النسخة الكاملة التسجيل
::{ مجالس قبيلة هذيل }:: موقع يهتم بتراث القبيلة ومفاخرها
1 2 3 4  ... الأخيرة
مجلس موروث هذيل الأدبي>قصائد مسلم بن شعيل الهذلي جمع وتنسيق عمر عبيد العميري مراجعة وتحـقيق الشاعر عماد الهذلي.
بن عادي 03:11 AM 12-23-2009
الكفاره




يالله تغفر ذنبي اللي اقترفته =من كثر ظلمي للمساكين بالمدح
خطاي فادح بس دوب اكتشفته =المدح في بعض العرب يعتبر قدح
لأني بأوصاف غيره وصفته =والمشكله لآهي حقيقه ولا مدح

إضافة رد
بن عادي 11:57 AM 12-23-2009
"ســر يـاقلم"





ســر ياقـلـم فالـبـوك حشـمـة ومـقـدار =للصـاحـب إلـلـي لـــي يمـيـنـه يـمـدهـا
يابـو محمـد شــوف لــي حــل وأخـتـار =وإلــيـــا بـنــيــت بـنـايـتــك مـانـهـدهــا
وأعرف تراني ياابيض الوجـه محتار =مشاكلـي تصـعـب عـلـى إلـلـي يجـدهـآ
ثلثـيـن منـهـا فالـهـوى ســـر وجـهــار =والـثـلـث الآخــــر قـصـتــه مـانـحـدهـا
أنـــا هـوآيــة حبـيّـبـي والــهــوآ نــــار =الهـجـر يشعلـهـا والأخــلاص ضـدهــا
والـيــوم قـلـبـي فـيــه نـيــران تــنــدار =وأسبـابـهـا هـجــر الحبـيـبـه وصـدهــا
عاهدتـهـا مــن صــدق مـانــي بـغــدار =وبـاحـت بـسـدي قـبــل أبـيّــح بـسـدهـا
قـفّـت وأنــآ قـفـيـت ودمـوعــي عـبــار =وداســة عـلـى قلـبـي وقـلـبـي يـودهــا
طيـر السعـد وقّــع وأخــذ مــده وطــار =وأقـفــت لـيـالـي حـبـنـا مــــن يــردهــا
وإللي حصلي من تحت روس الأشرآر =قـوم الحلوق..إللـي عسـى الله يسدهـا
شرهـتك فيمـا قلـت بعـض الـذي صــار = للـشـاعـر إلــلــي كـلـمـتـه نسـتـمـدهـا
أبـــــو مـحــمــد لـلـثـمـاثـيـل بــيــطــار = وإليـا نصـى الـدعـوه بحكـمـه يشـدهـا











اه واويلاه من كثر الغشش =والعيون اللي هدبها غشني
للغضي عامين يضربلي فرش =يتصل ويقول هيا مشني
اه واويلاه يحظ الطفش =اخرتها فالزفلت يطشني



* * أبيات لقصيده لم تكتمل
إضافة رد
بن عادي 12:54 AM 12-27-2009
" ماعندهم دم "





مدري متى بعض الأوادم يجوزون =من غيبة الغّياب والكذب والذم

أثره صحيح حثالة الناس يبطون =شابت لحاهم مير ماعندهم دم

من الأكل فوق البشر مايملون =مثل الذباب اللي على الجرح يلتم

وبالقدح فــ \ اعراض العباد يتسلون =ماعندهم غير انتهاك العرب هم

فلان فيه وفيه وفلان مجنون =وفلان شغله وين ومرتبه كم ؟

إذاعت اإسمع من وكالة يقولون =متى ما تبغاهـا.. تكلم تكلم

في مامضى على الاصابع يعدون =وفي وقتنا الحاضر طوابير بالكم

اشوفهم في كل عام يزيدون =يالله عساهم بالطاوعين والهم

الشله اللي بالنفاق يتعادون =المجتمع بأسبابهم صار منسم

إضافة رد
بن عادي 12:55 AM 12-28-2009
جاراً ماتأمن يأبنـادم بوايقـه "




