قديم 08-11-2010, 11:47 PM   رقم المشاركة : 1
معلومات العضو
الشاعر/ خضرالبقيلي الهذلي

 
الصورة الرمزية الحميا
 

 

 
إحصائية العضو






اخر مواضيعي
 

الحميا غير متواجد حالياً


As22 المئوية الهذليه

[poem=font="simplified arabic,6,darkred,bold,italic" bkcolor="transparent" bkimage="http://www.hothle.com/vb/mwaextraedit4/backgrounds/12.gif" border="none,4," type=0 line=0 align=center use=ex num="0,black""]
بذكر الله بديناها قصيده عن لسان اهذيل=يسجلها لنا التاريخ والاجيال ترويها
هذيل الجد يلحق في النسب عدنان واسماعيل=ومنبعها الحجاز بحاضر الدنيا وماضيها
هذيل اللي لها منزال مابين الجدي وسهيل=ملاحم سطرت بالفعل والتاريخ يحكيها
ملئنا الجاهليه لين صاح الكون من قابيل=دما غارات وخيول(ن)تقص ارواح اواريها
رحيل وقنص ومسامر بنو هاشم وعبدالديل=وخاضوا بالقصيد ايامها واحيو لياليها
وبعد حاصر قصي ابن كلاب الظلم في يبريل=جلبنا الخيل من يثرب هذيل ومن عواليها
نعم نحنو بنو اول قبيله ذكر في الانجيل=بعد صفوة قريش يشرف الاسلام ناديها
حمت قلب الحجاز وصانته من قبل عام الفيل=لها في بير زمزم دلو تشرب به ويرويها
حمت مكه من اسهوم المعادي في نهار الميل=بعد جاها ابرهه مع قوته غازي وناويها
تصدت له ورد الفيل واصحابه حصى سجيل=بعد ما الله بطيوره حمى مكه واهاليها
وهم درع الحجاز وقلبه النابض بلا تطبيل=حقائق واضحه ومثبته للناس نبديها
حقائق ثابته وموثقه ما تقبل التاويل=مواقفها تشرفها وترفعها وتعليها
مساعير الحروب اليا درج وادي العدا بالسيل=سيول هذيل تجرفها عن اولها وتاليها
من اثعال القسيّ الي ذبايب روسها نحيل=وترجع ظافره ومدسمه شرب هناديها
مراقبها دكا و مابد وفي كبكب وفي كنثيل=وفي راك وعلى قمة يسوم وما يواليها
تروح اعزوم واترتها تحت حافر عذاب الويل=وامير الجيش معقل راية افعاله معنيها
هذيل اللي مداومها على شن الحروب يهيل=هم اكراد العرب سمو اذا نادى مناديها
تبلل من دما الاعداء مساحات الوغى تبليل = صفوف اتظمها في الحرب والاخر تشاعيها
على قب المهار الي نهار الموت فيه امهيل=من الاهوال ماهبنا صلاب الروس نهميها
هذيل الشعر والديوان منها جيل يتبع جيل=مابين ابداع شاعرها وعاديها وراميها
تسجل بالف رامي والف شاعر مجدها تسجيل=حصيله ماتحصل في البسيطه لو تصفيها
هذيل الي لغتها وارده في محكم التنزيل=في منطقها الفصاحه والبلاغه في معانيها
وكرمها اله الكون ترفع راية التهليل=بعد جاها رسول الله بالاسلام يدعيها
اجابت دعوة الاسلام بعد ما اوحى بها جبريل=ولبت للنبي المصطفى الطاعه لواليها
حماة الدين واصحاب الرسول ويعسفون الخيل=صحابه ينشرون الدين معروفه بساميها
وقامت تنشر الدعوه ولا رضيت لها تاجيل=تحارب من عصا والله على الدعوه مقويها
لها بصمات محسوبه تمثل مجدها تمثيل=ولها تاريخها اللي يرفع الرايه في عاليها
تكلم يافخر في ماقفا مايقبل التعطيل=دعتك اهذيل قوم الاوله لازم تلبيها
يحق الها تقف وقفه من الاكبار والتجليل=لها سيره من الامجاد من يحصي ويحصيها
هم اول من جهر بالحق لاخوفا(ن) ولاتاويل=بأياتا من القران ابن مسعود تاليها
وهم مضرب مثل بتلاوة الايات والترتيل=وبن مسعود برها(ن) لكاتبها وقاريها
نعم حنا ولاة امر الفخر والراس ماهو ذيل=وتنبئك الليالي عن هذيل وعن عزاويها
نهار النقع في ساح الوغى كنه ظلام الليل=بريق اسيوفها في ظلمة الهيجا يقديها
لها تشهد بدر وحنين يوم الحرب والتنكيل=عيون اخصومها برماحها في الحرب تعميها
هذيل اللي حكى عن باسها دجله وصدر النيل=كتايب عز ماخابت على الهيجا مجانيها
خذينا بالسيوف وبالرماح من الصدور اكليل=ترصع بالفخر وامجادها تاريخ باريها
وتلينا الملوك من العروش من امر عزرائيل=وفرقنا نمارقها وحرقنا زرابيها
يبا يشهد لنا نهر الفرات ومن وراه اربيل=وبلاد الشام وارض الروم بالاخبار تنبيها
ولنا بارض الكنانه عز ماينسى ومجد يزيل=بهامات الملوك وفعل ربعي من مأسيها
ولنا في الاندلس ذكرى علامه واضحه مانيل=شرفها في شمال افريقيا واللى نواحيها
طويناها حميناها بلاد(ن) واسعه بالحيل=تمكنا بنصر الله عمرنا مجدنا فيها
وبعد حنا طويناها وفي سحب اديار انخيل=فلم يبقى ورانا شجرة(ن) بانت نواميها
بفعل ايماننا با المجد ماهو حاصل التحصيل=سما وسط السما وهذيل يعجز من يجاريها
على نهج النبي سرنا ولاتهنا مع التدليل=جماعه ماتخالف سنة الهادي ومهديها
على الدرب السويه سايره ماتقبل التضليل=عن ادروب الخطا واهل الخطى تقصر خطاويها
وفضلها الامام الشافعي عن غيرها تفضيل=اخذ من شعرها السحر الحلال ومن قوافيها
اقوله وافتخر علم الحقيقه مايبا تعديل=حقيقه ثابته للناس قاصيها ودانيها
