قديم 12-30-2014, 01:32 PM   رقم المشاركة : 1
معلومات العضو

 
الصورة الرمزية admin2023
 

 

 
إحصائية العضو






اخر مواضيعي
 

admin2023 غير متواجد حالياً


افتراضي قصائد الشاعر سعيد بن سعود العميري الهذلي ....

هذي بعضا من القصائد الشعريه المختارة لشاعر القدير سعيد بن سعود العميري الهذلي
شاعر جزل ويمتلك صياغه شعريه راقيه تحتوي على الاصاله والموهبه الفياضه
والعاطفة الجياشه :


هيض عليه بعد جاش الضمير وخاطري هاض
والوقت ميل وكشر عن سنونه واستدارا
يالله يالله ياللي ماطراني عنك الاعراض
يامالك الملك يارب الغناوى والفقارا
تستر على اللي بعد ماشفته اقفى ناظري فاض
سالت دموعي على الخدين والياها تبارا
من بعد ضرف السفر لزم على ناهض وعواض
ناهض وعواض غيبتهم عن عيوني خسارا
لكن هذي دروب العيش فيها طوال واعراض
وان جيت تبغى تجاريها تراها ماتجارا
مير البنادم ضعيف لو يحس بشي جضاض
ماهو بصابر مادام يشوف لدنيا اعتكارا
ناهض عضيدك ياتركي في نهار الحروالقاض
ناهض عضيدك لاشاف اللازمه تقدح شرارا
البيض مني عليه تشاف مثل البرق لاناض
حرٍ مسيس من الجدان من نسل الحرارا
رجال من خلقته في صاحبه ماهو بعضاض
ماهو بعضاض لو الوقت طالع له غبارا
ماهو بذي في كلامه من صغرٍته زين الالفاض
ولاهو بعيار لو انه يجالس له عيارا
الله خلق في جميع المسلمين اصحاح وامراض
ناس مشو فالقطار وناس ماهم فالقطارا
مغير يسعى مع العربان ماهو قاضي اغراض
يسرح ويضوي مع العربان من دون اعتبارا
وصلاة ربي على محمد رسوله راعي الحاض
اللي ليا جاوره طيب بخت يا عز جارا

.....
ياربي اودعتك اللي ماقدرت اصبر لفرقاه
فرقاه صعبه عليه ماقدرت اصبر علاها
سالت دموعي وقلبي محتشي والحزن يملاه
ماعاد يبقى ولاقطعه في جسمي ماملاها
احزن على اللي ليامني زهمته قال لي هاه
يقضي لزومي وروحه مايفكر في عناها
اللي ليا جاه ضيف الله حيابه وقهواه
يضحك في وجه الضيوف ولو ما يلقى عشاها
نظيف جيبه ومن علمه تعرف اقصاه وادناه
مايعرف اللفلفه والدسدسه واللي وراها
البيت مظلم بعد تركي ماعاد الضيف يبغاه
لو كان فيه الكهارب والعه يوضي سناها
فقد كريم يمد الطيب لضيوفه بيمناه
ادلاله مهيله والثانيه زايد حلاها
حتى النخل قال وينه غايب مده ماشفناه
اللي ليا شاف نخله ضاميه قام وسقاها
انا فقدته وتركي ينفقد مثله وشرواه
والعين طول سهرها والبكاء سبب عماها
وان كان غانم لحق بعده تبى تزيد المعاناه
ويزيد حزن القلوب ولانبى نلقى دواها
لكن ابا اصبر تحت حكمة إله العرش وارضاه
ونفسً تصبر على المكتوب معروفن جزاها
الله يقرب بعيد اللي بعيد ويقصر خطاه
ياكم ناس بعيده ربنا قرب خطاها
وصلاة ربي على محمد نبي خصه الله
برسالته وامة الاسلام يسعى في هداها

.....