جاراً ما تامـن يا بنـادم بوايقـه=لاتقربه يعميك داخـن حرايقـه

وإن كان ماتعرف وصوفه.. ليا هرج=تنبيك كلمات الردي عن حقايقه

من يوم مايهرج تعرفه بمنطقـه=يفتح سجلاته وتقرأ وثايقـه

ومن لايخاف الله فالضيق والسعه=لا ساكن بجنبه ولاني بطايقـه

ماهو بجاري من شياطينه اقتوت=شيطان مرتـده وشيطان سايقـه

اليا نصحته واجتهدت فــ \ هدايته= الله ما يزري عن هداية خلايقـه

و اللي يجيب الحكي يمْيّ وياخذه=ماهو رفيقـي.. من يعذرب رفايقـه

راعي النميمه لا بدا شف ملامحه =مايختفي ضحك الكذوب وتهايقه

اليا هرج قـام يتلفـت ويقربـك=خايف يضيع واحده من لفايقـه

حديثـة الأنتـاج دوبـه معـدّها=من شأنها ضيع عشر من دقايقه





________________________________________




واقلبي إللي ماتريـح لـه شهـور=قلبـيٍ معنّـا والليالـي تـحـداه

أصبر على ماشوف لو كنت مجبور=حيث الصبر واجب على دبـرة الله

الله على مـاراد للنـاس مشكـور=وشيءٍ رضيـه الله لابـد نرضـاه

مايندم المؤمـن ولاشاهـد النـور=والله كريم ولا نـدم مـن ترجـاه

ما ينـدم إلا ظالـمٍ يشهـد الـزور=المشرك اللي طاوع ابليس واغواه

والناس فيهم صاحب الظلم والجور=وفيهم خبيث النفس خبـلاً بممشـاه

يا ابنـادم الأيـام دورا بـعـد دور=ومن يأمـن الأيـام لابـد تبـلاه

ياكم ضلعٍ كـان مرعـاه مذكـور=ضلوّ هل الديره تذاكـر بمرعـاه

واليوم مابين الضلاعيـن مدهـور=ماكنه اللـي كـان يذكـر بمفـلاه

وياكم داراً كـان بالنـاس معمـور=واليوم غالـي والمخاليـق تجفـاه

اصبح بعد ماكان معمور مهجـور=هذي فعـول الوقـت والأمـر لله

مافيه أحد عن فعل الاحسان معذور=ولا للبنادم فالقبر غيـر مـا طـاه

ريالك.. اللي فك له عسر معسـور=اخيـّر من مليون غيـرك تـولاه

في يوم ما ينفع جماعه ولا شـور=كلا يحَاسَب فـوق ذنـب توطـاه

والعاقل اللي يحسب حساب مقبـور=يحسب حسابه في حياتـه ومقفـاه

من لاحسب نهاية العمر مضـرور=خلّـت بـه أيامـه وحبـه لـدنيـاه

تلقاه دايم فـوق الامـوال مقهـور=وده يليّم مال الأمّــه مـن اقصـاه

وإن شاف له رجلاً قنوعا ومسـرور=تلقاه ينشد ويـش عنـده وماجـاه

كنه على حسد المخاليـق مأمـور=من ضعف نفسه مايبا شيء يخفـاه

يطبخ وينفخ ويتغـدا مـن السـور=مايدري إن الحـر يأكـل بيمنـاه

رجلاً بلا شيمه وقيمه كمـا الثـور=الله "ولا من بطنـه" يهيـّن معنـاه

وراع الشهامه من هذا الفعل مأجور=الله يجير أهل النـفـوس المـعـلاه

ساس معزز ينبني فوقـه قصـور=إشّـره "بغاليـت" الثمـن لا تغـلاه

واختامها عـداد ماشعشـع النـور=الله يهديـنـا لديـنـه وتـقــواه

وصلو على اللي ابسط النفس لنور=الرحمه اللي لأمة الديـن مهـداه


قصيده يمدح بها الاستاذ لافي الحساني :


سلام يامن ضحكته في حجاجه = شوفه شرف ومقابله فلة احجاج
رجل كريم ولا يعكر مزاجه = يضحك حجاجه لو همومه كالامواج
ويزيد مع زود الضيوف ابتهاجه = ماهو رديْ.. ينتابه هموم وازعاج
وأنا يابو فهد نصيتك في حاجه = وجدك وأبوك يجي لهم كل محتاج
يوم الزمان اللي يروع احتلاجه = ابوك بالطيّب كما عد هداج
وقتٍ مضى والجود صعب انتهاجه = نهجت دربا للمطاليق منهاج
وأنا نصيتك في بلاد المواجه = تدفعني الحاجه على نار الاحراج
ماغير ابا الفزعه مدام انتواجه= قدام ياتي يوم مامنه مخراج
ظهري تسوس مير مقدر علاجه = افزع معي حتى ندور له اعلاج
والهم بعد الله عليك انفراجه = ونور الامل بوجيه الاجواد وهاج
ولا قلتها مدحه على شان حاجه = ولا هو بعيب ان الرياجيل تحتاج
سود اليال يجي لهنَّ انعواجه = ولو زانت الايام تاخذ وتنعاج
وحتى لو ان الوقت يكثر عجاجه = اخاف اعرض سمعتى لكل هراج
هماز لمازن كثير احتجاجه =قلبه على قول السديري كما الصاج
وانا هذليًا عزة النفس تاجه = كرامتي من فوق راسي كما التاج
ما كل بيت اجي واقف في دراجه = والله ورب البيت ماني بدواج
والمدح لمثالك تبنى براجه = امن الثناء تُبنى لشرواك الابراج
وعداد مطلاع الفجر ونبلاجه = صلوا على شفيعنا بين الافواج


