عبدالله الطلحي
11-11-2005, 09:07 PM
الأعزاء في هذا المنتدى الرائع
السلام عليكم ورحمة الله ةبركاته
يشرفني الإنضمام لكوكبتكم الرائعه
وهذه أولى مشاركاتي
عسى أن تنال شيئاً من إستحسانكم
كنت اقول الصبر لأهل النفوس اللي كبار=وإن قلبي في المواقيف أشد من الصخر
مايسبب لي فراق المواليف إنهيار=مادريت إن المفارَق هو الموت الحمر
لين جات الساعه اللي عليها الوقت دار=مفترق ماضي وحاضر ومستقبل عمر
في حياتي ماجرالي مثل ذاك النهار=ضاع حلمي من يديني مثل لمح البصر
وإنهدم صبري ووقّفت خلف آخر جدار=وإنهدم يوم إن دمعي من العين إنتثر
...
جيت أبااهرج والعباير تحاصرني حصار=تلجم العبره لساني ويذبحني القهر
كان ودي تسمع القلب من خلف الستار=لوقربت شوي تسمع حنينه في الصدر
حن قلبي في وداعك حنين أم الحوار=عقب شوف وليدها طاعنينه في النحر
ماهناك قلوب مافي الصدور إلا حجار=في هذاك اليوم يرثي لها حتى الحجر
مثل حالي يوم خلتني الفرقى دمار=ويش أقللك وانت عندك تفاصيل الخبر
...
عقب ذاك اليوم ماتنطفي للشوق نار=كل ذكرى تخبط الجمر ويطير الشرر
آه من قلبٍ ليامن طرى طاريك طار=مثل طيرٍ حط وكره على جال الخطر
كل ماضوّى من الصيد بحلوق الصغار=وإن طواها الجوع لجّت وياليل السهر
وآه من طرفٍ ليامرّ مع ذيك الديار=فاض دمعه مثل فيض المغيض إلياإنكسر
جاه سيلٍ جر الأغصان مع دربه وسار=لين شربت كل الأودان والزايد ظهر
...
حالتي عقبك مثل حالة المطلوب ثار=في الخلا راح يتخفّى عن عيون البشر
في ديارِ قفر ماعاد فيها إلا الغبار=كل حيٍ شد عنها ولاجاها المطر
منتظر حكمك عليّه وطال الإنتظار=مير لاتقبل طعون العواذل بالظهر
لاتحاكمني غيابي وتصدر بي قرار=إن حكمت احكم عليّه وانا تحت النظر
شوفتي بالعين تكفيك عن كل إعتذار=في عيوني من مواري غلاك مية عذر
.
عبدالله الطلحي
.
السلام عليكم ورحمة الله ةبركاته
يشرفني الإنضمام لكوكبتكم الرائعه
وهذه أولى مشاركاتي
عسى أن تنال شيئاً من إستحسانكم
كنت اقول الصبر لأهل النفوس اللي كبار=وإن قلبي في المواقيف أشد من الصخر
مايسبب لي فراق المواليف إنهيار=مادريت إن المفارَق هو الموت الحمر
لين جات الساعه اللي عليها الوقت دار=مفترق ماضي وحاضر ومستقبل عمر
في حياتي ماجرالي مثل ذاك النهار=ضاع حلمي من يديني مثل لمح البصر
وإنهدم صبري ووقّفت خلف آخر جدار=وإنهدم يوم إن دمعي من العين إنتثر
...
جيت أبااهرج والعباير تحاصرني حصار=تلجم العبره لساني ويذبحني القهر
كان ودي تسمع القلب من خلف الستار=لوقربت شوي تسمع حنينه في الصدر
حن قلبي في وداعك حنين أم الحوار=عقب شوف وليدها طاعنينه في النحر
ماهناك قلوب مافي الصدور إلا حجار=في هذاك اليوم يرثي لها حتى الحجر
مثل حالي يوم خلتني الفرقى دمار=ويش أقللك وانت عندك تفاصيل الخبر
...
عقب ذاك اليوم ماتنطفي للشوق نار=كل ذكرى تخبط الجمر ويطير الشرر
آه من قلبٍ ليامن طرى طاريك طار=مثل طيرٍ حط وكره على جال الخطر
كل ماضوّى من الصيد بحلوق الصغار=وإن طواها الجوع لجّت وياليل السهر
وآه من طرفٍ ليامرّ مع ذيك الديار=فاض دمعه مثل فيض المغيض إلياإنكسر
جاه سيلٍ جر الأغصان مع دربه وسار=لين شربت كل الأودان والزايد ظهر
...
حالتي عقبك مثل حالة المطلوب ثار=في الخلا راح يتخفّى عن عيون البشر
في ديارِ قفر ماعاد فيها إلا الغبار=كل حيٍ شد عنها ولاجاها المطر
منتظر حكمك عليّه وطال الإنتظار=مير لاتقبل طعون العواذل بالظهر
لاتحاكمني غيابي وتصدر بي قرار=إن حكمت احكم عليّه وانا تحت النظر
شوفتي بالعين تكفيك عن كل إعتذار=في عيوني من مواري غلاك مية عذر
.
عبدالله الطلحي
.