النسخة الكاملة التسجيل
::{ مجالس قبيلة هذيل }:: موقع يهتم بتراث القبيلة ومفاخرها
الأولى ... 2 3 4
المحاورات المباااشرة>سلام تسليم يشدى الكيف في بيض الفناجيل
أبوريتال الياسي 12:35 AM 10-30-2014
المشاركة الأصلية كتبت بواسطة سلطان السويهري:
شكرا لمن جمع المحاورة في قالب واحد ليظهر جمال الابداع

ابا ريتال لك من كافة الأعضاء الشكر والتقدير


وبيض الله وجهك

وتصبحون على خير جميعا
المشاركة الأصلية كتبت بواسطة كفو:
ياسلام ياسلام

صحت ألسنتكم وبيضان وجيه مشكووووورين جميعاً شعار وحضور ومتابعين وشكر خاص لابوريتال
العفوو هذا حق وواجب علينا

والشكر موصول لأبو نايف ولضيفنا الكريم

ولهم كل التحايا والتقدير

إضافة رد
أبوريتال الياسي 12:53 AM 10-30-2014
محمد البلوي ( أبو تركي )

سلام تسليم يشدى الكيف في بيض الفناجيل
البن خولان وألما من هما ليل السحابة

آبديه لهذيل واللي حاظراً في مجلس هذيل
قلته وانا شاعر قضاعي ولي عزوه ولابه


..


خالد الهذلي ( أبو نايف )

يامرحبا عد ماناضت بروق وسيل السيل
وعداد ماغنت الشعار مع قوس الربابه

حسب النسب والعوايدمانطف الوزن والكيل
والدرب مجرود والساري يجهز له زهابه

..

محمد البلوي ( أبو تركي )

دام البقا والبروق تلوح في وسط المخاييل
لكن خالد درى فالعلم والا مادرى به

اكبر حزامك وليلك ي وسيع المعرفة ليل
ان لم تكن ذيب في مسراك تأكل الذيابه

..

خالد الهذلي ( أبو نايف )

الي مضى من زمنا جابلي علم المقابيل
ان كان تقرا الكتب وش قيل من عهد الصحابه

ان كان تقدر طراد الخيل هيا جاتك الخيل
دونك رجالاً من اول ماتحيد عن الحرابه

..

محمد البلوي ( أبو تركي )

تاريخنا اللي مضى محفوظ جيلا من بعد جيل
مانتركه لويجي فالوقت ميله وانقلابه

ي راكب الخيل عاصب راسك تجر المواويل
وانا وصلتك من اعلى الجو ما فيها غرابه

..

خالد الهذلي ( أبو نايف )

الدرب من شام ولامن يمن شوف المداخيل
والياقريت الرساله قلت لك ويين الكتابه

العام خابرك يامحمد تجيب لنا التماثيل
واليوم اشوفك تغازي الذيب في روس الشعابه

..

محمد البلوي ( أبو تركي )

تنشد عن العلم وانت مثبته صوره وتسجيل
ي كبرها بالزعيم اللي تزعم للعصابة

وانا خبرتك قديم الوقت شاعر ذرب وحليل
واليوم خالد نسى مافات مدري ويش صابه

..

خالد الهذلي ( أبو نايف )

اخاف بكره عليكم مايجي فيها تساهيل
الطيب الي ليامن قام في جنبه صوابه

احليل هذي بعيده قول يامقواك يالحيل
والحبل مفتول والجابه نلاقيها بجابه

..

محمد البلوي ( أبو تركي )

حاسب حسابي ولو مال الزمان نعدل الميل
وخالد يبا الجنه الخضرا ويسعى في عذابه

لا يدخلك شك وانته رجل من روس الرجا جيل
إبليس يخلف قوي العرف عن طرقة صوابه

..

خالد الهذلي ( أبو نايف )

الصيد حزات ماتكفيه بعضات المعاميل
والوضع محسوم لكن لاتكثر فالطلابه

ليت السوالف تغربل عند اهلها بالغرابيل
حتى تعدي لياعرضت على لجنةرقابه

إضافة رد
بن عادي 01:03 AM 10-30-2014
صحت الألسن ابداااااااع

نرحب بضيف مجالس هذيل الشاعر محمد البلوي


لي عوده لتعليق مجددا
إضافة رد
رايد الياسي 10:44 AM 10-30-2014
ابو تركي البلوي
خالد الهذلي

طاروق مميز وشعراء متمكنين صحت الالسن وبيض الله وجيهكم
إضافة رد
بن عادي 11:00 AM 10-30-2014
المشاركة الأصلية كتبت بواسطة ابوتركي البلوي:
دام البقا والبروق تلوح في وسط المخاييل
لكن خالد درى فالعلم والا مادرى به

اكبر حزامك وليلك ي وسيع المعرفة ليل
ان لم تكن ذيب في مسراك تأكل الذيابه
أتوقع أخونا الشاعر محمد يقصد أكرب حزامك
إضافة رد
بن عادي 11:14 AM 10-30-2014
نرحب بأخونا الشاعر القدير محمد البلوي في مجالس هذيل عند اخوانه

والطاروق ابداع في ابداع


صحت الألسن ياشعرائنا على الإبداع والامتاع
نشكر أخونا الشاعر خالد الهذلي على جهوده


ونسعد دائماً بتواجد الشعراء أمثالكم

ومتابعت الحراك الشعري بما لديهم في ميدان الشبكه العنكبوتي هـ


اجمل التحايا
إضافة رد
خفيفة ضل 09:00 PM 11-04-2014
صح لسان الشعار

كلام جميل
إضافة رد
ابوتركي البلوي 08:10 PM 11-12-2014
الف شكر لكل من عطر المتصفح بمروره الراقي
ولكوني داخل من الجوال جمع رد واحد
والا كل واحد يستحق رد لحاله يعلم الله
إضافة رد
بشت المسعودي 08:13 PM 11-14-2014
محاوره رائعة من شاعرين كبيرين ابوتركي البلوي وحياه الله في منتداه
وشاعرنا المعروف والمميز خالد ابونايف بيض الله وجهه
وبيض الله وجيه كل المشاركين والمداخلين
في هذا الشامخ السامي
إضافة رد
امير الصعاليك 11:26 AM 12-10-2014
الله الله وش هالابداع

صح لسانك يابن بلي

وصح لسان ابن العم

طاروق كايف حقيقه

وبيض الله وجيهكم

إضافة رد
برررق الحيا 11:14 AM 06-13-2017
صحت الالسن وياهلا بالبلوي
ابدع الجميع
ابو نايف الابيات الاخيره كانت خير ختام


مساكم عطر جميعا ...
إضافة رد
الأولى ... 2 3 4
إضافة رد Up