::{ مجالس قبيلة هذيل  }:: موقع يهتم بتراث القبيلة ومفاخرها

::{ مجالس قبيلة هذيل }:: موقع يهتم بتراث القبيلة ومفاخرها (https://hothle.com/vb/index.php)
-   مجلس الشعر الشعبي (https://hothle.com/vb/forumdisplay.php?f=15)
-   -   اهـــل الوفـــا والمـــروات (https://hothle.com/vb/showthread.php?t=59258)

طير الشمال 11-14-2017 10:38 PM

اهـــل الوفـــا والمـــروات
 
(( اهــل الوفــا والمـروات ))

لي الفخـر باهــل الوفـا والمروات = ولا يـنـتــهــي إلا بحــزة وفــاتـي

ارفع الى الطيّب من البيض راياات = طبعي كــذا مبطي وهذي سـواتي

هــذا قــدر مكتوب ماهي دعـايات = هو راس مالي والهـدف .وامنياتـي

ويشـهد على ماقـول رب السموات = احــبـهــ كـ حـب نفســي وذاتــي

اهـل الوفـا والجـود سـتر العفيفات = زبـن الدخيل وعـوق جمـع العـداتي

ماهـمني منصـب وكـثـر الريـالات = نفسي قـنـوعــه والمـقـاسيم تاتـي

نفسي تـروم الديـن واعتـز بالذات = وافخـــر ابـطــيّـب لابتـي ولحـماتـي

والمرجـله لوهي على ضلع ابانات = اسـعى لهــــا واجهــد بعزم وثباتي

من دونـها ماكــن لوبه صـعـوبـات = ولـو دونـهــا حـال الخـطر والرمـاتي

والحـــر مايبكي عـلـى فايـتً فــات = اعيـش انا الواقـع وهــذي صـفاتي

والضـرب بالميت حـــرامً وســيات = وارفع ابنفسي فوق نهــج الطـغـاتي

ولابد ما نحسب من احساب الاموات = لابــدنـا مــن صيـحة النـايـحــاتي

حـثوا لـفعـل الخير والطيب خطوات = قبل ان يقـال فـلان ؟ ياحيف مـاتي

هـذا ,, بياني فـي ختــام ,,البيانـات = وهذا هوى نفسي وهذي وصاتي


محمد بن سوعان الربيًع
ابــن الجـــــراح


الساعة الآن 04:43 PM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
الحقوق محفوظة لشبكة هذيل