قديم 04-11-2017, 01:40 PM   رقم المشاركة : 1
معلومات العضو

 
الصورة الرمزية طير الشمال
 

 

 
إحصائية العضو






اخر مواضيعي
 

طير الشمال غير متواجد حالياً


9 فهد يمناي واحزامي

(( فـهــد يمنــاي واحــزامي ))
نصيحه متواضعه اهـديها الى ابني فهد بن محمد سوعان الربيّع اسأل الله له الصلاح والفلاح وان يكون النجاح حليفه في جميع مراحل حياته وان يوفقه الى ما يحب ويرضى وكافة ابنائنا .ونفع بها جميع المسلمين ,
,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,
سـلامي للذي عـلـمه ينـومسـني خـفـا واجهار = فـلــذة كـبـدي وقـطعه مـن الخـفـاق وآمــالـي
فهـد يمناي واحـزامي عضيدي حزةالاخـطار = فهـد يا مســندي لاجــات صدفـاتً بالاحـوالي
وصاتي يا فهـد هــذي هـديـه وافـيه مـن بــار = ابـوك اللـي تمنالك نجــاح بمســتـوى عــالي
نصيحـة والــدً لـبـنـه وابدمـجها مـع الاشـعـار = لعــل الله يهــديـنــا الـى مصــلوح الاعـمـالـي
انا بوصيك في في طاعة الهـك والي الاقـدار = الـهً تسـجـد لـوجهـه نســا وارجـــال واطفالـي
وانا بوصيك في طاعة محبينك ومهـمـا صـار = غـلاتـك يافـهـد تبـقى عـظـيمه مثـل الاجـبالي
وانا اعني والدك وامك ولا اعني زيدً وعـمار = رضـاهـم من رضى ربً خضعنــالـه بـاذلالي
ولا تنسى اركان الديـن ترا في حفـظها معبـار = الى بــر الامان اللي تجـيـبه خـيــر الاعمــالي
ولـزوم اتأدي افروض الصـلاة وترجي الجبار = عظيـمً نبـتغـي فـضـلـه وغـفـرانـه والامهــالي
ولزوم اتواصل ارحامك ولا تلجي الى الاعـذار= ولا تســمـع عــواذيــل القـطاعـه والتخبـالـي
وابيك تكـون حـزات الشـدايـد يالجـمل صبّــار = لــزوم اتكـون مثتل اهـديب يوم يشيل الاثقـالي
ولا يجـزع اهديب الشام لو زادت احمـوله ثـار = صـبورً والصبـر حكمــه تــداول فيـه الامثـالي
ولاتـزعـل مـن المقسـوم ايـلا قـدّر ولا تحتــار = لـزوم اتـواجـه اظروف الحياه بعـزم الاشبالي
وانا احـذر عـن بعض الاوادم يا فـهـد اشـــرار = تنــزح وابتعــد عنهــم وعــز النـفـس للتـــالــي
ابي تبحث عن الطيب .عـن اللي وافي الاشـبار = صـديـقً عـلـمه ينـومس ماهـو خايـن وخـتـالي
شـريفً خـلفـة اقــرومً لـهـم بالمـرجـلـه مشـوار = اهـل شــيمه واهل مبـدا واهـل ديـوان ودلالــي
صديـقً واحـدً يغـني يا خـو نـوفً عـن الملـيـار = ويلا مـنـك نخـيتـه جـاك للصـعـبـات حـــلالــي
لبـيـبً يفـهـم المعــنى أميــنً يحفـظ الاســـرار = شجيـعً يـرخص الغالـي ومجهـــوده والامــوالي
وفـيً مـوقـفــه واضح ولا يـبغـالـه اسـتفـسـار = يجيبك حاضر ابحـاضر ايلا مـن جـاه مرسـالي
ويلا اختلـفـت بـك الاريا تنحر صايب الاشـوار = تـرا ما يـبخـل ويـبحـل عـريـب الجــد يحتــالـي
ماهو مثـل الـذي يبلش ايلا شـاف الخـلل ينهار = يضخــم لك صغـايـرها رعـاع يصيبه اجـفـالي
هــذاك الله لايسـمح يصيـر ويسـتوي لي جــار = عسـى الله يبعـده عـنا زمــن فــرقـــاه يـصـفـالي
