قصيدة رثاء قديمه من الشاعر صالح بن رويجح المطرفي في أخيه حامد بن رويجح
قصيده رثاء قديمه للشاعر صالح بن رويجح المطرفي الهذلي في اخيه حامد بن رويجح رحمه الله
قالوا تمزح قلت ماريد الامزاح
ولاريد ابين ضحكتي من سنوني
قالوا تفرح قلت وشلون الافراح
وشلون نسمع للطرب واللحوني
قالوا علامك قلت ركن البناء طاح
ولايرفع البنيان غير الركوني
قالوا هذاك الموت قصاف الارواح
ماتنفع العبره وكثر الغبوني
قالوا وقلت اسهر ليا نور الاصباح
واشكل عباد الله مايعلموني
على الصديق اللي لنا درع وسلاح
فرقاه فوق قلوبنا ماتهوني
محدن مرجع له صديق ليا راح
ويعوض فيما راح منشى المزوني
يابو حمود اون واكن الاجراح
والقلب من بعدك كثير الطعوني
ياليت للاعيان ضبة ومفتاح
واقفل على دمع المحاجر عيوني
اللي على طول المدى سيل سفاح
ونذكر كما اللي قبلنا يذكروني
يرحمك رب ينهض الطير بجناح
وتقطف ثمر من دانيات الغصوني
من جنة خضراء وخوخ وتفاح
ابشر بها واصحابها يبشروني
مهما دلهنا الهم ماهو بمنزاح
لكن بنصبر والمقدر يكوني
التوقيع |
كل ماراح واحد راح الاخر طريقه
والشمالي عليه لباس ماهو لباسه
انته ولعة في بشتك وشبت حريقه
وانته راعي وطن والدار تعرف عساسه
عبدالله المطرفي |
|