اسالك ياحكيم الراي وانت الحق لاتخفيه
تعلمني عن اللي مشرك الشيطان فاعماله
تخيل كيف مولود الوطن يفسد ويفتن فيه
وهو له حرمه ماكنها الا حرمة اعياله
لكن اللي معه بلواء من الله ربنا يشفيه
وحبل يعقده شيطان رب العرش حلاله
ترا من رافق الشيطان عن درب الهداء يغويه
على قال المثل ياكل مع العربان باشماله
ومن جنب عن الشيطان ربه للهداء يهديه
ويرزق عبده الرزق الحلال ويستر احواله
ولو يطيح في جوف البحور من الغرق ينجيه
يحيبه من عميق البحر والينه على جاله
عسى الله يكفي المسلم من الشيطان ويناجيه
وانا ماداني الشيطان فال الله ولا فاله
تقبل دعوتي ياللي ماغيرك واحد نرجيه
ولا نخضع لغيرك لو طلبنا ما خضع ناله
ترانانغلي الطيب كما يوم العرب تغليه
ندور مشترى الغالي ولو انا تعبناله
ونشري من يقدرنا وغيره مانبا نشريه
وكل يشري الغالي بديناره وبرياله
هذا علم الصحيح اللي لراع المفكره نبديه
ولا نبديه للي مايعرف الصدق وارجاله
وراع الفكر لو في الليل الاظلم فكره يقديه
مايبغى واحد يقديه لاعمه ولا خاله
واختمها بذكر اللي ليا سمع البشر طاريه
تصلي فوقه العربان طرقيه وخياله

.....

البارح العين مانامت ولا خلتني انام
مدري وش اللي طراها يوم عيت لاتنامي
قلت ابك نامي وقالت بعد مدة عشرة ايام
نذر نذرته عشان حبيبي في كل عامي
الجازي اللي مابين الناس حطم كل الارقام
الله يصونه من الاشرار لباس الزمامي
اليا مرض نصف وجبه كنها عندي مية عام
وان شفته بخير كني ينجلي عني عسامي
الله يجيره من عيون الحسد في الشرق والشام
والله يصونه من الحساد وعيال الحرامي
راع المزايا الحميده شهم ومصلي وصوام
ماعمر جاء يوم صاموه الخلايق غير صامي
اللي لياضقت جاني وابتسم طير الفرح حام
يحوم طير الفرح لاشاف منه الابتسامي
ان جيت ابا اكتب وصوفه كلها جفن الاقلام
وانا ماكملتها مره ولا غلق كلامي
يستاهل احطله عسكر على بيته وخدام
اللي مولع بحب اللي يحبه مايلامي
هذي حقيقه وانا من خلقتي ماني بظلام
تمت وهذي علومي كلبوها والسلامي
وصلاة ربي على القدوه محمد سيد الانام
عداد ماثمر ثمر واعداد ماتطلع نوامي
وعداد مادارت الاعوام اعوام واعوام
واعداد مايشرب من الماء ويروى كل ضامي
وعداد ماسارت الاقدام يوم تسير الاقدام
وعداد ماطار طير في سماء ربه وحامي

....

رحت الجموم وشفت غضات الانهاد
نهار وحده في سنتنا الجديده
اربع بنات اريتهم مير ما فاد
شوفي مغير اوقد عليه وقيده
ثنتين منهن علمهن فالهواء زاد
يمشن ويلدن قصه اكيده
وثنتين مالدن فالناس حساد
خافن من عيون العرب والحسيده
والله لو ماخفت من درب الانقاد
اللي يوصلني لشي مانريده
لاعطيهن العنوان واسمي وميعاد
والمسلم اللي مايغر الوعيده
اسمي سعيد سعود والجد حماد
رجال يثبي فالوقوت الشديده
راع الدسم والهيل من يوم الاجداد
والقلب الابيض والمزايا الحميده
مادامت الشده لعنتر وشداد
قفو وخلوها لناس عديده
وانا بعدهن عايف الشرب والزاد
وعايش بعد هنه في عيشه نكيده
وراع الهواء لن مات ماعنه نشاد
تبع الهواء في الاخره مايفيده
من بعدهن ما عاد ابا ردد انشاد
فاهل الهواء لوكان وحده قصيده
وصلاة ربي عد مادن رعاد
على نبي مامشي بالمكيده
وعداد منهو بات راكع وسجاد
بعد عطاه الله حسن العقيده