مهـو مقــدم ولا منـصى عســى نهـايـتـه للـنـار = يقــول اللي تعنـالــه يالـو مـاجـيـتـه اشـــوالـي
وانا بوصيك في صون الامانه والصدق بـصرار = امــورً يـا فـهـد هــذي يجـيـده طــيّـب الفــالــي
ولا تغفـل حقــوق الجــار لـو قصــر ويـومً جـار = لك النـومـاس فـي صـبـرً عـلى هـــذا يــورالـي
ولا تنظـر الى زول القصيـره واردع الابـصـار = تــراهي في مقــام اختــك وبنـت الاخ والخــالـي
وتــرا للظيــف مـاجـوبً كـبير كان هـو لـك زار = لـزوم اتجــود مـن جــود الالـه الــواحــد العـالي
وتـرا رزق الفـتى يـاتي ولو دونه جبل وابحــار = يـجيـبـه والـي القــدره عـلى خـلـقـه بهــطــالـي
يسـوق المــزنـه الـغـرا ومنهـا ينـزل الامـطـار = وتحيـا بـه صحـاريهـا عـقـب شــينات الامحـالي
ولا تجـعـــل ابـد للـشـح مدخــالً ولــه مـصــدار = لــزوم اتصـك مـن دونــه بطيـبـك كـل مـدخـالي
وتـذكـر يافهــد دايـم عـوايــد ربعــك الاحـــرار = تـقـالـيـدً لنــا تـبـقـــا حــفتظـهــا جـــدك الغـــالي
ورثنـاهـا عـن ارجـالً اقـرومً يــوقــدون النـار = ومجـالس نفتخـر فيـهــا واهـي للظيـف مـدهـالي
وانا بـوصيـك بالمنسـب لـزومً يالـفهــد تخـتـار = حـلـيـله مـن نـما قــومً لـهــم بالطــيـب منـوالـي
تخيـر مـن بنات اللي لهـم عبـر الســنيـن ادوار = اهــل ســيفً واهــل منسـف وريـف لكل هشالي
ولا يخفـاك ماقـالـوا هــل العـادات واهـل الكـار = وســبقهــم راعــي الســـنه نـبي الحـق باقــوالي
وانا لي عبـره بما قيــل والحــكـمـه تبي تكــرار = نـصيحـه كالـمثل يصـدح صــداه لكـل الاجـيـالي
ولا يفتنـك في وســط الحـدايـق منظـر الازهــار = صـناعه عمـرهـا قـاصر عقـب سـاعـات ينزالي
ابي تبحـث عـن الجـوهـر وتتـرك زيفهـا البـوار = اطعـني وافــهــم المغــزا وجـنـب كُـل طــبـالـي
تـذكــر شــجـرة العـوســـج تذكرها من الاشجار = ولـو عمرت تبتقى شــحـيحه ما بتهــا اظــلالـي
تـريــث وانـتبـه واصبـر قـبـل لايجــرك التـيــار = وتــرا التيــار مـا تصــلح امــوره نـوب يالغـالي
ولــزوم المـرء يحـتـاط لـــزمـانً كالهـــوا دوّار = هبــوب الوقـت واظروفـه فلا تطري على البالي
وتــرا الايـام وغـيـوب الليـالي ما تبـيح اســـرار = ولا يعــلــم بخـافـيهـــا ســوى عـــلام الاجــالي
وابخـتمها بصــلاة الله عـلى الهادي على المختار = عـدد ماسـار فـوق الخــد مـن رجلي وخـيالـي
عــدد ماحــج بـيـت الله عــدد مـالـبــوا الـــزوار = عــلى شــفـيعــنـا الهـادي فيــومً فـيـه الاهـوالي
محـمد بـن ســــوعـان الـربيّـع






رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
ضربة المشعاب من يمناي في راس الزلامي/أبومشعاب والزلامي ابويزيد مجلس المحاورات ( القلطة) 0 12-17-2007 09:22 PM


الساعة الآن 12:55 PM


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
الحقوق محفوظة لشبكة هذيل