وفي الهيه سيوف هذيل لرقاب الخصوم اتشيل=وتبريها من السم الزعاف الي يباريها
نهار ابليس طبل للروافض واكثر التعليل=وكادت تهدم البيت العتيق بخبث اياديها
غشيناهم بجيش يكبل احلام الطغى تكبيل=وفرقعنا جموع القرمطي واخطت محاطيها
وكن النقع من خلف الاعادي يعلن الترحيل=بعد جالت سيوف اهذيل واروت حد ضاميها
هذيل اهل الوفا والمجد والتاريخ والتكميل=تعز اصحابها وتذل في الدنيا معاديها
تقدر من يقدرها وفوق العايلين اتعيل=وتخلف في اللقا قوم الهقاوي عن هقاويها
عدو ا هذيل لايهجع بـ ليل ولا يعرف يقيل=ويبشر له بكيه نار والكيه نعرقيها
لنا سطوه لنا هيبه على الاعدا لنا تهويل=ياكم شجعان لاقتنا وخضعنا نواصيها
نرد الصاع بالصاعين ناخذ حقنا تدبيل=تهاب القوم ذكر هذيل لاسمعت بطاريها
لنا التاريخ يشهد بالمواقع يوم حط وشيل=بعد ثارت بنو يعرب على محتل اراضيها
بعد نادى المنادي ياهل الفزعات خيل وحيل=تزهل للمواجه عزوت(ن)تدمي مداميها
سرو قوم الصمايل للحرابه ماتبا تصميل=شغاميما تعقل ارجولها والموت في ايديها
وغارو فوق جيش الترك يوم ان الرصاص يحيل=يحيل اهل البدال الحمر يوم الموت حاديها
وشدوهم مثل شد المطايا والعيون اتخيل=وساقوهم مثل سوق الرعيه عند راعيها
هذيل الاصل والعادات مافي دلها تحويل=على طول الزمن يشهد مخاويها وعانيها
اكرام(ن) يكرمون الضيف دايم بالشحم والهيل=ترحب بالضيوف ولا ندم منهو يخاويها
وحنا غيث للصاحب وسحب(ن) في سماه اتخيل=نعز الجار والعاني وقوم الظلم نثنيها
لنا بيض الكفوف الي مجملها الكرم تجميل=سمت بالطيب واهل الطيب ماتجحد مساعيها
ولها وقفه مع الشعر الاصيل محكمه بالقيل=اعينها وابينها واثبتها واثبيها
ولها سلطانها الدائم بعرش النقد والتحليل=واذا جيزت قصيده من هذيل الفخر يكفيها
ومن يعرف بحور الشعر في التقصيروالتطويل=صفاتن هذيل شعار البلاغه ماتوفيها
لذا كل اهذلي عنده على بيت الادب توكيل=حقيقه قلتها ماني بحاميها . . حراميها
تملكنا زمام الشعر واصبح للغه تأصيل=شهادة حق من حسان والحساد تهميها
صروحا شامخه ترقا سما والى تموت انخيل=وظروف الوقت لامرت بقوتها تقويها
اعد ابو المثلم في الادب وابو ذؤيب انقيل=من اشعر شاعر(ن) صفحاته الماضي مايطويها
وبن مستور عبدالله اليا اصهل بالقصيد اصهيل=هذي عين(ن) يكحلها وذي عين(ن) يبكيها
ومن يجهل كلامي ينكتب في صفحة الجهيل=سوات الي تسرحها ولاتقدر تضويها
تزول الارض وان لحق العرب في اطبوعها تزويل=على عاداتنا نرقى الطويله لين نبديها
لنا سطوه لنا هيبه لنا لو الزمان ابخيل=شرف روسا ماتركع غير للخلاق واليها
ودورات الزمان اتدور هزت نازل(ن) ومحيل=ووسم اهذيل في ارقاب الجمال وفي علاويها
واذا زيلت تواريخ العرب تاريخنا مازيل=موثق نص في ابطون السطور وفي حواشيها
اهل رايه واهل غايه تفصل علمها تفصيل=واهل نخوه ودون ادخيلها ماحد(ن)يناحيها
واهل حكمه واهل حنكه ونحما من نصانا ادخيل=نشب النار لين النار تحرق رجل واطيها
وحنا فزعت المضهود ما نرضى له التمثيل=نولع نار في روس الخصوم ولا تطفيها
وحنا اهل الرمايه علم ثابت مايبا تدليل=وفوق اجنوبنا حمر الخشايب يوم احليها
بلاجيك وبراني مايثبت فوقها الدربيل=تحد اخصومها بخشومها والا كراسيها
هذيل ابلا فخر يشبه سناها شعلة القنديل=مقاطع حق للعراف حاضرها وماضيها
دعاة المذهب العامر تفعل جابته تفعيل=علوم الطيب لاهل الطيب تاخذها وتعطيها
تكيل وتستكيل وطبعهم ماينقصون الكيل=ماينقص كيلها مابين بايعها وشاريها
وعادتها التصدر في المذاهب مااقصد التقليل=من ازحول الرجال الي فخر منهو يماشيها
جزيرتنا تظم اسلوم والسلم الاصيل اصيل=ولا هو بخس في حق القبائل ذكر غاليها
يامذهبنا سما في ارض الثنا يوم الثنا تدبيل=تباريك النجوم الي بعيداتن مساريها
وهم درع الحجاز وعسكر البارود مهما قيل=وهم قوم الثلاث البيض والقالات تحميها
ديرهم في الجنوب امن الحجاز البرك دون القيل=ليا حرة سليم الي على ركبه شواغيها
وفي مكه وفي جده وفي الطائف سحاب وسيل=مثلث موت ساحلها وقمتها وواديها
بنو فيها حصون العز وبيوت الكرم والهيل=وسال العجرفيه من لضيفانه يسويها
ولنا في اقصى الشمال ا سيوف مصقولة صخر تصقيل=وفرسان(ن) لحدب اسيوفها بالدم تسقيها
وفي نجد العذيه نخبة النخبه من التشكيل=من اصحاب الفضيله والمعالي من معاليها
هذيل اهل الشهامه والفخر والعز والتبجيل=تصون اعهودها والصدق دايم من مباديها
واهل بيعه تجددها مع اصحاب الولا بالقيل=في شرع الله على وضح النقا تاقف وتعليها
ولو مال الزمان هذيل مامالت وكيف تميل=وهي دون الوطن نيرانها ماحد يصاليها
تقف دون الوطن ماكنها الا نفحة ازرافيل=تعرف افعالها شهب السباع اللي تعشيها[/poem]






