نهاية مؤلمة
ليلة البارح وانا امشي وسط سوق الفيصليه
شفت بنت ياجماعه مير بسم الله علاها
كنت رايح يعلم الله بس ابشري لي هديــه
ماحسبت حساب بنت يجهر الساني سناها
عطرها مجنون باريسي وله نفحه قويه
لابسه طرحه خليجيه ومظهره حلاها
لعنبوها مالها والي ولا ربع ودنيه
ساعتين تدوج وسط السوق والعالم وراها
واحد خلى عياله راح يلحقها شويه
طلع الجوال من جيبه يبي يكسب رضاها
اشغلوها كلموها ماحكت بايات شيه
قلت ياعيني هاى هاالبنت يامكثر حياها
قربوا منها اثنينه واحد يكلم خويه
قال تكفى لا تطوفك قال ازهلها وجاها
وقال يسعدلي مسائك يا العيون النرجسيه
والمصيبه ياجماعه يوم شالت عن غطاها
واثرها ماغير خدامه ومسويه ها القضيه
والمعازيب تركوها من خلاها في خلاها
شماس الخالدي
|