعها منك في تلك الليله

صح فكرك يابو وسام

كتبت فأبدعت وامتعت

اطيب التحايا لك ياابن العم

إضافة رد
عز الرفيق 02:09 AM 02-06-2012
و النعم بالمادح و الممدوح و صح لسانك يا سيف ابدعت و كتبت بتمكن

قواك الله
إضافة رد
ابو وسام السعيدي 08:26 PM 02-11-2012
المشاركة الأصلية كتبت بواسطة قرناس بني ياس:
حياك الله يا سيف وحي ماجيت به

صح لسانك وبيض الله وجهك يا بو وسام

جزلة من جزل

تحياتي
صح بدنك ياقرناس
وجهك ابيض طال عمرك
تحياتي
إضافة رد
ابو وسام السعيدي 08:30 PM 02-11-2012
المشاركة الأصلية كتبت بواسطة عابد الهذلي:
بيض الله وجهكـ يابو وسام

وصح إلسانك مدد بلا عدد

( تسلم ويسلم من ذخركم وانا سيف )

وتسلم حتى أنته يا سيف


أبيض وجه طال عمركـ
صح بدنك ابو تركي
وتسلم انت ايضاً
اشكرك على المرور
إضافة رد
مساعد الهذلي 12:32 AM 02-12-2012
صح لسانك وبيض الله وجهك
إضافة رد
عبدالرحمن مساعد 09:48 PM 02-17-2012

بيض الله وجهك ياابو وسام..
.
.
وصح لسانكـ على كل كلمة..
.
.
احترامي

إضافة رد
ابو وسام السعيدي 07:58 PM 02-25-2012
المشاركة الأصلية كتبت بواسطة أبو رديد:
صح لسانك يابو وسام

وبيض الله وجهك
صح بدنك ابو رديد
اشكرك على المرور
إضافة رد
ابو وسام السعيدي 08:00 PM 02-25-2012
المشاركة الأصلية كتبت بواسطة عصام الهذلي:
صح السآآنك وبيض الله وجهك ...كآن القاء رائع وقصيده جزله من شاعر مميز واتمنى لك دوام التوفيق لاهنت ابن العم
صح بدنك ووجهك ابيض
الرائع هو مرورك العذب
اشكرك
إضافة رد
ابو وسام السعيدي 08:02 PM 02-25-2012
المشاركة الأصلية كتبت بواسطة شباب:
صح لسانك وبارك الله فيك ياابووسام السعيدي
صح بدنك
تحياتي لك
إضافة رد
1 2 
إضافة رد Up