النسخة الكاملة التسجيل
::{ مجالس قبيلة هذيل }:: موقع يهتم بتراث القبيلة ومفاخرها
1 2 
مجلس المحاورات ( القلطة)>جميل بن حاسن المطرفي وشاعر أخر محاوره طريفه جدا
أبو عمار 04:12 AM 11-13-2009
جيت لكم بهذه المحاوره الطريفه لشاعر جميل بن حاسن المطرفي عليه رحمة الله

مع شاعر غير معروف ** الله الله بالردود ياربعي


يقول الشاعر :
أنا ماريت مثل واحد يقرش العيدان
ليا جار الدهر قاموا على اليابس يحطبونه

وهم ماهم فقارا عندهم معزى وبل وضان
عساهم بالزمان اللي يجيهم رافع قرونه


جميل المطرفي :
تمدح ياعميل الخير وانته قاصر الجنحان
ليا ماصبح مديد البدو ضوك ماتشبونه

تحمد لربي اللي حت منك القمل والصيبان
بعد ماظلا يسير في علو الثوب وردونه


الشاعر المجهول :
عسى ربي يجينا بالمطر من رايح الأمزان
على نجد العذا اللي مايجيها منتقل شونه

ديار المرجله ماهي كما ديرتك يالفقران
واهلها يركبون الخيل والعايل يضدونه


جميل المطرفي :
ليا جانا المطر سالت ضواحي نجد والشعبان
وقمتوا تقنصون الفار والضفدع تصيدونه

وحشت الورع والحرمه تلم الفقع فالزملان
على المرقوق لضيوفك تحطونه


الشاعر :
أنا ماني سواتك ياجميل أبقنص الوبران
ليا منه جحر في الغار عودتوا تحفرونه

واهليكم يبيعون اللبن والغزل واليدمان
وتشري به من الأبطح وليتك جزت من دونه


جميل المطرفي :
ترى بيع اليديم أشرف من اللي يخرز الحذيان
يخرز الصمط من داخل ويجر السير بسنونه

ترى بعض الصنايع ياعميلي دونها التركان
كما اللي يشرب الدخان واهل العلم ينهونه


قال الشاعر :
تراني مستحي من شيخكم واللي حضر ماهان
لكنك ياولد حاسن تجر الشوك بغصونه

أشوفك ياجميل مجود الخوصه كما السرقان
وثوبك ثوب قوماني وبه ناس يعرفونه


قال جميل :
كلامك زين وانته زين يامطيبك يالويحان
لكنك ياعميل الخير تنظر كاحل عونه

انا ماني سواتك في القرايا تنقز الحيطان
ليا صاحوا عليك انحشت واهل الغرب يوكونه


قال الشاعر :
أنا ادخل على الله من كلام الزور والبهتان
نباها طيبه والصبح كل راح في شطونه

انا شايب واحب اللعب ياحاسن مع الشيبان
لكنك ليش ترسل فوقي اللي ينفض جنونه


قال جميل :
انا عمي وعمك خادم للملك والسلطان
وابوي ابوي ولامني حضرت أسد من دونه

ليا منك عدلت يجيك مني عدل فالميزان
ليا عمت البحر تلقى رياجيل يعومونه


قال الشاعر :
كمنك ياولد حاسن قعد الدرب في يدعان
لمن هوحج بيت الله وربك ماتخافونه

ترى السارق ليا منه سرق يصلب على العمدان
يجره خادم بن سعود والعسكر يقودونه


قال جميل :
قعدت الدرب يوم انك تبات مع المره طيان
وأخذت ريال جمرك فوقكم وانتم تخبرونه

ومولانا جمعنا لين سرنا كل ابونا اخوان
وطاك اللي وطاني والله أعطى الحكم مامونه


قال الشاعر :
علامك ما نطحت البارق اللي جاء مع الريعان
علامك ما نطحت البارق المفتن تحربونه

عطيتوا ضلع كبكب تنقلون الزاد والورعان
تبون الجيّد اللي كان اهاليكم يعبدونه

جميل :
علامك ما حربت الباشه اللي قبله العثمان
يسيّر في عنيزه تنكره ولا تقرّونه

نصيحه لا تعرّض لاأمر من هو كل يون بشان
وحنا ما عبدنا غير معبود تعبدونه








هذه المحاوره هناك من يقول انها مع لويحان الأزوري الشاعر المعروف

والبعض يقول بأن الشاعر من قبيلة اخرى


انتظرو القادم من مواضيعي

محاورات حاسن المطرفي مع بعض الشعراء مثل لويحان

وشاعر يدعى بلال ولافي الحربي وشاعر اسمه سهل الروقي وشاعر اخر اسمه بنيه العبد
إضافة رد
مطرفي الدلم 06:12 AM 11-13-2009
هذي المحاورة بينه وبين لويحان العنقري التميمي وهي أطول من الذي طرحته يالغالي .

