طاب الخاطر

[هشام الهذلي]

الأعزاء : أعضاء الموقع

اتمنى ان تنال هذه الابيات المتواضعه اعجابكم

وان اقرأ ارائكم


ما طاب خاطرك يعني ما اقتنعت غياب= ولا أعجبتك المسافه بينك وبيني
عامين ادور عليك وما لقيت اسباب= تعطيك حق لغيابك يا مجافيني
أنا عن العهد الأول ما قفلت الباب= للحين وأنت الوحيد اللي ملا عيني
أما أنت بيٌن حبيبي حبك الكذاب= لو ما أنت كذاب والله ما تخليني
أوعدك ما عاد اطرٌي سيرة الأحباب= واقطع عليك الدروب اللي توديني
وأن شفت للشوق ناب وللمحبه ناب= ابنطحن بينهم واقطع شرايني
عشان لا مر طارينا مع الاصحاب= تومت كل الوسايل قبل تحييني
وعتاب ماعاد ينفع للغياب عتاب= قد ايش اكذب عليٌ وما تواسيني
صدقت من زود ما حبيتك الأكذاب= واليوم شوف المحبه كيف تكويني
تدري وش الظلم أني بالغلا مرتاب= وأنته ولا يوم واحد حاسٍ فيني
أغيب وأرجع وأغيب وكننا أغراب= عادي غيابي ولا سألتني ويني
الى متى بأرتحل في سكة الأعجاب= وأبعد حقيقة عذابي عن عناويني
للحب ما شفت درب وما لقيت أبواب= غير الضياع بعيونك يا مشقيني
خلاص أخذت الكفايه واقتنعت غياب= وخل المسافات تفصل بينك وبيني
ما عاد احبك ولا ابغى للغياب اسباب= ومعاك حق بغيابك يا مجافيني

[هذلي والفخر لي]

ابداااااااااااااع

اخوي هشام الهذلي

قصيده رائعه من شخص رائع

احساس وشعور وتعبير منقطع النظير

صح لسانك يالغالي

ولا تحرمنا جديدك

[هشام الهذلي]

اخوي هذلي والفخر لي

اشكرك على المتابعة الدائمه

تعودتها منك وما هي غريبه عليك

وسبق اني وعدتكم بالجديد وانشاء الله اني اكون قد كلامي

وبالتأكيد ما راح ابخل على موقع يحمل اسم قبيلتي

مشكور مره ثانيه على المتابعه

[دق التحيه انا هذيليه]

صح لسانك

وتسلم يمناك ولاعدمناك

سجل اعجابي بما كتبت ,, الله يعطيك العافيه

[صـــقـــر الـــهـــذلـــي]

صح لسانك يابو سعود


قصيده جميله من شاعر مبدع دائماً

أتمنى لك التوفيق ونشوفك إن شاء الله

في شاعر المليووووووووون الجاي

شد حيلك

وما نيل المطالب بالتمني ولكن تؤخذ الدنيا غلابا


تقبل تحياتي أخوك صقر

[كاسب الطيب]

صح لسانك يابو سعود


قصيده جميله من شاعر مبدع دائماً

[هشام الهذلي]

- هذي احلى " تحيه " للهذليه

ومشكوره على المرور والاعجاب بالابيات

- " صقر " كبرت راسي وانا اخوك شاعر المليون مره وحده .

تسلم على المرور وبوس ريتاج والله يخليك ذخر .

- كاسب الطيب مرورك زاد القصيد جمال وصح بدنك وان اخوك

ولا تحرمني من ارائك في المستقبل .

[فارس الدهما]

قصيدة رائعه وجزله في معانيها وننتضر منك المزيد اخوي وصح لسانك

[ابو سعد]

صح لسانك يا ابو سعود


قصيده رائعه و صور بيانيه جميله



بيض الله وجهك




تحياتي ,,,

[هشام الهذلي]

مشكور اخوي فارس الدهما على المرور وصح الله بدنك

ابوسعد مرورك يكفي وانا اخوك وصح الله بدنك

وان كان لي عتب عليك

لكن اذا تقابلنا يصير خير

[سمــ العز ــــو]

صح السانك اخوي هشاام
قصيدة رائعة بما تعنيه الكلمة
نتمنى لك التوفيق والابداع
اخوك سمو العز

[هشام الهذلي]

تسلم اخوي سمو العز وصح الله بدنك

ومشكور على المرور

[عذوبة جرح]

وأن شـفــت لـلـشـوق نـــاب وللمـحـبـه نــــاب ابـنـطـحـن بـيـنـهــم واقــطـــع شـرايــنــي

صح لسانك

احساس حلو ينتابني يوم اقرا قصايدكـ
كلها مشاعر حيه

[أبو المثلّم]

شكرا على رفع هذه الرائعة يا عذوبة

صح لسانك يا ابو سعود

مبدع في السهل الممتنع

[سعد كامل الفهمي]

أخي هشام

شهادتي في شاعريتك مجروحه ولن أوفيها حق الثناء

سررت بقرائتي لها ويشرفني متابعة شعرك الراقي
ذو الموسيقى التي دائما ماتطربني

أشكرك من قلبي الصادق على كذا فيض فلا فض فوك يابن الكرام
تحيتي لك

[بندر بن حجي]

السلام عليكم

هذه القصيدة مكتوبه بحرفنة شاعر لايعيها إلا القليل.............

شكرا....

[هشام الهذلي]

وأن شـفــت لـلـشـوق نـــاب وللمـحـبـه نــــاب ابـنـطـحـن بـيـنـهــم واقــطـــع شـرايــنــي

صح لسانك

احساس حلو ينتابني يوم اقرا قصايدكـ
كلها مشاعر حيه

شكراً أختي عذوبة جرح


وهذا من لطفك وطيبك


حفظك الله

[هشام الهذلي]

شكرا على رفع هذه الرائعة يا عذوبة

صح لسانك يا ابو سعود

مبدع في السهل الممتنع

صح بدنك يا أبو أحمد


وشاكر لك كريم مرورك


وحفظك الله

[هشام الهذلي]

أخي هشام

شهادتي في شاعريتك مجروحه ولن أوفيها حق الثناء

سررت بقرائتي لها ويشرفني متابعة شعرك الراقي
ذو الموسيقى التي دائما ماتطربني

أشكرك من قلبي الصادق على كذا فيض فلا فض فوك يابن الكرام
تحيتي لك


ما عليك زود أخوي سعد


وشهادتك وسام فخر أخوي


شرفتني كثيراً بهذا المرور


شكراً لك

[هشام الهذلي]

السلام عليكم

هذه القصيدة مكتوبه بحرفنة شاعر لايعيها إلا القليل.............

شكرا....

وعليكم السلام اخوي بندر بن حجي


وشهادة اعتز بها


حفظك الله أخوي