مسابقة الألغاز الشعرية

[فـتى هذيل]

بسم الله الرحمن الرحيم

ألأخوة الأعزاء أعضاء منتدى قبائل هذيل

السلام عليكم ورحمة الله وبركاته وبعد

هذه مسابقة للألغاز الشعرية ( فقط ) وطريقة المسابقة بسيييييييييطة ، يعني أنا بأطرح لغز الآن واللي يعرف الحل

الله لايهينه يجيب لنا لغز من عنده وهكذا

فهمتم ياشطار ياحبايب برافوا على الحلوين

وتكفون تراي طالبكم طلب (( قولوا تم ))

تطلبون من الأخ العزيز رايد السويهري إنه يثبت الموضوع

وإن كان هذا الموضوع مكرر ، لا يحبطني ويقول إنه مكرر

أبي منه يرسل لي رسالة خاصة ، وأنا اللي أبكتب إن الموضوع مكرر ولا أحد يشارك وبطلنا مسابقة

(((لا تزعل أخوي رايد أحب أمزح وبس ))

الظاهر إني طولت عليكم خذوا اللغز بس:.

ويش بنت تشتريها من حلالك >>>> ما تجي لك ملك لوتدفع ثمنها

طبعها تترك وتدور بدالك >>>> كل بيت تدخله تلقى رسنها

اللي عرف الحل لاينسى يحط لنا لغز

وتقبلوا تقدير واحترام فتى هذيل ((( يعني ولدكم )))

[رهيف الاحسااس]

مشكوور اخووووووي فتى هذيل على موضوعك


بس الغز سهل شكلة بس بصراحة ما فكرت فية

لكن بجيك الحل منى او من غيري

تحياتي لك

رهيف الاحساس

[فـتى هذيل]

طيب يارهيف أنت حل اللغز وجيب لنا لغز صعب من عندك


نحن فب انتظارك

[فـتى هذيل]

أشكر إدارة المنتدى على تثبيت الموضوع

لكن لومي على الأعضاء

لماذا لم يشاركوا ؟؟؟؟؟؟؟؟

هل اللغز صعب لهذه الدرجة؟؟؟؟؟؟؟؟؟

إذا كنتم ترون أن اللغز صعب فضعوا ألغاز من عندكم !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!


وتقبلوا تحيات فتى هذيل

[سمــ العز ــــو]

العفو أخوي فتى هذيل لاشكر على واجب

مسابقة الالغاز الشعرية تستحق التثبيت

وأنا أرجوا من جميع الأعضاء الكرام

المشاركة في هذه المسابقة

ولو تضع أخوي فتى هذيل ثلاث اختيارات يكون أسهل والردود تكون أسرع

ولك الشكر الجزيل على هذا الموضوع

[فـتى هذيل]

تموووووووووووووووون أخوي رايد

ولو إن اللغز ماله طعم إذا صار فيه إختارات لكن ابشررررررررررر عزيز وغالي

(( بس اللغز هذا الذي ستوضع له إختيارات))



الخادمة،،،،،،، إسطوانة الغاز ،،،،، الكهرباء

والحين أعتقد مافيه أسهل من كذا

واللي يجاوب صح يحط لغز من عنده

[رايد الهذلي]

بسم الله الرحمن الرحيم


انبوتة الغاز والنار ياصاحبي تولعلك=في محلات الغاز يا صاحبي عانها
مدام مابه مشاركين ارسلي وابا ارسلك=والنار تولع واول النار دخانها

[رايد الهذلي]

انشدك عن بنت تركب على بنت==========خدعه لواحد ودنه يخدعنه
الاوله قالت بعينه تجملت==========مسكين يحسبني على قد ظنه
والثانيه قالت مسكته ولا خنت======لو كان مسكي له على غير سنه






؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟وشهو واختيارات مافي

[فـتى هذيل]

حلك صحيح ياأخ رايد ومشكور على مشاركتك

وأنا حاولت في حل لغزك وطلعت بهذه النتيجه

حط اللغز يا خوي لاهنت <<< حطه ومن مخ راسك وردنه
وأظن من حله أنا تمكنت <<< وبأسلوب شعري تراي كاتبنه
أغلبه في البنات شفته وافتتنت <<< عدسات بالعيون والشباب يفتننه

عسى بس يكون هو الحل الصحيح ،، ننتظر ردك أخوي رايد

وتقبل تحيات فتى هذيل

[رايد الهذلي]

مشـكور اخوي فتى هذيل بس انت بعيد كل البعد عن الحل والحل خاص بالمقناص للتقريب



الغز صعب شوي


ويعطيك العافيه على المشاركه






رايد الهذلي


بعض العرب يزهمني خليفة المسعودي= عبدالله ابن مستور شا عر هذيل
وانا كلي فخر وافخر بذكر اجدودي= ربعي هل الطلات جيل بعد جيل

[هذلي والفخر لي]

الحل

الشبكه اللي تستخدم في مقناص الصقور

عموما ما اعرف اجيبها في بيت لانني لست بشاعر

اوكلك يا خليفة المسعودي تقول الحل في بيت

تقبلوا تحياتي

[رايد الهذلي]

شبكة صيد وقماريه لا هنت=للصقر ترسم ويقبضنه




حلها بختصار


والله يقويك وعندك الغز

[فـتى هذيل]

الأخ العزيز/ هذلي والفخر لي

حليت لغز رايد ولاجبت لنا لغز

عجل علينا الله يرحم والديك لاتبرد المسابقة

[هذلي والفخر لي]

انشدك عن ثوب جديد وملبوس=على البسيطه تلبسه كل الاجناس
يجي صحيح الاسم لو صار معكوس=واليا انخلع عن ناس جا غيرهم ناس

[سلطان السويهري]

تو الموضوع أخذ مجراه الصحيح وأنا جاهز

هذا لغز اعطانيه طالب من الصف الاول المتوسط

مسعودي من اهل قرب الزيمه


انشدك عن جنية تمشي على مسمار = تحب أهل العقول وكل جاهل ما يدانيها

ليا ذكيتها تمشي ولن خلينها تحتار = لها طاقية بيضاء تخفي خط رجليها

[هذلي والفخر لي]

يا سلطان حل اللغز وبعدين هات لغزك


لا تطمر على القانون

[سلطان السويهري]

اعذرني يا هذلي انس ما رأيت موضوعك لعلنا كتبنا في وقت واحد


المهم لعل حل لغزك الكفن

[هذلي والفخر لي]

ياخوي سلطان يؤسفني ان اقول لك ان الحل خطأ

حاول ثانية وتقبل تحياتي

[سلطان السويهري]

الليل ايه عرفته


لانه فعلا ليل ينكتب صحيح الاسم لو معكوس



وبعدين الله تعالى يقول ( وجعلنا الليل لباسا

وليا انخلع عن ناس يجي غيرهم ناس



صح لسانك هيا هات الحل الحين أنت





انشدك عن جنية تمشي على مسمار=تحب أهل العقول وكل جاهل ما يدانيها


ليا ذكيتها تمشي ولن خلينها تحتار=لها طاقية بيضاء تخفي خط رجليها

[هذلي والفخر لي]

برافو عليك يا سلطان

الحل هو الليل

ولكن حل اللغز اللي انت كاتبه

اعتقد بأنه الســـــــاعه