تحياتي .
إضافة رد
عابد الهذلي 10:39 AM 11-13-2009
رحمة الله على الشاعر حاسن

وبيض الله وجهك أخوي على النقل الرائع


لا تحرمنا من جديدك الله يحفظك
إضافة رد
ابن عطاالله 01:12 PM 11-13-2009
بيض الله وجهك اخوي ابو عمار علئ النقل الجميل
وننتضر جديدك تقبل مروري ...............
إضافة رد
العود القماري 01:37 PM 11-13-2009
وعليكم السلام ورحمة الله وبركاته

رحمة الله على الشاعر جميل بن حاسن

اخي ابو عمار بيض الله وجهك على النقل الرائع


فأنتظار جديدك ياذوق

إضافة رد
فواز السعيدي 01:47 PM 11-13-2009
المشاركة الأصلية كتبت بواسطة :
ترى بيع اليديم أشرف من اللي يخرز الحذيان
يخرز الصمط من داخل ويجر السير بسنونه



الله الله


المشاركة الأصلية كتبت بواسطة :

المحاورة بينه وبين لويحان العنقري



لويحان الازوري الله يرحمه ياعبد العزيز ...
إضافة رد
بن عادي 02:23 PM 11-13-2009
وعليكم السلام ورحمة الله وبركاته

بيض الله وجهك يابو عمار وبصراحه قمت بجهد تشكر عليه

والله يرحم الشاعر جميل بن حاسن المطرفي

وبصراحه محاوره قمه

واعتقد بأن كبار السن يحفضون له ولوالده حاسن الله يرحمه

واتمنى من كل هذلي توثيق كل مايخص القبيله

تحياتي وتقديري
إضافة رد
مطرفي الدلم 02:43 PM 11-13-2009
المشاركة الأصلية كتبت بواسطة فواز الهذلي:


الله الله





لويحان الازوري الله يرحمه ياعبد العزيز ...
يافواز المحاورة مرسلها علي واحد من الحجاز هذلي ومكتوب مع لويحان التميمي .

على العموم أهل مكه ادرى بشعابها .
إضافة رد
أبو عمار 08:29 PM 11-13-2009
المشاركة الأصلية كتبت بواسطة مطرفي الدلم:
هذي المحاورة بينه وبين لويحان العنقري التميمي وهي أطول من الذي طرحته يالغالي .

تحياتي .


شرفني مرورك يامطرفي الدلم

والشياب اللي عندي يقولون

الشاعر من قبيلة حرب ** والعلم عند الله
إضافة رد
أبو عمار 08:32 PM 11-13-2009
المشاركة الأصلية كتبت بواسطة عابد الهذلي:
رحمة الله على الشاعر حاسن

وبيض الله وجهك أخوي على النقل الرائع


لا تحرمنا من جديدك الله يحفظك
اخي عابد وجهك ابيض

شرفني مرورك ياذوق
إضافة رد
أبو عمار 08:34 PM 11-13-2009
المشاركة الأصلية كتبت بواسطة عابد الهذلي:
رحمة الله على الشاعر حاسن

وبيض الله وجهك أخوي على النقل الرائع


لا تحرمنا من جديدك الله يحفظك
اخي عابد وجهك ابيض

** للايضاح المحاوره لشاعر جميل بن حاسن

شرفني مرورك ياذوق
إضافة رد
أبو عمار 08:35 PM 11-13-2009
المشاركة الأصلية كتبت بواسطة العود القماري:
وعليكم السلام ورحمة الله وبركاته

رحمة الله على الشاعر جميل بن حاسن

اخي ابو عمار بيض الله وجهك على النقل الرائع


فأنتظار جديدك ياذوق
اخي العود القماري

وجهك ابيض .. شرفني مرورك
إضافة رد
أبو عمار 08:38 PM 11-13-2009
المشاركة الأصلية كتبت بواسطة ابن عطاالله:
بيض الله وجهك اخوي ابو عمار علئ النقل الجميل
وننتضر جديدك تقبل مروري ...............
وجهك ابيض يابن عطالله

شرفني مرورك يالغلا
إضافة رد
أبو رديد 08:56 PM 11-13-2009
سلمت يابو عمار

بيض الله وجهك


والله يرحم الشاعر جميل
إضافة رد
أبو عمار 10:31 PM 11-13-2009
مشكور على مرورك يابو رديد ونتظروني
إضافة رد
1 2 
إضافة رد Up