مطر الهذلي
08-30-2006, 12:08 PM
السلام عليكم ورحمة الله وبركاته
اهديكم اليوم هذي القصيدة عساها تعجبكم
الاوله ياكريم الوجه ياخلاق الإنسان
طالبك في العفو ياراعي العطيات الجزيله
طالبك في العفو يوم اعمالنا توزن بميزان
يوم الجزا والحساب وكل من يلقا حصيله
والثانيه يابن آدم لاتضيع خمس الأركان
فيها نجاتك نهار يسير مافي يدك حيله
وحرص على والدينك لا يجيهم منك نقصان
ترى علينا كثير افضالهم ماهي قليله
وعرف حقوق الخوي والجار لي جاورت جيران
والضيف لي جاك رحبه وتكسبها جميله
رحب بضيفك وقله مرحبا ترحيب صفطان
لاتحسب البخل ينفع راعي اليمنى البخيله
وإنكان جاتك خطيه من بني عمك والإخوان
اصبر ولا كل ماحصلت واحد تشتكي له
وحسب حسابك ترى في الناس شمآته وعدوان
تقعد تشمت عليك ايام وليالي طويله
ياشينها يوم تصبح سالفه لفلان وفلان
يفرح بها اللي عليك من العرب نفسه عليله
قلته وانا من هذيل اللي تريض كل عجلان
اهل الفعايل نهار النار في راس الفتيله
ربعي هل الجود واهل المعرفه ذربين الايمان
لطامة الخصم لي حازت قبيله عن قبيله
عادات ربعي ولاذم العرب في كل الوطان
في كل ديره رجال وكل وادي جاب سيله
اهديكم اليوم هذي القصيدة عساها تعجبكم
الاوله ياكريم الوجه ياخلاق الإنسان
طالبك في العفو ياراعي العطيات الجزيله
طالبك في العفو يوم اعمالنا توزن بميزان
يوم الجزا والحساب وكل من يلقا حصيله
والثانيه يابن آدم لاتضيع خمس الأركان
فيها نجاتك نهار يسير مافي يدك حيله
وحرص على والدينك لا يجيهم منك نقصان
ترى علينا كثير افضالهم ماهي قليله
وعرف حقوق الخوي والجار لي جاورت جيران
والضيف لي جاك رحبه وتكسبها جميله
رحب بضيفك وقله مرحبا ترحيب صفطان
لاتحسب البخل ينفع راعي اليمنى البخيله
وإنكان جاتك خطيه من بني عمك والإخوان
اصبر ولا كل ماحصلت واحد تشتكي له
وحسب حسابك ترى في الناس شمآته وعدوان
تقعد تشمت عليك ايام وليالي طويله
ياشينها يوم تصبح سالفه لفلان وفلان
يفرح بها اللي عليك من العرب نفسه عليله
قلته وانا من هذيل اللي تريض كل عجلان
اهل الفعايل نهار النار في راس الفتيله
ربعي هل الجود واهل المعرفه ذربين الايمان
لطامة الخصم لي حازت قبيله عن قبيله
عادات ربعي ولاذم العرب في كل الوطان
في كل ديره رجال وكل وادي جاب سيله