قصيده وجايزه

[جميل المطرفي الهذلي]

[color=#0000ff] اخواني وخواتي اعضاء هذا المنتدى
هذه ابيات والمطلوب الرد عليها على نفس
القافيه والوزن واصيقه وعليها جايزه ثمينه
وقيمه فمن يرا في نفسه الاستطاعه فليقوم برد
عليها واضنها ليس بصعبه
تقبلو تحياتي وتقديري








سلام مسلم ساس وحساس وسلام = مسلم ورد للعد والعد له ساس
العلم ماهو سر وحلام ووهام = العلم لهل العلم والعلم حساس
والعصر عصر اورود والصدور وعلام = والمال ساس الحال والاصل دساس
والكل طامع ودهر كله احلام= وده ولاحصل لادرعاً ولاكاس
ادروس مدروسه وعاماً وراى عام = والحل راع الراس ماله ولا راس
كرر ومرر ردها راس صدام = وصح طاح الحمل والدر والماس
مسلم ومسلح لاصلى ولاصام=لادم لاسطوه ومعدوم الاحساس
وادار وهل الدار مصدر للحكام =الأ مر مدهور وعرام عساس
الرسوم مرسومه على هم ولأم = وحدود محدوده كما حد المواس
وسلم لهل اسلم لاسلم عرام = عرام سلمه ماوصل دار دواس
مهما حصل محد درس سر الاهرام =طال الامل ماعاد للعلم كراس
الملحمه ماحلها كل لحام = دره ومره حمس ماهر وحماس
حلل وحاول حل وملكلك وسام = واصل وعد ورد والهم وسواس

[عماد الهذلي]

السلام عليكم ورحمة الله وبركاته


حيّاك الله يابو راشد، شاعرنا الجميل والقدير...تسلم وصح لسانك.

والصراحة الجايزة أغرتني :47: ،، هيا اسمع :soos:



وسام مسلم سام للساسه وسام=يامرحبا والحـد بالحـد مسـاس
العلم له منظومة أنواع واقسام= والعدل عكس الظلم (للناس نبراس)
في مصر باني قصر له حكم ونظام=ماشاده الدينار هوجاس من راس
كم عبرةٍ مرتيها طول الايام=للدهر ندفع مهر (طباخة الفاس)
أحسوس ملموسه ومدام من دام؟=الحل تفتح قوس وتصك الاقواس
دوّر وثور بندقه بين الاقدام=ماراح راح وكل مجلس بجلاس
أسياد سادات الدعاية والأفلام=أخصام فينا للعراقيب حرااس
ماجار جار ولابغت روس الاقلام= الأمر للي موكل الأمر للناس
علوم معلومه لها (رغد قـدام)=وبنود مفنوده على الخير والبأس
ياعمرو موسى ماقعد حيلك وقام=ماطار بعض الريش بجنوب (عباس)
حار النفس بين الحقيقة والأوهام=وإلا الأمل معاد له صدق مقباس؟
أبيات منظومة على بحر الإقدام=جرّه على جرّه ومقياس بقياس
علل ؟ مرد الود فقلوب الأخصام=وآصل وهاك وعد بأرباع وأخماس


هيّا يعود ما أخذ الجايزة :sadwalk:

[راع الاوله]

جميل المطرفي وعماد الهذلي

صحت الالسن ولاهنتم

تقبلوا مروري وخالص تقديري ..........

[حماس]

توني اشوفها يا ابو راشد

أبيات مكلفة

نحاول الرد ان شاء الله

[بن عادي]

وعليكم السلام ورحمة الله وبركاته

صحت الألسن ولاهنت يابو راشد

ولا هان ابو معتوق

وبصراحه ابداع

اطيب التحايا

[جميل المطرفي الهذلي]

اخي وشاعرنا العزيز عماد الهذلي
لو قلت انك لم تتمسك بالقافيه وصياغه لقلت جميل تجنن ولاكن صدقني لم تتمسك بذالك حاول ودقق في ا لقصيد
لم توضع الجايزه عبث حاول مره اخر وحظ اوفر والله قلت انت الي بتاخذ الجايزه ويمكن المهم حاول مره اخرى

تحياتي وتقديري

[حامد السالمي]

وعليكم السلام ورحمة الله وبركاته


صح لسانك أخي الغالي الأستاذ جميل المطرفي الهذلي وبالفعل تتميز القصيدة بميزة معينة يجب أن يلم بها


من يرغب في الرد عليها ، طيب يا جميل إثرك ما حطيت الجايزة إلا بعد ما غطلست العلوم ههههههههههههههه.

تقبل مروري وتقديري ،،،

[رداد الفضلي الهذلي]

صح لسان الشاعر الكبير / جميل المطرفي الهذلي

صاحب الكلام الجزل ,,, والقصائد ذات السبك والحبك

وقد تشرفت بالتعرف عليه عن قرب في حفل الشيخ / محمد بن حمد الفضلي الهذلي ,,, بذي المجاز

فهو نعم الرجل ,, وجلسته لا تمل


أما القصيدة فلا شك أنها ليست سهلة

ولم توضع لها جائزة من فراغ ,,,

[جميل المطرفي الهذلي]

اخواني كل من الفارس حزين الطلعه ورداد الفضلي الهذلي
اشكركم على مروركم وانتم اهل الطيب وهل الكرم
اما القصيده وحسب تلميحكم لها انكم فهمتم مافيا
الرجو حث الشعراء على الرد عليها لان من شافها او قراها
يظن انها عاديه ولاكن خلوهم هم الذين يتوصلون الى الى ماتحتوي عليه
وماهو المقصود من وضع الجايزه عليها
لكم تحياتي وتقديري

[عماد الهذلي]

يعني كذا ههههههههههههههههه

والله أنا رديت على طول يابو راشد، وللحين ،، ماجت معي هالقوافي اللي تقولها، لن الألزام بقوافي معينه، يستوجب تكرارها في كل بيت بنفس العدد والحرف.

