سلطان يا سلطان حنا سلاطين

[سلطان السويهري]

السلام عليكم

بدأت المحاورة
بدعها الشاعر : العمر ساعه فقال :

سلطان ياسلطان حنا سلاطين=واللي يحاورنا نقدم له السيف
وناقف معه وقت العسروايضا اللين=واشكرك ياسلطان ياحامي الضيف



أقول اسمع يا ولد العم

[سلطان السويهري]

سلطان له ميزه وعقل وقوانين = أوزن كلامك لين يطلع على الكيف
وأنته ليا ذلحين رايح ليا وين = دوبك تخيل بارق(ن) فاول الصيف

[العمرساعه]

انا معـك ياشـاعر(ن) تنقد الزين... وانا كما حر(ن) يعدى المشاريف
وان كما بحر(ن) يشيل الملايين...في شعري الموزون ماهي سواليف

[سلطان السويهري]

حنا نقول ونعم ونقول نعمين = بعلوم أحد من السيوف المراهيف
عند الرجال مرجحين الموازين = هذا كلام(ن) صدق ما فيه تحريف

[قمر الرياض]

عاااااااااااااشو شعااااااار المحااورة

اليل الله الله الله

يا الله سمعونا

[ابو فيصل]

انا معـك ياشـاعر(ن) تنقد الزين <= تكفا الزين محد ينقده


صح لسان الشاعرين على القوه

[العمرساعه]

عـلومـك اللـى تنـكتب بالـدواوبن...ومجاملات(ن) غطت الشمس والطيف
وانصحك ياسلطان طب الميادين...تلقــى عــلـوم ارجـال مـاهـي توالــيــف

[العمرساعه]

النقد: بمعنى العطاء... وقد جاء قديما ( انقد فلوسك او انقد علومك) يعني عطني من مما عندك

[العمرساعه]

اشكرك على التشجيع واتمنى ان نكون عند حسن ظنكم بنا

[سلطان السويهري]

يا ضيف ما عندك علانا براهين=وأجبالنا ما حركتها العجاريف
وشبك تروح يسار وتعود يمين= مدري علامك غيرتك الصواديف

[سلطان السويهري]

العمر ساعة :
سلطان ياسلطان حنا سلاطين=واللي يحاورنا نقدم له السيف
اوناقف معه وقت العسروايضا اللين=واشكرك ياسلطان ياحامي الضيف

سلطان
سلطان له ميزه وعقـل وقوانيـن=أوزن كلامك لين يطلع على الكيف
وأنته ليا ذلحين رايح ليـا ويـن=دوبك تخيل بارق(ن) فاول الصيف


العمر ساعة :
انا معـك ياشـاعر(ن) تنقد الزين= وانا كما حر(ن) يعدى المشاريف
وان كما بحر(ن) يشيل الملايين=في شعري الموزون ماهي سواليف


سلطان
حنا نقول ونعم ونقـول نعميـن=بعلوم أحد من السيوف المراهيف
عند الرجال مرجحين الموازيـن=هذا كلام(ن) صدق ما فيه تحريف

العمر ساعة:

عـلومـك اللـى تنـكتب بالـدواوبن=ومجاملات(ن) غطت الشمس والطيف
وانصحك ياسلطان طب الميادين=تلقــى عــلـوم ارجـال مـاهـي توالــيــف

سلطان :

يا ضيف ما عندك علانا براهين=وأجبالنا ما حركتها العجاريف
وشبك تروح يسار وتعود يميـن=مدري علامك غيرتك الصواديف

[العمرساعه]

الـليـــل راح وصــار ليــلــك بـلـيـليـن... والطير قبل الصبح جر الغطاريف
نعطي علوم(ن) كاش مانعطي ابدين...وانا طريقي عـدل مافـيه تصريـف

[سلطان السويهري]

أنته طريقي جيت ما شفت بالعين=طبيت في الميدان من غير تعريف
وبغيت اردك في صفوف المصلين=وأخاف تال العلم يلحقك تكليف

[سلطان السويهري]

وتصبح على خير وبيض الله وجهك واستمتعنا باللعب معك

[سلطان السويهري]

كما لا يفوتنا نمشكر كل من حضر وشجع ونخص آفاق النسيم وشروق نجد

[ابو فيصل]

بيض الله وجهك يا العمرساعة على التوضيح وترانا بس نحب نداعب لا اكثر

[العمرساعه]

الاخ الشاعر سلطان اشكرك واشهد لك بجزيل الشعر واحب ان اضيف الى معلوماتك انني شاعر نضم ولكن تقديرا لك قبلت دعوتك وكما تعرف المحاورة سجال بين شاعرين لذلك ارجو منك ومن جميع الاخوة والاخوات قبول اعتذاري عن اي اخطاء صدرت منى واستأذنكم وتصبحون على مليون خير اخوكم العمر ساعه

[ابو فيصل]

مشكورين ماقصروا الله يعطيكم العافية
بصراحة امتعتونا معاكم
بالعكس ياالعمر ساعة ماجاء منك الا كل علم زين

[هذلي والفخر لي]

يعطيكم العافيه جميعا

وكم تمنيت لو كنت حاضرا ولكن.......

تحياتي للابداع واهله اينما كانوا

هذلي والفخر لي

[سلطان السويهري]

حياك الله يا العمر ساعه وأشهد لك بشاعريتك وموهبتك ولعلك تتحفنا ببعض قصائدك ولا أظن أنها تقل عن ابداعك في المحاورة -

والهذلي والفخر كنا فعلا نحتاج إلى تواجد الأعضاء في مثل هذه اللقاءات المباشرة وإن لم تحضر في تلك الساعه فتسجيلك لمشاعرك هنا يكفي . وشكرا جزيلا