العودة   ::{ مجالس قبيلة هذيل }:: موقع يهتم بتراث القبيلة ومفاخرها > المجالس الخاصـــة > مجلس موروث هذيل الأدبي
 

مجلس موروث هذيل الأدبي لموروث هذيل الأدبي ( قصصي و شعري )

إضافة رد
 
 
أدوات الموضوع انواع عرض الموضوع
 
قديم 01-05-2016, 10:45 PM   رقم المشاركة : 1
معلومات العضو

 
الصورة الرمزية admin2023
 

 

 
إحصائية العضو






اخر مواضيعي
 

admin2023 غير متواجد حالياً


افتراضي الحضور الهذلي والتميز الشعري وجهان لعمله واحده 👇👇👇

الحضور الهذلي والتميز الشعري
وجهان لعمله واحده: 👇👇👇👇

لاتكثر المزح ياللي عادتك تمزح
المزح لي زاد بعض الناس يزعلها
تراه لي زاد فوق الحد مايصلح
لاوالله الاكبود الناس يدبلها
الله ولاكلمة من شينها تجرح
لو ان منقودها في وجه قايلها
ولاتكثر المدح ياللي عادتك تمدح
ترا الرياجيل معروفه منازلها
ماهي بحاجتك عنها للعرب تشرح
لكن قصر علومك لاتطولها
ومن لاعرف للشرا والبيع مايربح
يتعب وفي نهاية المشوار ياكلها
وان شفت مبلي بلاه الوقت لاتفرح
كم شامتا بالعرب جاته وحصلها
ياليت بعض العرب يرتاح لو يسمح
لكن عوج النوايا من يعدلها

للشاعر مطر حاسن الدعدي

..........................................

شاعر وصح الله لسانك وقد افلح
الشاعر اللي بيوت الشعر جـمّـلـها
اللي يشب الحروف وزندها يقـدح
من جمر الافكار نار الشعر يشعلها
كل الاواني بـمـا فيها تبى تـنـضـح
من قبل مايتـضـح ماهـو بداخـلـهـا
صحيح بعض المزوح جروح ماتبرح
نفـوس ترضـا بها ونفـوس تقـتلـها
والكلمة اللي بمـيزان العـقـل ترجـح
احسب لمخراجها واعرف مداخلها
ولا تـمـدح الا كـريم بـمـدته مـاشح
جـزل العـطايا عطا الجزله وعجلها
ولاتشمت بمـبـتلى والـضـاويه تسرح
والخلق في غـيّـهـا والله يمـهـلـها
العافيه ثوب ضافي والسّتر مشـلـح
والناس مابين عـاذرهـا وعـاذلـها
تدري وش الفرق مابين الخطا والصح
قــناعــه آمـنـت فـيـهـا ماتـبدلـها

للشاعر سامي مطلق المسعودي
............................................

هيضتني يالعميري وانا خو مصلح
انقض نوادر بيوت الشعر وافتلها
شاعر واسافر بفكري للعلا واطمح
شرداً قليل المعرفة ماتخيلها
يحق لي في بحور الشعر يوم أسبح
وقصايدي لا دعا الداعي يحقلها
ياناقد الشعر يالي بالنظر تشبح
من مفردات القريحة جاك عاجلها
بعض المواضيع فيها بالنظر نلمح
وإلا بعضها صراحة مانلد لها
العام أجامل واشوف المخطية وادمح
واليوم ماعاد أنا والله مجاملها
نوادراً من قريحة شاعراً يقرح
صح الله لسان قايلها وناقلها
بذات كان إنها من شاعراً منصح
ماهي غريبة مجاراتي لقايلها
وإلا بعضها على ماقيل ألم نشرح
ينبيك عن نصها شطراً من أولها
كتابها من عصر للصبح مايمرح
همه متى في حساباته ينزلها
يطرد فالإعلام من مسرح ليا مسرح
ماغره إلا الفلاشات ومقابلها
وإن صمل العلم لا يجمع ولا يطرح
تصعب علاه المعاني مايحللها
لكن الأوضاع ابشركم تبا تنجح
أهل الجمايل عسا ربي يجملها
ياجاهلن فعلنا من غفوتك صحصح
ترى السوالف ليا مالت نعدلها
خل المهمات وانثر دمعتك وامسح
اباختصرها معك ماني مطولها
وان جت كبار المعاني وأنا خو مصلح
أرتاح فالمجلس المفروش وازهلها

للشاعر تركي بن جبرين المسعودي






التوقيع

كل ماراح واحد راح الاخر طريقه

والشمالي عليه لباس ماهو لباسه

انته ولعة في بشتك وشبت حريقه

وانته راعي وطن والدار تعرف عساسه


عبدالله المطرفي

رد مع اقتباس
قديم 01-06-2016, 12:09 AM   رقم المشاركة : 2
معلومات العضو
سعود المسعودي

 
الصورة الرمزية أبو رديد
 

 

 
إحصائية العضو






اخر مواضيعي
 

أبو رديد غير متواجد حالياً


افتراضي رد: الحضور الهذلي والتميز الشعري وجهان لعمله واحده 👇👇👇

ياسلام
صحت ألسن الشعراء أبدعوا وأمتعوا الله يبيض وجيههم
وسلمت يابوعبيد بيض الله وجهك






رد مع اقتباس
قديم 01-06-2016, 11:34 AM   رقم المشاركة : 3
معلومات العضو

 
الصورة الرمزية admin2023
 

 

 
إحصائية العضو






اخر مواضيعي
 

admin2023 غير متواجد حالياً


افتراضي رد: الحضور الهذلي والتميز الشعري وجهان لعمله واحده 👇👇👇

وجهك ابيض ياسعود

شرفني حضورك






رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
الشيخ الدكتور سعود ابو تاكي المسعودي الهذلي أجرى عمليه ناجحه ... admin2023 مجلس أخبار القبيلة 7 08-11-2014 01:50 PM
والد اخونا الشاعر هشام الهذلي اجرى عمليه جراحيه ناجحه ولله الحمد .. admin2023 مجلس أخبار القبيلة 17 02-28-2010 09:39 PM
هل للخيانه وجهان غرور هذيل المجلس العام 5 01-13-2010 01:31 PM
فتى هذيل (5000) من العطاء والتميز. حامد السالمي المجلس العام 23 07-05-2008 09:41 AM
°l||l° [ هذلي والفخر لي ] وألفية أولــــى من الإبداع والتميز °l||l° دايم السيف مجلس أخبار القبيلة 4 10-28-2006 05:09 PM


الساعة الآن 12:57 PM


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
الحقوق محفوظة لشبكة هذيل