احرمني السكر جميع الملذات
البينه ند العرب والخفيه
منها العسل والسمن واللحم بالذات
احسن معاوش مير منعت عليه
ومليت بطني من علاج الصحيات
وغلق فلوسي راعي الصيدليه
فالوجبه آكل بالعدد عشر حبات
والضعف بعد العافيه بان فيه
وبعض الليالي ساهر الليل مابات
ماكني الا فوق نار ٍ وريه
لكن ابا اصبر والصبر لي عادات
واشكي ظروفي فوق رب البريه
اللي بيده العافيه حي مامات
رب ٍ اليه الملتجى والشكيه
والا البنادم حيلته فالتنهات
ماله يكود يون صبح وعشيه
يارب سامحني على كل مافات
حقق منايه ياجزيل العطيه
وتتوب فوق اللي محمل خطيات
اللي محمل بالاثم والخطيه
وتغفر ذنوبي ياإله السماوات
يارافعٍ سبعٍ وسبعٍ وطيه
ويافارس انا اوصيك مني وصيات
خلك لربعك من رجال الحميه
واخدم خوانك في جميع المهمات
وخلك عليهم من لضى الشمس فيه
والا ترى فالناس حاقد وشمات
يزودون العلم لو هو بليه
وصلاة ربي عد ترتيب الايات
على رسولٍ ماوطى الارض زيه



يالله ياللي تعلم الاحوال
الحال تعلم به وتدريبه
انا ضعيف والحمول اثقال
ماني بقاويها وانا شيبه
لكن عفوك يسبق الاعمال
من دون لاشكه ولا ريبه
اغفر ذنوبي دقها واجلال
العبد تعرف جهره وغيبه
الادمي مثل الغصن ميال
ذرح الهواء يوديه ويجيبه
اصغر ذنوبه هرج قيل وقال
والباقيات اكبار ومصيبه
المشكله في السانه النقال
يامكثر هروجه واكاذيبه
ويقول انا الفالح وانا الرجال
مغرور ويفتل في اشانيبه
لو تعذله مايسمع العذال
يعصاك ويصدق هناديبه
لو مات ذنوبه حمول اجمال
والايروح النار وش ليبه
ياليت نفسي على ماقال
الوقت يامكثر تعاجيبه
بعض العرب تضرب الامثال
الصدق يسرحبه ويضويبه
والا بعضهم ماكرٍ دجال
تلقى اكذوبه ماليه جيبه
واختامها صلو على المرسال
اللي يطيب المرء من طيبه



انا هيض عليه هاض بالي والعباد رقود
تهيض خاطري واهتاض بعد النوم ماجاني
ورديت الكلام اللي يجنبي عن المنقود
كلام الصدق اقوله مابغى العربان تقفاني
اخاف الناس تهرجبي ليا جاء في كلامي زود
ويقعد سالفه يهرجبها هذاك والثاني
عودت اريض المشيه واراقب ربي المعبود
اله حطلي معقول يامرني وينهاني
حمدت اللي بعد ماراح عودي جاب غيره عود
بعد مامات عودي جاب غيره عود سلاني
ابو عبدالله اللي بالكرم عنه الخبر مردود
يكمل واجب الاقراب والاجناب والعاني
مضرى بالكرم من يوم صغره والعباد شهود
كريم اسبال يقطع سبتة اللي جاه جاعاني
ترى خالي وزين ابوي دايم يبذل المجهود
يجيني كل وقت وحين ماعمره تعداني
عسى يومي قبل يومه ليا قبل يومه الموعود
حياتي بعد ابوي وبعد خالي ماقضت شاني
انا احبه لكني في ضميري مانسيت سعود
ابوي اللي تعب فوقي وعلمني ورباني
قرش فوق الجمال مع الغداري والليال السود
وطى فوق العقارب والحيايا لين عشاني
لعله منزله في الجنه اللي حوضها مورود
مع الابرار والاخيار يشرب كان عطشاني
واختمها بذكر محمد اللي مارعاه الدود
عليه افضل صلاه اقولها من قلب والساني

