ماهوعشق أبو حمدان ؟ أدخل وفكر وهات الحل !!!!!!!!

[أبو حمدان]

هذه أبيات متواضعة طرأت علي وهي عبارة عن لغز شعري وحله ليس صعباً واعتقد أنه معروف لدى الجميع بمجرد قراءة الأبيات لكن الهدف من هذا اللغز والذي أتمناه من جميع من يقرأ هذا اللغز أن يرد عليه بأبيات شعريه تتضمن الحل على نفس القافية والوزن ، أتمنى أن ينال إعجابكم :


ياناس لي عشق(ن) قديم(ن) ومدفون == جوف الحشا ماظنتي يوم (ن ) أنساه
حبه مكن في داخل القلب بجنون == سيطر على كامل ضميري وغطاه
مغرم بحبه حيل والله ومفتون == أموت في حبه واسمه وذكراه
القلب له عاشق مقيد ومرهون == وإذا سمعت إسمه تنهدت بالآآه
هذي من حروفه بدايات وفنون == وآخر حروفه في أول الليل واتلاه
من هو حبيبي ياهل العرف تكفون ؟ == الفالح اللي يعرف اللغز وابداه
ياللي عرف حلّه بعدها تلومون ؟ == أنلام في حبه وذكره وطرياه ؟

[هذلي والفخر لي]

صح لسانك يابو حمدان

وماتنلام والله

واسمع الحل لاهنت وآسفين على القصور


يا عاشق حروف الذهب منت مجنون=عشقك وعشقي داخل القلب تلقاه
اسمح لي اميز بعشقك على الهون=واكتب كلام يجر قلبي من اقصاه
الهاء هوا قلبي صراحه ومن دون=مجامله قمة جبل صعب مرقاه
الذاء ذرابه عز هيبه وتلقون=فيها معاني الصدق والعز والجاه
الياء يقولون العرب وش يقولون=فيمن هواها كل صبحه وممساه
اللام ليل وبدر ونجوم وسكون=هي البدر والباقي نجوم واشباه
طبعا عرفتوا ياجماعه من تكون=هذيل بحر هايج وياغزر ماه

http://cards.funnystories.ru/288100 ;)

[أبو حمدان]

الله الله عليك يابو بسام قمة الإبداع وقمة التميز والله يابو بسام ماهي مجاملة ولكنك تستحق أكثر من هذا ، لاهنت والله يالغالي وصح الله لسانك .
بصراحة ماكنت أتخيل يجي رد على أبياتي هذه بمثل هذا التفصيل وهذا الإبداع وهذا التميز ولكنني كنت متوقع بأنك سوف تبدع لأنك أنت الإبداع نفسه .
عشرة على عشرة يابو بسام وحاشاك من القصور .
وانا في إنتظار الرد من بقية الأعضاء حتى لو أن أبو بسام حل اللغز هذا لايعني توقف البقية عن الرد فالمسألة لاتتوقف عند حل اللغز فالهدف هو مجاراة الحل من قبل كل من لديه موهبة شعرية ، فأنا عندما وضعت اللغز كنت متأكد بان الكثير منكم سوف يحله لأن حله ليس صعباً كما ذكرت ولكن كنت أهدف لمجاراة الأبيات حتى نخرج بقصائد رائعة وجميلة تصب كلها في المدح والفخر لقبيلة هذيل .
أرجو أن تكونوا قد فهمتم قصدي .
والف مليون شكر مرة أخرى للمبدع أبو بسام الذي دائماً سباق في المرور والرد الجميل وهذا ليس بمستغرب منه .ولكم جميعاً فائق الإحترام والتقدير .

[فارس الدهما]

اسمع يابوحمدان اضنك تبا توهقنا معك في القصيد ولكن انا لست بشاعر وكل ماقوله صح لسانك

[سلطان الندوي]

صح لسانك ولسان ابوبسام

مافيكم حيله

والوعد قدام

[أبو حمدان]

الأخ فارس الدهما
الف مليون شكر على مرورك الكريم الذي أثلج صدري وليس بالضروري كل من يمر على القصيدة أو الأبيات يرد عليها بقصيدة يكفيني ويشرفني مروركم الغالي .

الأخ سلطان الندوي
مرورك بحد ذاته أجمل قصيدة حتى لو لم ترد بقصيدة وماعليك زود يالغالي .لكن لاتقطعنا وتطول غيابك علينا ترانا نعتز ونفتخر بمرورك وتعليقك وهذا يكفي لكي تزيد حماسنا والله لايحرمنا منك.

[هشام الهذلي]

صح لسانك يا أبو حمدان

وسبقنا أبو بسام صح الله لسانه

وبيض الله وجيهكم ما قصرتوا

http://cards.funnystories.ru/288100 ;)

[عبدالله المزيدي المسعودي]

صح لسانك يابو حمدان انت و هذلي ..

وصراحه ابيات جدا رائعه ..

[غريب وأديب]

خطوة موفقة ياخال أبو حمدان وفكرة طيبة بس والله ياخوالي مدحكم مو بهين


فصاحة وبلاغة وأصل وصحابة وفرسان وشعراء وأبطال فتوحات وووووووووووووالخ

وش أعد من طيبكم ياخوالي بس تكفون الله الله الله في المسعودي أبو عابد الرمز الوحيد

للمحاورة الحقيقية!!

صح لسانك ولسان أبو بسام خالي الغالي



وسلم على هذيل كافة:kkk:

[ابو سعد]

الله الله الله


وش هالابداع


فطاحلة المنتدى يتقاصدون هنا ... أكيد راح اشوف الإبداع كله


صح لسانك يا ابو حمدان و لسان ابو بسام


و عساكم على القوه يا رب













تحياتي ,,,

[نجــ هذلي ــد]

اسجل اعجابي الشديد بمن وضع اللغز وبمن حله

ولا أظن أن هناك الكثير من الردود الشعرية , لأن رد هذلي صراحة يجعل أي شاعر يريد الرد يتردد كثيرا لأن من الصعب التفوق على رده.


أكرر الشكر لأبو حمدان وهذلي والفخر لي ولاتحرمونا من الابداع

[أبو حمدان]

الأخوة الأكارم:
هشام الهذلي
عبدالله المسعودي
غريب وأديب
أبو سعد
هذلي نجد
لساني يعجز عن تقديم الشكر والتقدير على مروركم وإطراءاتكم التي تبعث الأمل في النفس والله لايحرمنا من إطلالاتكم البهية التي تسعدونا بها دائماً تقبلوا فائق الشكر والتقدير والإحترام والله يحفظكم ويرعاكم .