رسالة بعد عامين

[شيخه الشمري]

قبل عامين من هاليوم كنا بينكم ياهذيل = وفرق بيننا الطير الشقي لابارك الله فيه

ونوب نزوركم في الصبح ونوب نزوركم بالليل =وهذا موجزي بالمختصر واللي بعد قافيه

فهل لازال ذاك الطير يطمر في رقاب الخيل = أو اللي قد حصل واللي جرى مثل البشر يكفيه

رسالة عاجلة مضمونها ياباغي التنكيل = أنا بنت الشرف واللي كتبته في الورق تنبيه

[ذيب الفيافي]

أنا بنت الشرف واللي كتبته فـي الـورق تنبيـه

والنعم والله بك وبقبيلتك


وابشرك الطير الي انتي خابره لقي له واحد ما يعرف وأشتواه



ههههههههه

فأهلاً وسهلاً بك من جديد

[عماد الهذلي]

السلام عليكم ورحمة الله وبركاته


بدايتا..جياك الله أختي شيخة الشمري ،،وصح لسانك على هالأبيات ،،

لانعلم ماجرى قبل عامين،، ولكن نحن أبناء اليوم ، والمنتدى للجميع ، ولك الحق فيه مثل أي عضو أخر.

وعتب الأبيات عتب المحب ، وجيعنا أخوة ، يجمعنا الدين ، هنا ،والتآلف ..... وإدارة المنتدى في خدمة الجميع ، ولاترضى بالإساءه ، لاأي عضو.

نتمنى دفن مامضى ، وحياك الله مرة أخرى.


تحية طيبة

[شيخه الشمري]

ماعليك زود ياذيب الفيافي


والله يبشرك بالخير وبعض الطيور حتى لو انشوى مايتأكل

دمت بود

[حامد السالمي]

حياك الله أختنا الموقرة ،
وصح لسانك يابنت الحمايل،
تحياتي وتقديري ،،،،

[مشعل الهذلي]

السلام عليكم ورحمة الله وبركاته

حيا الله الشاعرة الكبيرة والأخت شيخة الشمري :

ومحاولة ومجاراة فقط :

قبل عامين من هاليوم والدنيا تهد الحيل
يجينا الضيف ونقدر حضوره بالوفا نرضيه
نسينا اللي مضى ماودنا شرح ولا تفصيل
يابنت الناس مادمنا نسينا حاولي وانسيه
ياشيخة دعوتك ماهي بزينة جايرة بالحيل
ولو نفرض غلط مخلوق قولي ربنا يهديه
تغيب نجوم ونلاقي نجوم وعاش نجم سهيل
ويبقى التاج تاج ولو نموت ولا نفرط فيه

ومرحبا فيكي مرة أخى وننتظر جديدكم أختنا ..

[شيخه الشمري]

الأستاذ عماد الهذلي

يعلم الله ليس بالقلب شئ على احد وتلك الأبيات ماهي

سوى تهئية جو لكتابتها ليس الا

شاكرة لك حضورك وبخورك

دمت بود

[شيخه الشمري]

الفارس حزين الطلعة تحيا وتدوم وشكراً لك على الترحيب

وصح بدنك

دمت بود

[شيخه الشمري]

قبل عامين من هاليوم والدنيا تهد الحيل
يجينا الضيف ونقدر حضوره بالوفا نرضيه
نسينا اللي مضى ماودنا شرح ولا تفصيل
يابنت الناس مادمنا نسينا حاولي وانسيه
ياشيخة دعوتك ماهي بزينة جايرة بالحيل
ولو نفرض غلط مخلوق قولي ربنا يهديه
تغيب نجوم ونلاقي نجوم وعاش نجم سهيل
ويبقى التاج تاج ولو نموت ولا نفرط فيه

..



قبل عامين مثل اليوم للتكبير والتهليل=وكل إنسان يامشعل مُدان بما كتب بيديه

نسيتم مامضى مو مشكلة قلب الحليم بخيل= ومن لاينضرب ينسى ومن يُضرب فلا ينسيه

[مشعل الهذلي]

السلام عليكم ورحمة الله وبركاته

صح لسانك أختنا والشاعرة الكبيرة شيخة :


أنا وشلون ابذكر وأحفظ من سنين قال وقيل
وانا ماقول نشفع للخطا (قاضيه من ماضيه)
كثيرات السوالف هينة ماتحتمل تاويل
وعادات العرب ماتتبع السيات..كيف وليّـه


الله يحفظكِ .

[الـمـطــ الهذلي ــــرفي]

صح لسانك ياشيخه..


وحنا أبناء اليوم وما فات مات ..


ويبدو أنك شاعره متمكنه نتمن أن تتحفينا من قصائدك ..

[عباد الهذلي]

صح لســـــآنكـ شيخــه شمـــر وحياكـ الله ..

آهل المنتدى مسكنهم جوف المحاني نلتقي على أخوه إن شاء الله الكريم ...

صح لســآنكـ أخوي مشـــعل الهـذلي ...

آبيض وجــه ..

[حـمـدي الهـذلـي]

شيخة الشمري .. السلام عليكم ورحمة الله وبركاته

أنا لي عام في المجلس أخيل الشمس ويّا سهيل=ولا عندي خبر عن شيخه والطير الذي تطريه

لكن اللي لمسته في المجالس ريح طيب وهيل =وهذي هي عوايدنا بماضي الوقت وبتاليه

صدور وساع قبل الدار تفتح بابها تبجيل=لزايرها تردد مرحبا ولْيا دخل تحميه

جوابي للرساله بعد ماحللتها تحليل=وبعض العلم من طبع العرب لو تعرفه تكنيه
مجرد مجاراه .. وصح لسانك .. والله يحييك بمجالس الأصالة والود ..

[شيخه الشمري]

مشكورين اخواني مشعل الهذلي

المطرفي الهذلي

سهم هذيل

حمدي هذيل

وافين والوفاء من طبع الغانمين

دمتم بود

[جميل المطرفي الهذلي]

اختي شيخه
العام راح با الي فيه من طيور وغيرها واليوم الله يحييك عددالنجوم وثماري والازهار وهذا المنتدى لايقبل الاساه لاحد وعلمي انك بين اخوانك وان الاداره حريصه كل الحرص على كرامة اي عضوء ومن يقوم با العبث او اعدي على احد سوف يبعد ارجو ان تكونين عضوء فعال بيننا وتقبلي تحاتي وتقديري

[تيك اوف]

حي الله الاخت شيخه

ماشاء الله تبارك الله

عامين وصرتي شااعره

اهلاا بعودتك ومرحبا سبحان السبحاين نفس الخط ماتغير ونفس اللالوان يعني رجعتي لنا بنفس الحاله النفسيه

بالتوفيق ياشيخه واهلاا ومرحبا بك مرة اخرى

[شيخه الشمري]

جميل المطرفي

كنت اتمنى أن اول زيارة لك لاتكون بهذا الشكل

عموماً من أتى قبلك من الأخوان كان مضيافاً مما يعني

إن تواجدهم يكفي عن من تبعهم

[شيخه الشمري]

بن ناشي

شاهدت مشاركتك