المسلم اللي يسلمون الناس من شره واذاه
هذاك يوم الاخره تلقاه فاعلا منزله
والمسلم اللي مايفرط فالصيام وفالصلاه
هذاك مع باب اسمه الريان واضح مدخله
والمسلم اللي يتلو القرآن ويسوق الزكاه
ويعرف وش معنات قول القارعه والزلزله
والمسلم الكاسب بخيت الحض في هذا الحياه
اللي ماعمره قال للمخلوق يارب إنعله
والمسلم اللي عاش في ذالوقت لينه مع قساه
مستور لابس ثوب ستر الله عليه مفصله
والمسعد اللي مايدور من وراء السرقه عشاه
يدور الرزق الحلال اللي الاله حلله
والمسعد اللي عاش قدر الناس مايكشف غطاه
مايتبع الغره على جاره ولا غرة هله
والمسعد اللي من وراء المقفين مايحذف حصاه
ولايلبس اثياب على الاقدام دايم مسبله
والمسعد اللي كل شيء فات مايبكي علاه
ويشوف دنيا المرء ماتسوى لها قرن بصله
والخاسر اللي عاش ماحصل من الدنيا مناه
يطرد وراها مقفيه ويقول هذي مقبله
والخاسر اللي يحسبنه عن ربوعه في غناه
هذاك ياكلها على قال المثال مفلفله
والخاسر اللي مارزقه الله وهو في اول صباه
يعيش فالدنيا من علعله في علعله
واختامها ذكر الله اللي مايخيب من رجاه
الخالق اللي يبعث اهل الدين غر محجله




الا يارب ترزقني برزقٍ ماعليه غبار
برزقٍ يطرد الفقر المقيم وينزل بداله
تقبل دعوتي يالله ياللي تعلم الاسرار
خلقت العبد وانته يا إلهه تعلم احواله
عليه دين منك ودين من غيرك وانا محتار
عليه حمل لو جابو بعير البدو ماشاله
لكن ارجوك سامحني في دينك وانته الغفار
تغفر ذنوب عبدك لو سوات البحر جواله
وساعدني على ديون الخلايق سرها واجهار
مايعقد حبل وانته ياكريم الوجه حلاله
عشان اني نهار اموت دربي ما يمر النار
وانا اعرف من يمر النار تطلع حالته حاله
امر اللي زراعتها من الاثمار والازهار
ليا جاها البنادم يعلم الله ينشرح باله
اسيّر في روابيها عشان اقطف الاثمار
يقول المصطفى فيها جميع الزرع واشكاله
وفيها قاصرات الطرف حورٍ ماعلاها خيار
جعلها الله لمخلوقٍ رضي فوقه ويرضاله
وانا ناصف مشواري وابا اكمل المشوار
الا يالله طلبتك في صلاح القلب واعماله
ليا زان العمل والقلب ذاك اليوم مانحتار
نبا ننجح في يوم الامتحان اللي حضرناله
ليا منا نزلنا السوق ماننشد عن الاسعار
مادام الجيب فيه السلم والاعمال دلاله
واختمها بذكر الله وذكر محمد المختار
شفيعٍ للخلايق في نهار الحشر واهواله


ياسلام الله عليكم عد برقٍ لايح...
من ضمير له رصيد كنه البنك العقاري....
ياوجيه الخير صدري من ظروف الوقت فايح..
والصدرلا فاح تبديله على وجهي مواري....
ياهبوب الريح هبي واطلقي باب القرايح....
وافرقي بين السيوف السيف الاصلي والتجاري..
التجاري مايجمل صاحبه لاصاح صايح....
خير من بعض السيوف وسلها حدب الشباري....
السلاح الاصلي اللي عقب فخصمه جوايح....
راجع التاريخ واقرا معركه ذات الصواري......
يوم راع السيف الاصلي حط فالقوم الفضايح...
حط فالقوم الهوايل وادر ياللي منت داري......
يوم ذا ميت وذا متروش بدمه وطايح.......
والجنايز شوف عيني من يمين ومن يساري......
الاوادم كنهم في مجزره مثل الذبايح.....
مايذبحهم ويقضي فوقهم غير انتحاري......
يالله استرنا وتكفينا المشاكل والقبايح......
المشاكل عهدنا ابها في سنين الجهل ضاري.....
يوم كانت وحّده كل الخساير والربايح.....
كلها عندي مادورها من العالم عواري.......
ميرانا بنصح شباب اليوم واهديهم نصايح......
يرجعون عن الطريق الشين مرجاعٍ جباري.....
ويسلكون مع الدروب البارحات اللي سمايح......
لن مشوا وقت النهار ولن سروا ليل الغداري.....
الدروب اللي تشيل الناس من جايٍ ورايح......
واعرف ان اللي كتبلك خيرولاشر جاري......
لاتخاف من الضماء والجوع لو الزاد بايح.....
الله اللي يطعم الجايع ويكسي كل عاري.....
والختم صلوا على المختار كساب المدايح.....
عد ماخيل خيال وعد ماهبت ذواري...