,,,,,

يوم البيوت من الشعر والتيازير = كلا قبل ماينزل يعرف جاره
مع إنه إليا جاء من الجار تقصير = يقدر يغير منزله من نهاره
مايلزمه سوى مشدين وبعير = ويشتال قشه ويتْنصى دياره
يقفي ويقبل سالم من المخاسير = لا شال هم ولا تحمل خساره
كيف الذي قافيه هدمٍ وتعمير = وديون من شان الهدم والعماره
تعبان في جسمه ومتلف دنانير = وأقساط كل أخر شهر بأنتظاره
وديانةٍ مايقبلون المعاذير = منهم يحصل كل يوم الزياره
فالبيت حازينه عصر بالمسايير = وفالصبح يلقى نصهم فالأداره
هذا الذي لازم يدور هل الخير = يختار ويعيد النظر فأختياره
بعد الخساره ماتفيد التفاكير = اليا لصق جدر الردي في جداره
يصبر على صوت الغنم والعصافير = اللي لجار السوء فيها تجاره
اجازه الاسبوع عزفٍ وتصفير = من عصر كفه يختبر صوت طاره
وبعد العشاء قامو صفوف وطوابير = اللي يمين الباب واللي يساره







* رحمة الله على الشاعر العلم \ مسلم بن شعيّل المطرفي الهذلي

جـمــع الأسـتاذ \ عـمر بن عـادي العميري الهـذلي

مراجعة وتحقيق \ عماد بن معتوق العبيدي الهذلي

إضافة رد
رايد الهذلي 04:15 AM 01-17-2010
الله يرحمه رحمه واسعه . .

ويغفر له ويجعله من اهل الجنه .. ان شا الله




قصائد بماء الذهب



شاعر له حجمه الله يرحمه




ويعطيك العافيه يابن عادي وتشكر كل الشكر ولا يكفيك

حقيقه جهد جبار لا يهتم به الا من احب هذي القبيله وسعى لرقي بها



بن عادي شكراً من اعماق قلبي






تقييم للموضوع وصاحب الموووضوع



احترررامي
إضافة رد
مطرفي الدلم 05:18 AM 01-17-2010
الله يرحمه ويتجاوز عنا وعنه من أبرز شعراء الخليج قصائده خالده في الأذهان ويكفي أن الشاعر الكبير سعد بن جدلان في لقاء تلفزيوني عندما سأل عن أجمل بيت سمعه في حياته قال بيت للشاعر الكبير مسلم بن شعيل المطرفي الهذلي اللي يقول فيه

الشعر ماقلته عشان حاجه *** ولاهو بعيب أن الرياجيل تحتاج
إضافة رد
هذلية نجد 06:29 AM 01-17-2010

الله يرحــــــــــــــــــــم الشـــــــــاعر واموات المسلميين آميين

تسلم يا بن عـــــــــادي على مجهووودك في تجمييع هالدرر

نحتااار وش نثني على اي قصيده لانها كلها جمييله وجزله


مررت من هنا هذليه
إضافة رد
حامد السالمي 08:20 AM 01-17-2010
وعليكم السلام ورحمة الله وبركاته ،،،

بارك الله فيك يا ابن عادي على نقل هذا التراث الهذلي الرائع للشاعر المعروف على مستوى المملكة والخليج مسلم بن شعيل المطرفي الهذلي وهو شاعر غني عن التعريف ، يجري الشعر في أوردته وشريانيه مجرى الدم ، وكانت له مكانة شعرية مرموقة رحمه الله ، وكان يلين عصّي الشعر ويجعله سبائك من الذهب الأصفر ، وقد كان ملء سمع وبصر محبي الشعر الحقيقي الجزل.

أما أنت أخي الحبيب ابن عادي فأعلم ـ وعن قرب ـ كم اجتهدت لتجمع هذه الدرر وكم استمعت من أشرطة قديمة غير واضحة ، وكم اتصلت بأخيه وبغيره من أقاربه المهتمين بشعره ، لتأتي لنا بهذا العسل المصفى الذي نعلم يقينا أن معظمه لم ينزل على الشبكة مسبقا بل هو مما اختصصت به مجالس قبيلة هذيل فجزاك الله خيرا ، وأعلم أن لديك المزيد من تراثه ولديك المزيد من اللقاءات والبحث والتمحيص لبقية كنوز هذا الشاعر الهذلي العلم ، وهي كثيرة جدا وفي الشعر الشعبي وفي شعر المحاورة.