التوقيع

http://www.youtube.com/watch?v=1AYtwtbb4wM

آخر تعديل الحميا يوم 02-25-2016 في 09:05 PM.
قديم 11-05-2014, 06:56 PM   رقم المشاركة : 2
معلومات العضو
الشاعر/ خضرالبقيلي الهذلي

 
الصورة الرمزية الحميا
 

 

 
إحصائية العضو






اخر مواضيعي
 

الحميا غير متواجد حالياً


افتراضي رد: مئوية مجالس هذيل

اسماء الشعراء المشاركين في القصيده

الشاعر / عبيد الله المجيريشي

الشاعر / صالح بن دخيل الله المطرفي ـــ فارس الصحراء

الشاعر / عبد الله الطلحي ــــــ شاعر الحكمه

الشاعــر/ عــوض الــطلحـــي

الشـاعــر / جمـــيل المطــرفي

الشاعر/شاهر الكعبي

الشـــاعر/ جمــعـان الــطـلحـــي

الـــشاعــر / ســــموالـــذات

الشــاعر / ابـــو حمدان

الشــــاعر/ عــابد الــسالـــمي

الشاعر/ فــواز الـــهذلــــي

الشاعر/ رداد الفضلي

الشاعر/ عماد الهذلي

الشاعر/ خالد الهذلي /بن مغبش

الشاعر / ماجد السعيدي

الشاعر / خالد عبدالله البقيلي ـــ برق الحيا

الشاعر / ابو خزامى

الشاعر/ صعيب التدوي

الشاعر/ عبيد السالمي الهذلي

الشاعر / السيف الصقيل

صاحب الفكره الشاعر / خضر البقيلي الهذلي ـــــ الحميا






قديم 06-02-2020, 06:58 AM   رقم المشاركة : 3
معلومات العضو
أبو رواد

 
إحصائية العضو






اخر مواضيعي
 

سلطان السويهري غير متواجد حالياً


افتراضي رد: المئوية الهذليه

صح الله لسان الشعراء ( إبداع)






موضوع مغلق


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 07:19 PM


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
الحقوق محفوظة لشبكة هذيل