النسخة الكاملة التسجيل
::{ مجالس قبيلة هذيل }:: موقع يهتم بتراث القبيلة ومفاخرها
مجلس الشعر الشعبي>ابيات من ذهب
عبدالرحمن بن مستور 08:59 PM 05-02-2021
قصيدة للوالد الشاعر / مستور بن طميران المطرفي الهذلي . 💡

لـ الشيخ / عزيز بن بخيت المطرفي الهذلي ولكل شخص فيه خير .. 📜


يالله إني طالــبك ياللي عــليك الامر كله..
تـغفر الــزلات يامــحيي رميــمات العظامــي ..

مــالنا غيره إله إلى صـعب شي ابتهله ..
انت حلال الصعاب ومشفى المرضى السقامي ..

من بعدها الشعر جاله من هواجيسي مدله ..
اتمثل به بنصح وطيب من زين الكلامي ..

ياعزيز ماتو الشياب والتكله علــى الله ..
مابــقى الا انتــه وانا لابــد من شد الــحزامي ..

والرجال اللي يسدون الغرض مبرين عله..
والبقا في الحي واللي مات جعله للرحامي ..

الرفيق الزين راس المال والا الاش زله ..
والله انه مايفيدك غصن مقطوع النوامي ..

جربه عنــد اللزوم يبين فــي مــبداه خلــه ..
إنصحه وإن مانتصح وإنك بعدها ماتلامي..

والردي من كثر مايعرض عن الواجب تمله ..
ماتسرك وقفته لن جاء من الضد الدحامي ..

والرفيق الزين حطه في الرفيعات المطله ..
بالبصر والمعرفه ينفعك حزات الخصامي ..

والتــجمع خيــر للاجواد والفــرقا مذلــه ..
وثقو ساس البناء تفكون يالربع الحشامي ..

واوقفو وقفة رجل واحد ومــخطينا ندله..
والتفاهــم بينــنا مافيــه عيــب ولا حــرامي ..

نــفتل المنحل والمــشدود باريانا نــحله ..
وصدقو والصدق يرفع صاحبه باعلى مقامي ..

ادرســـو علمـــي بفهم وميزو دقه وجــله ..
واسرعو بالرد قبل النور يغشاه الظلامي ..

والختم صلو على صفوت قريش الرب دله ..
فأول المبدأ سلام وفي اخر المعنى سلامي ..


ودمتم بود ومحبه .
إضافة رد
أبو رديد 07:29 AM 05-08-2021
ونعم بكم
وصح لسان الوالد
إضافة رد
إضافة رد Up