اذا المراجل لبس شماغ وعقال

[صقر هذيل]

حصلت هذه القصيده في احد المنتديات ولكن اعجبتني وحبيت انقلها لكم عسى ان تعجبكم وللاسف ليس معروف صاحبهاالمرجله


إذا المراجل لبسة شماغ وعقال = قل للعذارى يلبسن العمايم

ماعاد يفرق زول حرمه ورجال = دام الفعايل تشبه البعض دايم

المرجله ماهيب كلمة وتنقال =وتروح ماراحت هبوب النسايم

وإلا خشونة صوت أو رفع الأثقال = أو رزة صدور وفعل الزلايم

ولاهي بعد مفتاح موتر وجوال = وإلا ردى لسان(ن) حديثه شتايم

المرجله شيمه عن القيل والقال = رفيع نفس(ن) حر بالجو حايم

المرجله عقل وزن وزنه جبال= ودون العقل وش فرقنا والبهايم

يامسندي لو مايل الوقت بي مال =ياولد أبويه ياعظيم العزايم

يامعرب الجدين من العم والخال = يانخوة المفزوع وقت الهزايم

المرجله ياخوي هي طولة البال =هي العزم هي الصبر فالظلايم

فيها الكرم عزه دله وفنجال =فيها الكرامة عن ردى الطبع شايم

والدين لامنه خذا القلب منزال = مشى طريق الحق وابليس نايم

ومن لاعرف ربه في طيب الحال =لابد وقت الضيق بالهم هايم

حتى صلاتك مع جماعات ورجال = في خيرها ياخوي نعم الغنايم

ولامن نصف ليلك قم صفي البال = ياعظم أجرك بين ساجد وقايم

ولامن رفع ربي له كل الأعمال =حسن الذكر لاقالوا فلان صايم

وخلك شريف القصد ياطيب الفال =سوء المقاصد فالبيوت الهدايم

واحذر تبيع النفس في درب الأرذال = وتتبع خوي إبليس راع النمايم

النفس خيل لك إذا كنت خيال = ومن لاقوى نفسه قوته الهزايم

ولا صرت ماتدري لويش أنت رجال = والله خسارة فيك ذبح التمايم

[الطلحي]

الله يعطيك العافية على هذا النقل

[شـاعـرة هذيل]

واحذر تبيع النفس في درب الأرذال=وتتبع خـوي إبليـس راع النمايـم




اخوي صقر هذيل

نقل متميز

وذائقه رائعه

احسنت الاختيار

ارق تحيه

[صقر هذيل]

اشكر الجميع
وان شاء الله ننقل كل مايسركم
تقبلوا تحيتي

[الصيرمي]

قصيدة جميلة وقد سمعت من ينسبها إلى فنان الكسرات الشاب ماجد المطرفي ..

والله أعلم..


لكن القصيدة رائعة المعنى جيدة البناء..

ومشكور على النقل .

اسلم.

[قلم بلا قيود]

المرجله عقـل وزن وزنـه جبـالودون العقـل وش فرقنـا والبهايـم

يامسندي لو مايل الوقت بـي مـالياولـد أبويـه ياعظيـم العـزايـم


يعطيك العافيه