قراري الأخير

[سمــ العز ــــو]

كلما نسيت المحبوب يجي له طاري = ويفز قلبي كما فزة المقروص
وكلما قلت انتهى معه مشواري = لقيت إني في بحر حبه أغوص
لاحشى ماني على الهم ضاري = هم صارلي من بد الناس مخصوص
ولاني لمن يبيعني لشقى شاري = لو هو زهيد وبسعر مرخوص
من يوم شفته بجرح قلبي يماري = صار حبل الوصل بيننا مقصوص
يومها انهيت حب من الوفا عاري = وابدلته بحب لافيه عيب ولانقوص
وحلفت انساه للابد وهذا قراري = قراري الأخير ماتراجع عنه ولاحوص
حتى لوهو جاني بعطفه يداري = ولو أرخى وبين لي الولو المرصوص
ابصد عنه وابعد وأحرف مساري = واقاوم هوى نفسي لو لاصني لوص
وجر القلب لوشدني وجتله طواري = ونهاه عن درب الشقى والرخوص

[رهيف الاحسااس]

مشكووووور اخوي سمو العز

على هذي القصيدة الرائعة والجميلة

وعساك على القوة

تحياتي لك

رهيف الاحساس

[سمــ العز ــــو]

مشكور أخوي رهيف على مرورك العطر

وعلى تواجدك في هذه الصفحة

[قمر الرياض]

واااااااااااااو

والله قصيدة تجنن

صح الله السانك سمو العز

والله قصيدة روعة تسلم عليها

[سمــ العز ــــو]

الرائع مرورك الكريم

وردودك الأكثر من رائعة

يعطيك العافية

ودمتي بخير

[شمس الشموسة]

سمو العز شموسة وصلت

صح الله السانك مليون مرة

على هذي القصيدة الي كلها احساس وتعبر عن المشاعر

الله يعطيك العافية

[سمــ العز ــــو]

فزّولها لين وصلت فزّّولها

شموسه لين وصلت غنولها

مشكوره على مرورك العطر

يعطيك العافية ودمتي بخير