عبدالله الطلحي
03-21-2007, 12:57 AM
من ماشاهدناه وسمعناه
ولازلنا نشاهد ونسمع
من بعض الشعراء في الملاعب
ودارات الرجز والحداء
من إثارة النعرات والفتن والتي بلاشك
لها مردود سلبي على وحدة الصف ومجهودات أهل الخير
في إصلاح ذات البين ,وتركهم يقولون مايشاؤون على مرأى ومسمع
من العقلاء والشيوخ وعدم إيقافهم عند حدهم أو على الأقل توجيههم
في حين أن هناك القلة من الشعراء
الذين لهم دور بناء في جمع الشمل وإطفاء نار الفتنه
ياراكبٍ فوق حرٍ من خيار الجمال=تُعرف مناسب جدوده عند نسابته
حرٍ عديم الوصايف من حرار الشمال=لافز مايلحقه جيشٍ بركابته
خذ جابتي ثم وصلها ثقات الرجال=اللي تثمن كلام الصدق ماعابته
كسابة المدح بالتقوى وزين الفعال=والمدح ماله مجال إلا في كسابته
لاجيتهم قول ابوناصر تمثّل وقال=مثايلٍ مثل بنٍ عند شرابته
من بن خولان من محصول روس الجبال=اللي غروسه على قطر الندا نابته
ماطب في سوق صنعا للوزن والكيال=من عند زراعته في يدين جلابته
مجلوب للكيف في حلة كريم السبال=وعد الثمن في يد الجلاب وتعابته
ياطيب ريحه ولونه في مصافي الدلال=لاجات تبرق وهي في يدين صبابته
كيفٍ يعدا على شيخٍ حميد الخصال=واثق بنفسه وواثق في وفا لابته
يسعى للإصلاح بين الناس في كل حال=وإن جات للحق يعطي الحق طلابته
وإن كان له دعوةٍ ماحطها راس مال=راعي تسامح لو إنه حجته ثابته
والدعوه اللي تثنّي الخصم ثني العقال=لايفرح إبها ولايجزع ليا صابته
يفداه جملة شيوخ النصب والإحتيال=اللي ليا غاب قالت فيه وإغتابته
بالهمز واللمز والفتنه وقيلٍ وقال=تبحث عن الشر وتقفّي ليا جابته
وكيفٍ يعدا على شاعر جزيل المقال=من حكمته تاخذ العراف من جابته
حليم ماياخذه عند المزاعم هبال=ولاتستفزه دعاة الشر وعصابته
عصابةٍ تشعل الفتنه بكل إحتفال=فيها شبه من قطيع الوحش في غابته
كم فتنةٍ نايمه تحت الرماد الهيال=شبوا لهبها وهم للشر شبابته
وكم من سجينٍ يشوف العفو صعب المنال=ماينتظر غير حد السيف وذبابته
يسهر يعد الليالي والليالي طوال=وليل السهر مايطول إلا لحسابته
وفزعوا هل الخير لإطلاقه بحالٍ ومال=وزاد التفاؤل من اهل الخير وقرابته
وهناك في الحفلة اللي طال فيها الجدال=الشعر عوّد حطب ليلٍ وحطابته
بيدين ناسٍ تلوّى في رموث الحبال=من جهلها تدعي بالشعر وكتابته
الكل قام يتعزوى له بعمٍ وخال=يختال ويلاعب السبحه بسبابته
وفجأه تجيك المطمه من صغار العيال=ماقدرت موقف الفزعه ولاهابته
ياكلمةٍ مابقي للصلح معها مجال=والحرب عوّد لميدانه وحرابته
وضاع الأمل مثل ماضاعت حلوم الليال=ضاع الأمل والسبب قافٍ ولعابته
أماإصلحوا الوضع يااصحاب العقول الثقال=وإلا يروّح نهابه عند نهابته
وصلاة ربي على المبعوث بعد الضلال=واثني صلاتي لأهل بيته ولصحابته
