::{ مجالس قبيلة هذيل  }:: موقع يهتم بتراث القبيلة ومفاخرها

::{ مجالس قبيلة هذيل }:: موقع يهتم بتراث القبيلة ومفاخرها (https://hothle.com/vb/index.php)
-   المحاورات المباااشرة (https://hothle.com/vb/forumdisplay.php?f=67)
-   -   قص جرة عميلك لا تضيعها (https://hothle.com/vb/showthread.php?t=57647)

رايد الياسي 02-22-2015 10:18 PM

قص جرة عميلك لا تضيعها
 
مساكم الله بالخير

طاروق خفيف
استلم يابو نايف لاهنت





مثل ريح الخزامى مثل طعم الراك
ردتن للنشامى زان مطلعها


قوم يا خالد المضمون مايخفاك
قص جرة عميلك لاتضيعها

خالد الهذلي 02-22-2015 10:53 PM

رد: قص جرة عميلك لا تضيعها
 
السلام عليكم ورحمة الله وبركاته

مساء النور استلم يابوعدالله


طاب لليل السمر مع مثلك وشرواك
هرجتاً قلتها لك وانت تسمعها

ياعميلا نزلت السوق لاجل رضاك
واشتري حاجتاً لن كنت بايعها

رايد الياسي 02-22-2015 11:03 PM

رد: قص جرة عميلك لا تضيعها
 
ياذهبنا وش اللي مرخصك وش جاك
وانت سلعه تبيض وجه صانعها

دارت الدايره وافترت الافلاك
والعرب فيك يامكثر مطامعها

خالد الهذلي 02-22-2015 11:13 PM

رد: قص جرة عميلك لا تضيعها
 
تفتح الباب ولاتقفل الشباك

كل لحيه تدور عن منافعها

من يغدي العرب لابد ماعشاك

وانت قبلك عرب ملزوم تتبعها

رايد الياسي 02-22-2015 11:28 PM

رد: قص جرة عميلك لا تضيعها
 
انت ترقب مخيلاً بارقه عداك
مر ديرة خزاعه لين ربعها

شجرة التين ماهي مثمره تنباك
لو سقاها من القطران زارعها

خالد الهذلي 02-22-2015 11:46 PM

رد: قص جرة عميلك لا تضيعها
 
مايرد العدود ولو شربت اضماك

مزنتناً فالوطا مانشاف منقعها

لو تغطي الحقيقه زال عنها غطاك

وانت ذمتك تالي الوقت ماوسعها

رايد الياسي 02-23-2015 12:06 AM

رد: قص جرة عميلك لا تضيعها
 
قبل تمشي لزوم انك تحسب اخطاك
الدروب العسيره كيف تقطعها


لا توحا علوم الواشي الافاك
ولا تصدق هروجن منه تسمعها

فارس المطرفي 02-23-2015 12:21 AM

رد: قص جرة عميلك لا تضيعها
 
الله الله صحت السنتكم يارايد وياخالدبعد طول انتظار لنا موعد مع الجزالة

تقبلوا تحياتي

خالد الهذلي 02-23-2015 12:25 AM

رد: قص جرة عميلك لا تضيعها
 
جيت ناصح وانا لامرك ولا انهاك
والنصيحه لحالك زيد راجعها

كم غشيما بشوره جاك ثم اعماك

لين جات الغليبه من مقاطعها

رايد الياسي 02-23-2015 12:28 AM

رد: قص جرة عميلك لا تضيعها
 
حياك الله يا فارس ماعليك زود وحضورك شرف لنا

خالد الهذلي 02-23-2015 12:28 AM

رد: قص جرة عميلك لا تضيعها
 
مرحبا بالشاعر الجزل فارس المطرفي

نورت المتصفح والله يحييك

فارس المطرفي 02-23-2015 12:31 AM

رد: قص جرة عميلك لا تضيعها
 
بارك الله فيكم

واصلوا وحنا معكم في الصف

رايد الياسي 02-23-2015 12:35 AM

رد: قص جرة عميلك لا تضيعها
 
علتك مستصيب و زومتك تبراك
كل ما شفت هوشه قلت ابفرعها



صاحبك خذ وصاته بعد ماوصاك
لا تحاول في عالم منت مقنعها

خالد الهذلي 02-23-2015 12:46 AM

رد: قص جرة عميلك لا تضيعها
 
اعرف الكذب لامن جابه النماك

واعرف النار باية زند اولعهعا

ليت رايك لجحر الداب ماوداك

طعت شورك ونفسك شفت مصرعها

رايد الياسي 02-23-2015 12:51 AM

رد: قص جرة عميلك لا تضيعها
 
ياسفير النوايا مانويت احداك
مير بكره تميز وين ماقعها

صح لسانك يابو نايف وبيض الله وجهك تشرفت باللعب مع شاعر مثلك


الساعة الآن 01:24 PM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
الحقوق محفوظة لشبكة هذيل