الا يارب تجعل موت ابوفارس على الاسلام
وتجعل لااله الاالله اخر منطق لسانه
تقبل دعوتي لن كان لاظالم ولا ظلاّم
ولا امشي في دروبٍ ماتفيد ولالها خانه
اعرف الدرب الاقشر وابتعد مااعطيه من قدام
قبل لااسوق رجلي مع طريقٍ حي شيطانه
اكبه مااقربه واللي يكب ابليس ماينلام
الا ياخبل رجالٍ يطيع ابليس واعوانه
ابليس اليا دخل بين العرب خلا الثنين اقسام
يفرق بينهم ويعيّف الرجال ف اخوانه
ويفتن بينهم والينهم في كل شي اخصام
ورجالٍ معه لمسة جنان يزود اجنانه
لكن ادعوا معي عسى يجي بعد الفراق ليام
ليا جاءليام بعد فراق كل الناس فرحانه
وراع القلب الاسود مايروح تجيبه الايام
ويلقا كل ماسوّى بتاريخه وعنوانه
يبا يلقا فراشٍ فرّشه لوبعد عشر اعوام
يقولون العرب ماضاع حقٍ حي ديانه
مصيرك تنكشف يالمجرم اللي تزرع الالغام
تبا تفتن مابين الشعب لين يثور بركانه
ومن يتبعك زيك من هل الافساد والاجرام
قلوبٍ سود ياكاف البلا ونفوس تعبانه
ترابعض الدعاوي كنها حجه بدون احرام
واقول اظنها حجه بدون اسلام وديانه
لكن احسلكم هيدوا قبل لاتاصل الحكام
لياوصلت ليا الحكام كلٍ يسرج حصانه
وصلاة الله على محمد عدد ماهبت الانسام
وعدد ماغرد القمري وضلا يعزف الحانه.

يالله انا اطلبك يارازق العبدالفقير
من خزاين جودك اللي ماينقصها عطا
ياكريم الوجه ياراعي الخير الكثير
ترزق الفقران بالسرع ماهو بالبطا
انت رب الكون يامسهل الشي العسير
تهدي المخطي لاعاد يتمادى ف الخطا
واغفر ذنوب البشر واكفهم من زمهرير
مالهم غير انت ياربهم ستر وغطا
وانت يابن ادم ماتقدر على حر السعير
مير فكر في جهنم وقصر فالخطا
التمادي فالخطا منك شر مايصير
لاتوجه في مسيرك مع دروب اعبطا
العباطه دايم حبلها حبل قصير
مايفك من المقادير ولا يربطا
واغتنم فرصة حياتك ترى الموقف خطير
وانت ماتقدر على الجمر باقدامك تطا
واحسب ليوم يجي فيه منكر مع نكير
والمصيبه لو لسانك بكلمه يغلطا
يوم ماينفع ابن ادم كبير ولاصغير
في نهار الحسم مافيه ربع ولا وسطا
والختام الله على كل مايشا قدير
والبنادم لو على شي تافه ماسطا






التوقيع

كل ماراح واحد راح الاخر طريقه

والشمالي عليه لباس ماهو لباسه

انته ولعة في بشتك وشبت حريقه

وانته راعي وطن والدار تعرف عساسه


عبدالله المطرفي

آخر تعديل بن عادي يوم 06-02-2020 في 04:58 PM.
رد مع اقتباس
قديم 12-30-2014, 01:46 PM   رقم المشاركة : 2
معلومات العضو

 
إحصائية العضو






اخر مواضيعي
 

الباب غير متواجد حالياً


افتراضي رد: قصائد الشاعر سعيد بن سعود العميري الهذلي ....

قصايد جميله جداً وانتقاء جميل

صح لسانه شاعر جزل

جهد جبار

كل الشكر يابن عادي






التوقيع

السلام عليكم ورحمة الله وبركاته
قال الإمام المبجل أحمد بن حنبل رحمه الله: إياك أن تتكلم في مسألة ليس لك فيها إمام

رد مع اقتباس
قديم 12-30-2014, 04:16 PM   رقم المشاركة : 3
معلومات العضو
سعود المسعودي

 
الصورة الرمزية أبو رديد
 

 

 
إحصائية العضو






اخر مواضيعي
 

أبو رديد غير متواجد حالياً


افتراضي رد: قصائد الشاعر سعيد بن سعود العميري الهذلي ....

