النسخة الكاملة التسجيل
::{ مجالس قبيلة هذيل }:: موقع يهتم بتراث القبيلة ومفاخرها
مـجـلـس شــاعـر هـذيــل>احرق فوادي .. للشاعر عبدالله المسعودي يرحمه الله
بن عادي 08:18 PM 04-26-2015
احرق فؤادي وانطوت كبدي وانا مسلم وعارف ديني
واشتبت النيران فثيابي وفخدودي وحتى فكفوف ايديني
وان قلتله قال انت ماترضى علي بيدك تعميني وتعمي عيني
اصبر وزيد الصبر صبر ان كان لك فينا نصيب

وقلتله يازين انا جوعي ضمى وادنات ماجزاني
كلمه وسلمه جدبها ترفع ضرر عن نصك الفوقاني
واليا طلبتك من بعدها حاجةٍ كانت بقطع الساني
جرب وشوف ان كان ماصدقت قولي ياحبيب

الكلام اللي تقوله فالسعه بعدينه فالزحمه يضيع حسابه
واليا ضحكنا لك اخاف يزيد حالك كيف تمنع نفسك المنصابه
اللي يهوجسله فقاف وجاز له ياهل الهواء غنابه
لكن من يامنك راعي في الغنم تسرح بها ياذيب

قلت العفو والذيب ماخان الامانه من عصوره ضاري
والا انت صعب اللزم ياظبي الخلا عن كل ذيبا ساري
انا معك بين الرجا والياس انا ياناس ماني داري
ان خاب ظني فيك ظني في المحبه مايخيب

قال المحبه في القلوب وكفها واقصر كلامك عني
والله لو ينبت نخل في وسق راسك ماتبا تفرح بحاجه مني
حتى ليامنك رقدت وقمت من حلو المنام اتغني
اظهر من الحب الطبيعي وادخل الحب الغريب

قلت الغريب اللي رماني في البحر لين البحر يغرقني
وان جيت ابطلع جات من فوقي قنابل محرقه تحرقني
اقسمت لك وان كنت مؤمن ياذعاذيع الهو صدقني
امسك يدي واكشف عليه واعتبر نفسك طبيب

قال اه ياويلاه يوم الله بلاني بك في هذي الساعه
ان جيت اقلك روح ضعت وفيك ماهانت علي الضاعه
لكن لاتوقف على الشارع وخش ادخل معي في القاعه
اسمع كلامي من قريب واسمع كلامك من قريب


عبدالله المسعودي يرحمه الله
إضافة رد
أبو رديد 12:55 AM 04-27-2015
ألف شكر يابوعبيد
ورحم الله عبدالله
إضافة رد
بن عادي 02:09 PM 04-27-2015
العفو ياسعود

شرفني مرورك العطر
إضافة رد
العود القماري 12:03 PM 04-29-2015
الله يرحمك يابن مستور


قصيده راااااائعه جدا وتوثيق راااااائع

كل الشكر يابن عادي
إضافة رد
عبد الرؤف الحمداني 08:25 AM 06-03-2015
شكرا يابن عادي انت تستاهل التكريم لانك كرمت الشاعر عبد الله المسعودي يرحمه الله وذلك بعرض قصائده وذكر اسمه في الموقع وهذا هو عين التكريم واصل هذا الجهد الله يوفقك
إضافة رد
بن عادي 11:34 AM 06-08-2015
العفو ياالحمداني

والله يحييك وهذا واجبنا اطال الله عمرك على طاعته

شرفني مرورك العطر
إضافة رد
غادة رافت 12:58 AM 01-14-2016
كلمات رائعة
إضافة رد
إضافة رد Up