عاد هذا منتوجي وننتظر الشعار، لنرى..... والله يوفق الجميع

>> راحت الجايزة.......................بس شوف يابو راشد اذا محد رد غيري، طبعا تكون الجايزة لي ، لا أني أجتهدت ههههههههههههههههههه



وفقكم الله

[عماد الهذلي]

السلام عليكم ورحمة الله وبركاته

بعد التمحيص ، والتخميس في هذا المتصفح العزيز،،،توصلت إلى:

ههههههههههههه

أن جميل المطرفي شاعرنا ، لا يقصد القوافي، ولكن خانه التعبير،،،،يقصد اشياء ثانيه في القصيدة،،، ومع ذلك.....أرى أنه لم يلتزم بما فعله في كل بيت، وهنا ينتفي لزوم مالايلزم....

فإذا اردت يابو راشد أن أنسج على غرار قصيدتك، فلابد أن يكون كل بيت وكل شطر، تعمل به نفس العمل،،، ولو وجد بيت فقط، خلا من اللعبة من حق المثمن، أن لايلتزم....


أخذ أخذ الجايزة الله لايعوق شر هههههههههههههههههههههههههههههه



شوفني مابينت شي..... ننتظر الشعراء

[جميل المطرفي الهذلي]

اخي عماد الهذلي والله اني ماودي انك تورط معي القصيده فيها شئ اخر غير القوافي لم تكتشفه والقاوفي ماهولازم تكرره المهم الزم الصدر والعجز فقط وحاول ورد اذا استطعت ولجايزه لازالت مرصوده ومغريه انا قلتلك لو اني قلتلك ماجبت العجز والصدر لقلتلي مجنون ولاكن هذه حقيقه لم تتمسك لابصدر ولا ابلعجز وسوف تقتنع عند اكتشافك للاشياء الموجوده في القصيده

لك تحياتي وتقديري
ارجوك دقق وراجع مره اخرى وذا كشفت المقصود بدل وحتفظ با السر

[رايد الهذلي]

السلام عليكم ورحمة الله وبركاته


يا مرحبا يابو راشد . . يا الله حيه





يامرحبا باالحس والصدق مانام =وان نامت الاجناس ما نام جساس
لان البسوس اساس بذره للاغام =تزرع لغمها من قهر زوّد الياس
وابن عباد اعلن عن الحرب بصيام = وكليب مات بغدر جساس وانجاس
وابطى زمن للحرب مابين الاخصام = وماتو كثير الناس بسداس وخماس
والعلم ما يخفى وصار النظر شام = واللي يعرف العرق ماحد الامواس
لابد قطع العرق من كل الاجسام = ولا بلاشي فاالزمن دق الاجراس
محد رقد والبنت تشر با الابهام = مير البلا للبنت والي وهلاس
والناس ما تغزي بلاجيش وحسام = ولا القلوب اصحاح والعز نبراس
ياما وياما شفت دمعات الايتام = ياما شكى مسعود من وضع عباس
لكن ياراع البيوت ام الاحكام = ماشفتها مترادفه بين الاقواس
وان كان هبت للهواجيس بنسام = حتى تجي للبحر ونقول غطاس
ضاعت حروف .... , ..... والام = لان العرب تنظر عقل ٍ ومقياس
والوضع ما يحتاج والدرب قدام =قدام لا ترقد ولا يطري ا نعاس



فهمتني يابو راشد ولا لا ؟؟ ههههههه

[جميل المطرفي الهذلي]

رايد هذيل ههههههههههههههههههه
بعيد مره لم تلتزم لابعجر ولا بصدر ولاصيغه
صحيح بتقول الرجال ماهو صاحي لاكن هذه الحقيقه
حاول مره اخرى الجايزه مغريه ماحطيتها عبث
تقبل تحياتي وتقديري

[رايد الهذلي]

اجل هذي قصيده ثمينه

يابو راشد ماترد علاها غير الجن هههههههههه



الله يكفينا شرها

[جميل المطرفي الهذلي]

حاولت الرسل لك رساله خاصه ولاكن انت مانع الرسايل
القصيد لايرد عليها الى شاعر ذكي ومتمكن
وانت حاول لاتعجز

[هذلية نجد]

شكل الجاائزه لتاء التأنييث .... يا ابن العم


لي عوووده

[فارس الصحـراء]

.

ماشاء الله تبارك الله


حبكة معلم .. يابوراشد


بصراحة طرح ذكي ..

لاهنت ياجميل ..


فيها .. تحدي قوي ..


بس خل الربع .. ينتبهون ( للنقطه ) ترى فيه تفتيش هههههه



تحياتي

[جميل المطرفي الهذلي]

والله انك ياصالح فارس وذكي
تفكى لاعاد تشرح خلهم ههههه
وحاول تجاريها ترى بقي حروف كثير
تقبل تحياتي وتقديري

[رايد الهذلي]

رد ٍ على ماصار لا لا ولاهام = كلام رسام وصور لوح كراس
لا احساس لا طعمٍ ولا رمح وحسام = كلام صار وكلا ماصار هلاس
لا لا لا لاه .. لا لا لا لا لالا لا لام =لا لا لا لاه .. لا لا لا لا لالا لا لاس



ههههههههههههههههههههههه


كيف يابو راشد