لولا المواقف ما تكون القصيده
(( لولا المواقف ما تكون القصيده ))
قلبي علـى هـــاك الديــار البـعيـده = مثـل الخلـوج اللـي تـلـوج وتحنّـــي
حنينـهـا مـن قـلـب ينـــزف وريـــــده = واللي محنـها فـي ولـــدها محنـّي
واليــوم انا جـرحي تـزايــد صـديــده = مثل الصويب اصبحت وامسيت كنـي
في ديــرةً مــالــي بهـا مـن بـديـده = الا بـعـض نــاسً بـهـم خـاب ظنـّي
وجيــهً كفــانـا الشـر قشــرا بليــده = وعنهـم اســـلوم الغانميـن ادبـرنّي
ولو شفت مـن دنياي ظيـم ومكيده = ماحدً نشـد واستفسر اليوم عنـّي
ما شــفت انا منـهــم علــومً مفيده = وليـت الــركـايــب دونهــم نوخنـي
يـاعـل مـا لاهـل الــردايـا شـــريـده =بجــاه الـذي لــه روسنا يســجدني
ونـفسي على مـالا تبيـه وتـريـــده = يـحـدها وقـــتً بـجـــوره غـبـنــّي
عايشت لـوعـات الــزمـان العنيــده = صبح وضحى وان جيت انام اهجدنّي
من غرب ساقتها ريـــاحً شــديـده = ومن شرق حدتـها الحظوظ ولفنـّي
النـوم والله مــا حــظيـت ابـوديــده = وهواجسـي مـع كـل هـبـه سرنـّي
مثل الســجين اللي برجله حديده = حكم الزمن ســـلاســـله قيــدنـي
حظـي اســتنفذ قـوته مع رصيـده = والظاهـر ان شـــين الليالي بـلنــّي
ويـن الشـجاع الصيـرمـي والوليـده = ليـا قلــت تكفا يـرفــع الــهـم عنـي
يتعب على صـون العهـد والوعيـده = ومـن راســه الشـيمـات مـا ينزلني
ورثً عـن الاجداد مـاهي جــديـده = خـذها طبيـعـه لاانتـخى مــا يكنّــي
قرمً اسنافي والمساعي حميــده = وليـا ســـعـى للغـانمـه مـا يـمنـّـي
ممـا يجول بخاطـري واســــتعيـده = احــداث انــا عايشـتهـا واشــغلنّي
ولـولا المواقف مـا تكون القصيـده = وفـي بدعـهــا القيفـان مـا طـاوعنّـي
بقلمــي ........
في : 2013/3/19
|