قصيدة رديتها يوم العيد

[سلطان السويهري]

السلام عليكم

فاضت مشاعري في هذا العيد بهذه الابيات


يا عيد لك مني سلام وتحيه = وارسل تحياتي على بيض الاوراق

للي بقلبي له معزه قويه = يسقي عروق القلب من عقب الامهاق

يسقي عروق القلب والنار حيه = ما تنطفي حتى لو انبع دفاق

الله يساعد كل عين شقيه = من عام الاول صابر الوجد مشتاق

والعين دايم فديار الخليه = تقطعت بعض الصداقات بفراق

الله يا زين الحياة الهنيه = يوم تشوف الناس في حب ووفاق

والدين يجمعهم على حسن نيه = لكن بعض الناس في شر ونفاق

اوصيك يا ثامر بهذي الوصيه = واسمع كلامي لا تهيفق بالاشداق

خلك على المحتاج ستر وعبيه = يدفى بها من شدة البرد ما طاق

والزم دروب الخير صبح وعشيه = تلقى السعادة في طريقك على ساق

لا تلتفت تبغى ظلالٍ وفيه = المرجله يبغالها طير طرباق

هذي وصاتي للنفوس الزكيه = واختار من زين التواصيف ما لاق

وازكى تحياتي لسيد البريه = نبينا المختار له كل الاخلاق



وسلامتكم

وثامر هذا من أولادي عسى الله يهديه

[دايم السيف]

صح لسانك ....ولا هنت على هذه القصيدة


وعسى الله يخلي لك ثامر أنشاء الله

[ماجد المسعودي]

قصيده رائعه

يا سلطان

صح لسانك ودام تواجدك

وحضورك القوي

تقبل

أجمل

وأغلى تحية

[سلطان السويهري]

النبهانيــ مطرفي ــة - ماجد المسعودي أسعدني تواجدكم وردودكم

كما اشكرك يا مطرفي على دعواتك

[رهيف الاحسااس]

صح السانك اخووووي سلطان

قصيدة رائعة ومميزة

ونريد بعد منك المزيد

تقبل تحياتي

رهيف الاحساس

[الصليمي]

قصيدة رائغع وصح لسانك

وزدنا من ابداعك

[سمــ العز ــــو]

صح الله السانك يابو ثامر

قصيدة رائعة وموضوعها مميز

يعطيك العافية

[مشارك جديد]

صح لسانك وبيض الله وجهك وننتظر المزيد.

[هذلي والفخر لي]

صح الله لسانك يابو رواد

وعساك على القوه دووووووووم

والله يخليلك ثامر ورواد واخوانهم كلهم