عوض الطلحي
11-18-2005, 10:37 PM
مشاركتي الاولى وأتمنى أن تحوز على رضاكم
[نمشي ونقطع في الحياة المشاوير=لكن مانبغى نصل للنهايه
نمشي سوى وافراد ونحث في السير=وكلٍ يقول أنا بعد في البدايه
نرقى وننزل في الدروب المعاسير=ولحدٍ يقول اللي وصلته كفايه
ولو كان يقدر في السما يسبق الطير=ما كان يزداد الموصى وصايه
وياكم لقينا في الطرق من محاذير=لكن يعمينا بريق الدعايه
دنيا لها نسعى ولله تدبير=والناس كلٍ له وسيله وغايه
نكسب ومكسبنا يعوّد مخاسير=لن مامشينا في طريق الهدايه
أحدٍ يتوع وله بممشاه تبرير=نشر الفتن والزيف عنده هوايه
تعمير للدنيا وللدين تدمير=الله لايرفع لشرواه رايه
وصحبه هل الفتنه مثل نافخ الكير=يجني على من يقتدي به جنايه
وبعض البشر غرر به الجهل تغرير=يسعى وراهم مادرى بالحكايه
يقول هذا الوقت محتاج تطوير=وانا تطورت ورقا مستوايه
ولاكل من غنى يدقون له زير=ولاكل من يرمي يجيد الرمايه
والعيد له ليله تميّز من عصير=واهل الشرف تعرف من أهل الغوايه
أحدٍ دليّه تظهر الما من البير=وأحدٍ يبا بدليّ غيره سقايه
وامّة محمد ماخلا منهم الخير=يلقون من رب البريه عنايه
لهم من أهل العرف والفكر تقدير=ورضا كريم الوجه غاية منايه
واللي حصل منهم خطيّه وتقصير=ندعو لهم رب السما بالهدايه
ولاهو خطا نمشي طوال المشاوير=لكن خطا ننسى إن فيها نهايه
أبو
عبدالله
[نمشي ونقطع في الحياة المشاوير=لكن مانبغى نصل للنهايه
نمشي سوى وافراد ونحث في السير=وكلٍ يقول أنا بعد في البدايه
نرقى وننزل في الدروب المعاسير=ولحدٍ يقول اللي وصلته كفايه
ولو كان يقدر في السما يسبق الطير=ما كان يزداد الموصى وصايه
وياكم لقينا في الطرق من محاذير=لكن يعمينا بريق الدعايه
دنيا لها نسعى ولله تدبير=والناس كلٍ له وسيله وغايه
نكسب ومكسبنا يعوّد مخاسير=لن مامشينا في طريق الهدايه
أحدٍ يتوع وله بممشاه تبرير=نشر الفتن والزيف عنده هوايه
تعمير للدنيا وللدين تدمير=الله لايرفع لشرواه رايه
وصحبه هل الفتنه مثل نافخ الكير=يجني على من يقتدي به جنايه
وبعض البشر غرر به الجهل تغرير=يسعى وراهم مادرى بالحكايه
يقول هذا الوقت محتاج تطوير=وانا تطورت ورقا مستوايه
ولاكل من غنى يدقون له زير=ولاكل من يرمي يجيد الرمايه
والعيد له ليله تميّز من عصير=واهل الشرف تعرف من أهل الغوايه
أحدٍ دليّه تظهر الما من البير=وأحدٍ يبا بدليّ غيره سقايه
وامّة محمد ماخلا منهم الخير=يلقون من رب البريه عنايه
لهم من أهل العرف والفكر تقدير=ورضا كريم الوجه غاية منايه
واللي حصل منهم خطيّه وتقصير=ندعو لهم رب السما بالهدايه
ولاهو خطا نمشي طوال المشاوير=لكن خطا ننسى إن فيها نهايه
أبو
عبدالله