وسنتعاون معك ونسعى قدر جهدنا لاستكمال هذا العمل الجبار
ليطلع كل هذلي وكل محب للشعر الجزل على هذه الدرر.

أكرر الشكر والتقدير ، وتقبل مروري وتقييمي للموضوع ولشخصك الكريم.
إضافة رد
بـــ الديرة ـــنت 02:50 PM 01-17-2010

سلمت يديك على هذا الموضوع
تقبل مروري

إضافة رد
بن عادي 03:20 PM 01-17-2010
المشاركة الأصلية كتبت بواسطة رايد هذيل:
الله يرحمه رحمه واسعه . .

ويغفر له ويجعله من اهل الجنه .. ان شا الله




قصائد بماء الذهب



شاعر له حجمه الله يرحمه




ويعطيك العافيه يابن عادي وتشكر كل الشكر ولا يكفيك

حقيقه جهد جبار لا يهتم به الا من احب هذي القبيله وسعى لرقي بها



بن عادي شكراً من اعماق قلبي






تقييم للموضوع وصاحب الموووضوع



احترررامي

العفو استاذي رايد هذيل

يشرفني مرورك يابو سليم

ورحم الله شاعرنا العلم مسلم بن شعيل

ويجب على الجميع توثيق كل ما من شانه رفعة القبيله

واتمنى من جميع الأخوه ممن يحفظ او يعرف اشخاص حافظين لأشعار بن شعيل

ان يوثقها بتسجيلها لتاريخ في صفحات المجالس او ان يخبرني بمراسلتي على الخاص

اخي رايد اشكر شخصك الكريم على التقييم والمرور الأروع
إضافة رد
عماد الهذلي 03:22 PM 01-17-2010
السلام عليكم ورحمة الله وبركاته

موضوع جبار، وعمل حقيقي، لا شلت يمينك يابن عادي... أقسم بالله إن مسلم بن شعيل يستحق أهتمام على مستوى المنتدى بصفة عامة، لكنك ماقصــرت... بارك الله فيك وكثر الله من أمثالك.

رحم الله شاعرنا مسلم بن شعيل رحمة واسعــة، واسكنه فسيح جناته.


تقيم للموضوع، وصاحب المـوضوع

تحية طيبة
إضافة رد
بن عادي 08:38 PM 01-17-2010
المشاركة الأصلية كتبت بواسطة مطرفي الدلم:
الله يرحمه ويتجاوز عنا وعنه من أبرز شعراء الخليج قصائده خالده في الأذهان ويكفي أن الشاعر الكبير سعد بن جدلان في لقاء تلفزيوني عندما سأل عن أجمل بيت سمعه في حياته قال بيت للشاعر الكبير مسلم بن شعيل المطرفي الهذلي اللي يقول فيه

الشعر ماقلته عشان حاجه *** ولاهو بعيب أن الرياجيل تحتاج

اخي مطرفي الدلم

شرفني مرورك يابعدي
إضافة رد
كنترول العالم 09:47 PM 01-17-2010
يعطيك العافيه يابن عادي وبيض الله وجهك انتضرت هذا العمل طويلا فالمرحوم يستحق الكثير والكثير رحمه الله واسكنه في فسيح جناته ,,,,,,,,,,,,,,,

اشكرك والتقيم لك ولمووووووووضوعك يالغلا
إضافة رد
سلطان السويهري 11:29 PM 01-17-2010
تسلم يابن عادي ن ونشكر لك المجموعة النادرة والدرر

وسوف يتم طباعتها بعد حفظها إن شاء الله

وياليت أبو غلا يفتح لها سم في الديوان

هذا الشعر الهذلي الحر

رحمك الله يابو شعيل وعسى الله يغمدك الجنة
إضافة رد
بن عادي 11:33 PM 01-17-2010
المشاركة الأصلية كتبت بواسطة هذلية نجد:
الله يرحــــــــــــــــــــم الشـــــــــاعر واموات المسلميين آميين

تسلم يا بن عـــــــــادي على مجهووودك في تجمييع هالدرر

نحتااار وش نثني على اي قصيده لانها كلها جمييله وجزله


مررت من هنا هذليه
هذلية نجد

شرفني مرورك
إضافة رد
1 2 3 4  ... الأخيرة
إضافة رد Up