سلام الله علاكم ياخوالي يارجال هذيل..

[بناخي هذيل]

السلام عليكم ورحمة الله و بركاته:


سلام الله علاكم ياخوالي يارجال هذيل=اقوله والكريم يعزّ خيلانه وخالاته

ادوّر منتداكم لين جيته في توال الليل=وفالمبدا بناخيكم يبلغكم تحيّاته

[ابومنصورالهذيلي]

هلا يامرحبابك يالبناخي ياقوي الحيل=وعليك السلام ورحمة الله وبركاته
اقوله بانيابه عن بني عمي رجال هذيل=بعد ماجيتنا ياصاحبي هات الخبر هاته

[سلطان السويهري]

هلا يا مرحبا من بعد ما مريت في التسجيل = ترى العاقل طبايع فيه ما يهجر قراباته

بعد طبيت يا شاعر نبى من عندكم تكميل = نبى صورة من التعريف ينشر في ملفاته

[هذلي والفخر لي]

هلابك يالبناخي عد وبل(ن) سال فيه السيل=تراحيب الخيال اللي من المنشى علاماته

هلابك بين خيلان الوفا والصدق والتكميل=خواطر شاعر(ن) شاف القصيد وغاص غباته

[القايد]

ياسلام علاكم

صح لسانكم جميعا

بناخي هذيل

ابو منصور

وهذلي والفخر لي

تقبلو تحيتي والمتابعه

[بناخي هذيل]

ابو منصور الهذلي

الرواد

هذلي والفخر الي


سمعتوا موجز النشره وباقي عندي التفصيل=لكن الخط يالهذلا يامكثـــر ملفــــاته

نجوم الليل واجد مير مابه مثل نجم سهيـــــل=وقصر هذيل ليه تطفي الهذلان لمباته

[بناخي هذيل]

سمعتوا موجز النشره وباقي عندي التفصيل=لكن الخط يالهذلان يامكثـــر ملفــــاته

نجوم الليل واجد مير مابه مثل نجم سهيـــــل=وقصر هذيل ليه تطفي الهذلان لمباته

[هذلي والفخر لي]

سمعنا موجز النشره وعطنا باقي التحليل=ودرب(ن) سار سيره يالبناخي واعط طلعاته

نجوم الليل تعرفها الاوادم جيل بعده جيل=وقصر هذيل شامخ مايطول الوقت هاماته

[بناخي هذيل]

ياشين الصوره اللي علقوها صبح في كنثيل=وذاعوها خوالي في عربســـات ومحطاته

وحنا يالعواني مانحب الضحـك والتمثــــــيل=نقضب العلم قضب الذيب لا منّه قبض شاته

[سلطان السويهري]

تسلف من بني عمك وخلك بين حط وشيل = ومثلك ما يعرف الوقت لين يذوق ضداته



علامك يالبناخي رحت مع درب ابرهه والفيل = ندلك للطريق وقمت تحدى عن علاماته

[هذلي والفخر لي]

ياشين اللي تحاديه الاوادم بين قال وقيل=يجي ويروح ما يدري عن الوقت ومطباته

ترى بعض السوالف يالبناخي مالها تعليل=فتحت كتاب ماتدري عن اللي جوف صفحاته

[سلطان السويهري]

ياشين اللي تحاديه الاوادم بين قال وقيل=يجي ويروح ما يدري عن الوقت ومطباته

ترى بعض السوالف يالبناخي مالها تعليل=فتحت كتاب ماتدري عن اللي جوف صفحاته



صح لسانك يا هذلي

[بناخي هذيل]

ياخوالي انتم علامكم علي كل واحد يحذف من عنده

والدعوه قصيد....

[سلطان السويهري]

ياخوالي انتم علامكم علي كل واحد يحذف من عنده

والدعوه قصيد....


ههههههههههههه أجل لو الدعوة قصيد وش اللي مزعلك

بناخينا هكذا بدأت وهكذا استمرت


إن أردت نزال أحد فاطلبه بعينه وفي وقت محدد ويتم الاعلان عنه

[هذلي والفخر لي]

يالبناخي علامك كأنك زعلت

ترى الدعوه قصيد مثل ما تقول

وبالعكس ترى المعنى مدفون

والمعنى على قولتهم في بطن الشاعر

[بناخي هذيل]

ابد مازعلت ياخوالي...


ويشرفني وجودي في منتداكم


واتمنى لكم التوفيق