هشام الهذلي
01-06-2007, 09:06 AM
على كل فرد من ابناء هذه القبيله ادام الله عزها وسعدها ان يقدم ولو الشيء البسيط لها ،،،، ومن هنا جادت القريحة بهذه الابيات المتواضعة ،،،،،،اتمنى ان تنال استحسانكم،،،وان توافق ولو القليل من طموحاتكم في شعرائكم
أخوكم
هشام الهذلي
يوم البحور اللي تجر الأساطيل= فاضت على شط المواني بماها
قمت أتخير من دررها محاصيل= وأصفها بعقودها وأتباها
ماني من الهذلان كيالة الكيل= لوما طحنت حبوبها في رحاها
في ذمتي لأصبها في فناجيل= واسقي الكبود الضاميه من دواها
ما داست رجولي دروب التساهيل= ولا عطتني دنيتي من رخاها
ضاري على العسرات واعدل الميل= والنفس ماني من يطاوع رداها
لني على ما قيل يا سامع القيل= من لابة يفخر بها من لقاها
حنا رجال هذيل وان قالوا هذيل= تهتز نجمات السما في سماها
صغيرنا تحسب حسابه رجاجيل= وكبيرنا عز النفوس وعزاها
نسل الفخر والطيب جيل بعد جيل= ومن ضامته دنياه ماله سواها
النا من التاريخ سوره وترتيل= والنا حروف المجد للي قراها
والضيف والفنجال والبن والهيل= عوايد نفخر بها ونحماها
وصدورنا وسع البحر للمداخيل= أفعال مشهوده وكل حصاها
ما جات بالهين ولا بالأقاويل= ورث من افعال الجدود ونباها
ويوم البعض صنع فخر بالاباطيل= جتنا مقابيس الفخر من رضاها
الحمد لله والشكر من سماعيل= اللي فتح مكه وشيد بناها
ابن الخليل مكثرين التهاليل= يوم القفار بقاعها وبسماها
ما ودي أطول ولا أزيد تفصيل= الناس قبلي مجدوا في عطاها
واللي كتب شعره على قافية ايل= يبطي يفصل مجدها ما حواها
أخوكم
هشام الهذلي
يوم البحور اللي تجر الأساطيل= فاضت على شط المواني بماها
قمت أتخير من دررها محاصيل= وأصفها بعقودها وأتباها
ماني من الهذلان كيالة الكيل= لوما طحنت حبوبها في رحاها
في ذمتي لأصبها في فناجيل= واسقي الكبود الضاميه من دواها
ما داست رجولي دروب التساهيل= ولا عطتني دنيتي من رخاها
ضاري على العسرات واعدل الميل= والنفس ماني من يطاوع رداها
لني على ما قيل يا سامع القيل= من لابة يفخر بها من لقاها
حنا رجال هذيل وان قالوا هذيل= تهتز نجمات السما في سماها
صغيرنا تحسب حسابه رجاجيل= وكبيرنا عز النفوس وعزاها
نسل الفخر والطيب جيل بعد جيل= ومن ضامته دنياه ماله سواها
النا من التاريخ سوره وترتيل= والنا حروف المجد للي قراها
والضيف والفنجال والبن والهيل= عوايد نفخر بها ونحماها
وصدورنا وسع البحر للمداخيل= أفعال مشهوده وكل حصاها
ما جات بالهين ولا بالأقاويل= ورث من افعال الجدود ونباها
ويوم البعض صنع فخر بالاباطيل= جتنا مقابيس الفخر من رضاها
الحمد لله والشكر من سماعيل= اللي فتح مكه وشيد بناها
ابن الخليل مكثرين التهاليل= يوم القفار بقاعها وبسماها
ما ودي أطول ولا أزيد تفصيل= الناس قبلي مجدوا في عطاها
واللي كتب شعره على قافية ايل= يبطي يفصل مجدها ما حواها