شاعر جزل وقصائد جزلة
صح لسانه

ألف شكر يابن عادي






رد مع اقتباس
قديم 12-30-2014, 04:16 PM   رقم المشاركة : 4
معلومات العضو

 
إحصائية العضو






اخر مواضيعي
 

العود القماري غير متواجد حالياً


افتراضي رد: قصائد الشاعر سعيد بن سعود العميري الهذلي ....

تبارك الله ماشاء الله


قصايد رووووووووعه الله يطول في عمر ابو فارس

راعي الميقاف والحميه الصادقه






التوقيع

أنا لو ابا كافح فالمصايب ماوراك كفاح = ظهرك املس من الملاس (( والعمله سعوديه ))

اشب النار تحت القدر الاصنج والقدر مافاح = مابه تجره من الافلاس (( والعمله سعوديه ))


الشاعر عبدالله المسعودي رحمه الله



http://dc01.arabsh.com/i/00710/0l18hiz44dm5.swf

رد مع اقتباس
قديم 12-30-2014, 04:25 PM   رقم المشاركة : 5
معلومات العضو

 
إحصائية العضو






اخر مواضيعي
 

شاهر العميري غير متواجد حالياً


افتراضي رد: قصائد الشاعر سعيد بن سعود العميري الهذلي ....

ابداع منقطع النضير


وقصائد في غاية الجمال


صح لسان ابو فارس راعي الميقاف والحميه الصادقه


كل الشكر يابو عادي






التوقيع

رد مع اقتباس
قديم 12-30-2014, 08:35 PM   رقم المشاركة : 6
معلومات العضو

 
إحصائية العضو






اخر مواضيعي
 

ابو سطام غير متواجد حالياً


افتراضي رد: قصائد الشاعر سعيد بن سعود العميري الهذلي ....

شاعر سعيد بن سعود شاعر جزل وصاحب مفردات جميله ونقل ممتع يا ابن عادي






رد مع اقتباس
قديم 10-31-2016, 10:14 PM   رقم المشاركة : 7
معلومات العضو

 
الصورة الرمزية admin2023
 

 

 
إحصائية العضو






اخر مواضيعي
 

admin2023 غير متواجد حالياً


افتراضي رد: قصائد الشاعر سعيد بن سعود العميري الهذلي ....

اشكر جميع الاخوه ع المرور






رد مع اقتباس
قديم 10-31-2016, 10:15 PM   رقم المشاركة : 8
معلومات العضو

 
الصورة الرمزية admin2023
 

 

 
إحصائية العضو






اخر مواضيعي
 

admin2023 غير متواجد حالياً


افتراضي رد: قصائد الشاعر سعيد بن سعود العميري الهذلي ....

تم توثيق بعض القصائد مؤخراً لشاعرنا ابو فارس






رد مع اقتباس
قديم 11-20-2016, 05:03 PM   رقم المشاركة : 9
معلومات العضو

 
إحصائية العضو






اخر مواضيعي
 

امنيه غير متواجد حالياً


افتراضي رد: قصائد الشاعر سعيد بن سعود العميري الهذلي ....

موضوع مميز مثل صاحبه






التوقيع

استغفر الله العظيم

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
قصائد مسلم بن شعيل الهذلي جمع وتنسيق عمر عبيد العميري مراجعة وتحـقيق الشاعر عماد الهذلي. admin2023 مجلس موروث هذيل الأدبي 94 05-30-2013 03:03 AM
مجموعة قصائد لشاعر مساعد بن سعيد السويهري الهذلي أبو أمير مجلس الشيلات 18 06-06-2011 11:42 PM
حدايه الشاعر رشيد سعود العميري عند ارحامنا السعايد ... admin2023 مجلس الألوان الشعبـيــــــة 19 04-16-2011 10:07 AM
بخصوص مقابلة الشاعر / سعود العميري هذلي والفخر لي مجلس لقاءات مشاهير وأعيان القبيلة 14 08-04-2009 09:31 AM
بين شاعرين ( عيد سعيد السويهري الهذلي ) و ( سعود العتيبي ) سلطان السويهري مجلس الشعر الشعبي 5 03-25-2006 11:43 PM


الساعة الآن 01:25 PM


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
الحقوق محفوظة لشبكة هذيل