ولازلنا نشاهد ونسمع
من بعض الشعراء في الملاعب
ودارات الرجز والحداء
من إثارة النعرات والفتن والتي بلاشك
لها مردود سلبي على وحدة الصف ومجهودات أهل الخير
في إصلاح ذات البين ,وتركهم يقولون مايشاؤون على مرأى ومسمع
من العقلاء والشيوخ وعدم إيقافهم عند حدهم أو على الأقل توجيههم
في حين أن هناك القلة من الشعراء
الذين لهم دور بناء في جمع الشمل وإطفاء نار الفتنه
ياراكبٍ فوق حرٍ من خيار الجمال=تُعرف مناسب جدوده عند نسابته
حرٍ عديم الوصايف من حرار الشمال=لافز مايلحقه جيشٍ بركابته
خذ جابتي ثم وصلها ثقات الرجال=اللي تثمن كلام الصدق ماعابته
كسابة المدح بالتقوى وزين الفعال=والمدح ماله مجال إلا في كسابته
لاجيتهم قول ابوناصر تمثّل وقال=مثايلٍ مثل بنٍ عند شرابته
من بن خولان من محصول روس الجبال=اللي غروسه على قطر الندا نابته
ماطب في سوق صنعا للوزن والكيال=من عند زراعته في يدين جلابته
مجلوب للكيف في حلة كريم السبال=وعد الثمن في يد الجلاب وتعابته
ياطيب ريحه ولونه في مصافي الدلال=لاجات تبرق وهي في يدين صبابته
كيفٍ يعدا على شيخٍ حميد الخصال=واثق بنفسه وواثق في وفا لابته
يسعى للإصلاح بين الناس في كل حال=وإن جات للحق يعطي الحق طلابته
وإن كان له دعوةٍ ماحطها راس مال=راعي تسامح لو إنه حجته ثابته
والدعوه اللي تثنّي الخصم ثني العقال=لايفرح إبها ولايجزع ليا صابته
يفداه جملة شيوخ النصب والإحتيال=اللي ليا غاب قالت فيه وإغتابته
بالهمز واللمز والفتنه وقيلٍ وقال=تبحث عن الشر وتقفّي ليا جابته
وكيفٍ يعدا على شاعر جزيل المقال=من حكمته تاخذ العراف من جابته
حليم ماياخذه عند المزاعم هبال=ولاتستفزه دعاة الشر وعصابته
عصابةٍ تشعل الفتنه بكل إحتفال=فيها شبه من قطيع الوحش في غابته
كم فتنةٍ نايمه تحت الرماد الهيال=شبوا لهبها وهم للشر شبابته
وكم من سجينٍ يشوف العفو صعب المنال=ماينتظر غير حد السيف وذبابته
يسهر يعد الليالي والليالي طوال=وليل السهر مايطول إلا لحسابته
وفزعوا هل الخير لإطلاقه بحالٍ ومال=وزاد التفاؤل من اهل الخير وقرابته
وهناك في الحفلة اللي طال فيها الجدال=الشعر عوّد حطب ليلٍ وحطابته
بيدين ناسٍ تلوّى في رموث الحبال=من جهلها تدعي بالشعر وكتابته
الكل قام يتعزوى له بعمٍ وخال=يختال ويلاعب السبحه بسبابته
وفجأه تجيك المطمه من صغار العيال=ماقدرت موقف الفزعه ولاهابته
ياكلمةٍ مابقي للصلح معها مجال=والحرب عوّد لميدانه وحرابته
وضاع الأمل مثل ماضاعت حلوم الليال=ضاع الأمل والسبب قافٍ ولعابته
أماإصلحوا الوضع يااصحاب العقول الثقال=وإلا يروّح نهابه عند نهابته
وصلاة ربي على المبعوث بعد الضلال=واثني صلاتي لأهل بيته ولصحابته