صعب المراس
06-02-2006, 12:28 AM
الله اللـي راد والعقـده قضاهـا اللـي عقدهـا=لا على الدنيا سلام .. ولا لباقـي العمـر زينـه
الفضـا مـا كنّـه الا خيمـةٍ طاحـت عمدهـا=والفـرح مـا كنّـه الا شيـخٍ انقصّـت يدينـه
والعمر قطعة زجاج انكسـرت ولا طـال امدهـا=والعرب في العيـد بدمـوع اليتامـى مستهينـه
والشوارع لفّهـا ثـوب الظـلام اللـي هجدهـا=والبيوت اطلال مـن عقـب المحبّـه والسكينـه
والشتا والليل والبـرد وسمـا يصـرخ رعدهـا=والعيون اللي ورى الشّبـاك مذعـوره حزينـه
طوّلوا بالكهف الاصحاب وبقت روحـي وحدهـا=كنّها فـي كوكـبٍ ثانـي خـلا مـن ساكنينـه
الوداع اللي بعلـم العيـن يعبـر مـن رمدهـا=والوداع اللي بلا علم لقفـص صـدري غبينـه
والوداع اللي بـلا رجعـه علـي أمـرّ وادهـى=والله انّـه غرغـرة سـم وسكاكيـنٍ سنيـنـه
والعنود اللـي جفيـت النـاس والدنيـا بعدهـا=مدّت الفرقـى لغاليهـا وهـي تعطـي الثمينـه
وينها كيف اتركتني ليه ما جـت فـي وعدهـا=والقمـر لاطـل خابرهـا تجـي بينـي وبينـه
رحت انادي واتلمّس فـي مهـب الريـح يدهـا=كنّي احصانٍ بلا صاحب طـوى البيـدا حنينـه
رحت اصيح الصبح وينه والعرب مـارد احدهـا=ما سمعت الا صدى صوتي يقول الصبـح وينـه
كنّهم من يوم ذيك الشمس غابـت مـن بلدهـا=طلّعوني في النّفـود وصكّـوا ابـواب المدينـه
كنّهم من يـوم ذيـك الذاهبـه محـدن وجدهـا=كل رجّالٍ من الشّرهه قلـع فـي الـدرب عينـه
أثرها ماتت .. وماتت كـل فرحـه فـي مهدهـا=والربيع اقفت به اللـي كانـت التـاج لجبينـه
جاورت عقب الحدايق حفـرة مااقسـى لحدهـا=حفرةٍ مانـي مصـدّق كيـف ضمّـت ياسمينـه
للحزن فيني مثـل مـا للطّهـاره فـي جسدهـا=ويش اسوّي لا فتشت اللي لها وسـط الخزينـه
زخرفت حلم وبَنَت له مسكـن وسمّـت ولدهـا=آه لـو غـرّد ولدهـا فـي خميلـة والديـنـه
عاهدتني واظفرت بيْمينٍ اقـوى مـن عهدهـا=والصّبي لا خير فيه ان كـان مـا نفّـذ يمينـه
ما تتقـى فـي رثاهـا عـرقٍ اكتـظ بشهدهـا=ولا تبقىّ خلف قضبان الجفن عـذرى سجينـه
كيف عند العالم ايّـام العـزى محصـي عددهـا=والا انا طالت شهوره والله اعلـم كـم سنينـه
لا الثرى فيها نبـات ولا المشـي خـط بنكدهـا=ولا السما فيها طيور ولا البحـر يمّـه سفينـه
لا القمر هذا مسـاه ولا العصـي هـذا رغدهـا=لا الزهر هـذا شـذاه ولا الذهـب هـذا رنينـه
قالوا الشّيخ الفلانـي مرجـع القـوم وسندهـا=قـال يبشـر بالعـوض والعلـم جينـا ناقلينـه
ساقلك بدر البدور اللـي نشدهـا مـن نشدهـا=جادلٍ هـزّت عـروش وخيّبـت روسٍ ذهينـه
قسْمَها في رسْمَها في جسمهـا الا فـي رشدها=واسمها ان جال الغضب قومه على الألسن رطينه
اترك النـاي وعطيّـة شيخنـا غـن لسعدهـا=وانبسط يا عم وانسى اللي ورى التربـه دفينـه
قلت ولصـدري تناهيـتٍ تـروّع مـن شهدهـا=آه واويـلاه مـن يجلـب علـى قلبـي ظنينـه
خلّوا اغلى ذاهبه ترعـى ربيـع اللـي فقدهـا=والعطـى راعيـه محـدٍ صوبـه الله لا يهينـه
لو ضمنـت الجنّـه وتفّاحـه القلـب وشهدهـا=قلت من بكره عسـى مجنونهـا تاقـف سنينـه
