سجه فكر

[صقر هذيل]

الشاعر / صقر الصقر

اخذت لي مـع دورة الفكـر سجـه=وادير فـي دنيـاي كـل التفاكيـر
روضة بيت الشعر واركبت سرجـه=واطلقت لعنانـه جميـع التعابيـر
واعطيت به مع رخرخ الارض فرجه=ويالله عساها في طريقـه تياسيـر
سابق هبوب الجـو وانـرز عجـه=وانا عليه ارسى من طويق والنيـر
ومن مكتب الافكار واوراق درجـه=ومن مدرسة سود الليـال المدابيـر
من مشرق العالم ليا غرب طنجـه=مامـر يسـر الا تحوفـه معاسيـر
وكلِ علـى دربـه يقديـه نهجـه=ولكـل ميـرادٍ دروب ومصـاديـر
يعطيـك تبريـرٍ ويعطيـك حجـه=وعن درب غيره كثر لك المحاذيـر
ولاتستوي فى القول هرجه ومرجه=ولايستوي هتان مـزن ومعاصيـر
ولايستوي صافي قراحـه ودبجـه=ولاتستوي بالوصف عكف المناقيـر
ومفتاح قلب الرجـل زلات هرجـه=إن كـان ماجودتهـا باالمساميـر
والدلو لامن طاح فى البيـر رجـه=من صافي المشروب يصبح غثابير

[سلطان السويهري]

وكـلِ علـى دربـه يقديـه نهجـه= ولكـل ميـرادٍ دروب ومصـاديـر


صح لسانك وصفت وصدقت وصُدقت

[دايم السيف]

يعطيك العافية يا مشرفنا الغالي

[أبو سعد]

صح لسانك يامشرفنا

[صقر هذيل]

الله يعافي الجميع
واشكركم