من عيون الكسرات

[أبو سعد]

ياليت عندي جمل وآحيل = وأحيل مع اللـذي حالـو
لأدخل فنون الهوى وأميل = وأميل مع اللـذي مالـو


اسم الشاعر: ابراهيم بن عاقل الغانمي ((يرحمة الله))




حنت لحالي جبال الهنـد = حتى جميـع الجماداتـي
حتى السفن ناقلات الجند = القايـمـه بالمهمـاتـي




الشاعر/ عوده الحساني

[ماجد المسعودي]

يثبت الموضووع

وتنقل الكسرات هنا


في هذا الموضوع

تحياااتي

[عبدالله الطلحي]

قال التعب, قلت له كلّي=واظني اموت باسبابه
قال السبب, قلت له خلّي=سافر ولاوادع احبابه

[عبدالله الطلحي]

إرجع ورد النظر لعيون=ماغير شوفك يطمّنها
إن جيت حطتك وسط النون=وإن رحت راح النظر منها

[أبو فيصل]

مشكوور اخووي ابو سعد .. ومشكوور اخوي عبدالله الطحلي على الكسرات الرائعه

ونشالله أذا حظرني شي بكتبه لكم

وتقبلو تحيتي

ابو فيصل

[عبدالله الطلحي]

يابيت من بعد طول غياب=اليوم مرت بي الساقه
الباب لازال نفس الباب=ونفس البراويز والطاقه
أهلك جفوني بدون اسباب=إلا سواليف بواقه
ليش الجفا والقلوب احباب=والعين للعين مشتاقه

[أبو سعد]

لاياعذاب الهوى خليـت =جسم المعنى سواة العود
وش عاد باقي بعد بقيت =حاله مابين السهر ولهود
الشاعر /عبدالله باخت الحمدي

[الطلحي]

مممممممممممم

اثركم هنا :mad:

ولا حد يقولي

على العموم انا وصلت :D




اثاري الناس هنا ملتمه
وانا لحالي اكتب مواضيع عامة
والهاوي العاشق حلمة ورى همه
لاحد وصله وهو وصل لحبابه


استروا ما وجهتم من التكسير :D

طبعاً الشاعر محاكيكم :D

[الصيرمي]

كسرة للشريف سليمان العرجاني العبدلي..


أهلك سنه فالاسم ينقون=حتى لقولك اسم فني
سموك فتّان مايدرون= إنك بتكبر وتفتني

[أبو سعد]

تسعه وتسعين في الميه = نسبت فوادي من الاجراح
والاوحداللي بقي ليــــــه = هو ماادخرته من الافراح

[الدعدي]

كسرة للشريف سليمان العرجاني العبدلي..


أهلك سنه فالاسم ينقون=حتى لقولك اسم فني
سموك فتّان مايدرون= إنك بتكبر وتفتني


والله الشاعر سليمان اشهر من نار على علم
وهذه كسره له ايضا لعلك اخي الصيرمي تزودنا بالكثير
الله يجازيك يالفانوس **** خليت جسم الغضي مخفي
لابان باين ولا مدسوس **** لانته مولع ولا مطفي

[أبو سعد]

عيون تسهر وفرحانـه = بشوفة الأهل والأصحاب
وعيون بالدمع غرقانـه = تبكي على فرقة الأحباب

[الصيرمي]

والله الشاعر سليمان اشهر من نار على علم
وهذه كسره له ايضا لعلك اخي الصيرمي تزودنا بالكثير

الله يجازيك يالفانوس = خليت جسم الغضي مخفي
لابان باين ولا مدسوس = لانته مولع ولا مطفي


هلا بالدعدي وفعلا سليمان العبدلي شاعر مشهور وعلم في المحاورة والكسرة والحقيقة ما أحفظله كثير مير لو صدتله شي جبته تبشر ياصبي دعد..

وهذي كسرة للشريف عطا الله أبو تاكي الشنبري في غرفة النوم بعد أن شراها ولم تكن لديه زوجه حينها فقال:


يا غرفة النوم حسبتك= شهد العسل منك تعطينه
وأثرك خشب يوم جربتك=إنتي خشب والنحل وينه؟؟

[أبو سعد]

حييت انا فالغرام ومـت = وجربت نـاره وجناتـه
لقيتها كل ابوها زفـت = وازفت من الزفت حالاته

[أبو سعد]

شوف المعادن ذهب والمـاس والتفرقـه بينـهـم واجــب
واحرص ترى ان العباد اجناس لا جيت تختار لـك صاحـب

[الصيرمي]

كسرة للشريف حسين بن دخيل الله الشنبري/


التمشيه فالمطر والسيل = اتذكِّر القلب بالماضي
لوباآتمشى نهار وليل =ماظن بأشفى من أمراضي

[الصيرمي]

عشرين مره أجي وآروح= عينك بعيني وشايفني
أبغا أقلك أنا مجروح=أخاف تزعل تهاوشني

[أبو سعد]

عن الهواء كل ماصديت = وارتحت لي يوم في حالي
هفهف نسيمه وفيه ابليت = مع ناس ماهم على بالي

[أبو سعد]

رحت اتداوى واجيب علاج = صادفني الطب في دربـي
اخلف عيوني عن المدراج = لا من جهينه ولا حربـي
زين النبا غاية المهـراج = طبيـب يبغـى يتبصربـي
واقلبي ياللي معـه وهـاج = جيت اسأله قال انا غربـي

__________________

[أبو سعد]

هذا مناسبتها انه مره واحد قاعد في وادي في المضيق مر من عنده جيب فيه بنات مزاين شافهم بالصدفه مادرو عنه دور الجيب وعود دربه قال الرجل

يالله يلي رزقت الطير = جيب السحابه على الوادي
كل ماقبل خيال قلت الخير = واثر الهوى يحذفه غادي