الله اللـي راد والعقـده قضاهـا اللـي عقدهـا=لا على الدنيا سـلام ولا لباقـي العمـر زينـه
الفضـا مـا كنّـه الا خيمـةٍ طاحـت عمدهـا=والفـرح مـا كنّـه الا شيـخٍ انقصّـت يدينـه
والعمر قطعة زجاج انكسـرت ولا طـال امدهـا=والعرب في العيـد بدمـوع اليتامـى مستهينـه
والشوارع لفّهـا ثـوب الظـلام اللـي هجدهـا=والبيوت اطلال مـن عقـب المحبّـه والسكينـه
والشتا والليل والبـرد وسمـا يصـرخ رعدهـا=والعيون اللي ورى الشّبـاك مذعـوره حزينـه
طوّلوا بالكهف الاصحاب وبقت روحـي وحدهـا=كنّها فـي كوكـبٍ ثانـي خـلا مـن ساكنينـه
الوداع اللي بعلـم العيـن يعبـر مـن رمدهـا=والوداع اللي بلا علم لقفـص صـدري غبينـه
والوداع اللي بـلا رجعـه علـي أمـرّ وادهـى=والله انّـه غرغـرة سـم وسكاكيـنٍ سنيـنـه
والعنود اللـي جفيـت النـاس والدنيـا بعدهـا=مدّت الفرقـى لغاليهـا وهـي تعطـي الثمينـه
وينها كيف اتركتني ليه ما جـت فـي وعدهـا=والقمـر لاطـل خابرهـا تجـي بينـي وبينـه
رحت انادي واتلمّس فـي مهـب الريـح يدهـا=كنّي احصانٍ بلا صاحب طـوى البيـدا حنينـه
رحت اصيح الصبح وينه والعرب مـارد احدهـا=ما سمعت الا صدى صوتي يقول الصبـح وينـه
كنّهم من يوم ذيك الشمس غابـت مـن بلدهـا=طلّعوني في النّفـود وصكّـوا ابـواب المدينـه
كنّهم من يـوم ذيـك الذاهبـه محـدن وجدهـا=كل رجّالٍ من الشّرهه قلـع فـي الـدرب عينـه
أثرها ماتت .. وماتت كـل فرحـه فـي مهدهـا=والربيع اقفت به اللـي كانـت التـاج لجبينـه
جاورت عقب الحدايق حفـرة مااقسـى لحدهـا=حفرةٍ مانـي مصـدّق كيـف ضمّـت ياسمينـه
للحزن فيني مثـل مـا للطّهـاره فـي جسدهـا=ويش اسوّي لا فتشت اللي لها وسـط الخزينـه
زخرفت حلم وبَنَت له مسكـن وسمّـت ولدهـا=آه لـو غـرّد ولدهـا فـي خميلـة والديـنـه
عاهدتني واظفرت بيْمينٍ اقـوى مـن عهدهـا=والصّبي لا خير فيه ان كـان مـا نفّـذ يمينـه
ما تتقـى فـي رثاهـا عـرقٍ اكتـظ بشهدهـا=ولا تبقىّ خلف قضبان الجفن عـذرى سجينـه
كيف عند العالم ايّـام العـزى محصـي عددهـا=والا انا طالت شهوره والله اعلـم كـم سنينـه
لا الثرى فيها نبـات ولا المشـي خـط بنكدهـا=ولا السما فيها طيور ولا البحـر يمّـه سفينـه
لا القمر هذا مسـاه ولا العصـي هـذا رغدهـا=لا الزهر هـذا شـذاه ولا الذهـب هـذا رنينـه
قالوا الشّيخ الفلانـي مرجـع القـوم وسندهـا=قـال يبشـر بالعـوض والعلـم جينـا ناقلينـه
ساقلك بدر البدور اللـي نشدهـا مـن نشدهـا=جادلٍ هـزّت عـروش وخيّبـت روسٍ ذهينـه
قسْمَها في رسْمَها في جسمهـا الا فـي رشدها=واسمها ان جال الغضب قومه على الألسن رطينه
اترك النـاي وعطيّـة شيخنـا غـن لسعدهـا=وانبسط يا عم وانسى اللي ورى التربـه دفينـه
قلت ولصـدري تناهيـتٍ تـروّع مـن شهدهـا=آه واويـلاه مـن يجلـب علـى قلبـي ظنينـه
خلّوا اغلى ذاهبه ترعـى ربيـع اللـي فقدهـا=والعطـى راعيـه محـدٍ صوبـه الله لا يهينـه
لو ضمنـت الجنّـه وتفّاحـه القلـب وشهدهـا=قلت من بكره عسـى مجنونهـا تاقـف سنينـه
الله اللـي راد والعقـده قضاهـا اللـي عقدهـا=لا على الدنيا سـلام ولا لباقـي العمـر زينـه